excel

溫和全效水感防曬精華

多謝 @cosme 邀請試用2款剛剛六月上架嘅 excel 2024 SPRING COLLECTION 新品💕。 一直都有使用excel的產品，但比較多是化妝品例如眉筆，眼影等，非常開心可以試用佢哋嘅防曬。

🌿日間防曬潤澤底霜
。包裝：奶白色支裝，加上淡黃淡綠點綴
。質地：同市面防曬質地類同，似乳液質地，延展性高及輕薄
。香味：淡淡的佛手柑和尤加利香味
。使用感受：從包裝上我個人比較喜歡支裝，因為感覺比較衛生同方便，但唔知點解頭幾次用佢，可能包裝偏軟身，擰開蓋嘅時候上面會屈埋開唔到，要拎近蓋嘅位置先開到。本身係打平放之後我打直企佢係到咁放又冇咗呢個問題。
質地上我個人覺得唔錯，水感輕盈但未到感覺唔到擦咗防矖咁誇張。上臉成膜快，有微微光澤感，同後續底妝冇打交。我非常滿意佢嘅防曬度數，具有SPF50+ PA ++++，很適合好怕曬黑嘅我。我個人意見覺得幾好用但未到有驚喜，如果鍾意excel 呢個牌子嘅可以購買。