YSL BEAUTÉ

恆時輕透霧光粉底液

呢排天氣開始熱，加埋落雨，感覺黐立立咁，混合偏油肌膚如我，轉季一定要換護膚品同化妝品，幸好呢個時候遇上YSL。
今次試呢支ALL HOURS FOUNDATION恆時輕透霧光粉底液，佢本身已經有SPF39同PA+++防曬，已經加分，因為可以趕時間出門搽少咗防曬都ok！
包裝一如既往，靚到令人未試都想買，磨砂樽身，仲有金色凸字係蓋身。
粉底液係我喜愛嘅泵裝，唔易被空氣污染或氧化，又唔怕倒瀉。

由於最近天氣不穩，皮膚都唔穩定，比較顯眼，希望素顏相唔好嚇親大家。
佢泵裝一唧出嚟唔算好液態，但手稍為一郁，粉底液都流動得好快；上面嗰下已經好即時感受到同秋冬用開嘅富光澤感粉底液好唔同，佢搽完會有啲似粉餅質感咁，感覺唔洗上碎粉都得。可以叫佢液態粉餅！所以唧出嚟要嗱嗱聲上面，如果唔係乾咗就有啲難上，佢遮瑕度算高，知道好多暗瘡印同毛孔！
而且 真係keep到放工都冇咩油光，就算lunch印面都冇太多甩妝，可能因為佢個碎粉都好用。

上粉紅底液後大致下圖：

放工後甩妝 程度：


整體嚟講非常適合潮濕又熱嘅香港夏天，而且遮瑕度不錯，暗瘡印遮到七八成。
如果同我一樣混合偏油嘅人就可以買來試吓用，但皮膚太乾嘅時候未必適合。