M.A.C

輕氧毛孔隱形底霜

基於上次日本旅行嘅慘痛經歷，無諗過嗰邊天氣比想像中乾到爆，帶咗唔適合嘅粉底，去完旅行塊臉爆咗勁多暗瘡，所以今次重新選擇底妝產品，希望唔會重蹈覆轍

考慮到行程緊密，未必有時間中途補妝，所以我要求base夠控油，見好多人大讚MAC呢支銀灰色管base好控油，買咗支sample，唧出嚟係白色cream狀，無任何潤色同防曬，推開有種似油非油質地，係典型填補毛孔產品會有嘅質感，乾咗感覺多咗一層粉係面，不過係捽唔甩嗰種抓實皮膚，我淨係上鼻頭範圍，遺憾填補毛孔作用唔高，上完粉底都仲係見到鼻哥一個個窿，出去跟朋友打邊爐，大概係外面4粒鐘左右，鼻頭都係見油光，不過係好靚嘅均勻出油，鼻頭粉底仲好完整，但係我唔expect 4粒鐘就會出咁多油，anyway如果無更好嘅同類產品，我應該都係會帶呢支出發