MAYBELLINE

SUPERSTAY 超持久30H空氣感粉底液 (月光小紫瓶)

首先要多謝cosme 邀請試用maybelline superstay 月光小紫瓶粉底液，今次真係好有驚喜。一次過比3款顏色真係好貼心，總有一款會啱用，我收到嘅係N10 N20同W30。

粉底液外觀係幾靚，係玻璃樽設計，除咗美觀外 我覺得會可以更好咁保存粉底液 唔會咁易變質。

之後就講吓用後感，我自己試過N10同N20，2款都可以，不過N20比較適合自己。個人覺得N10嘅顏色比較適合真係好白嘅女仔 而N20比較適合大眾。仲有就係好易推開呢樣好值得讚，因為佢唔會卡粉，所以對於我呢種唔太化妝嘅新手嚟講都冇咩困難。

佢嘅遮瑕能力都係幾好的，一般嘅印或者黑眼圈都基本遮到，都幾自然。我自己有係有印嘅部位疊加多一層粉底液，個人係滿意的。

另外一樣我好中意嘅係佢真係好自然，完全冇面具感覺。用完唔會好乾，就算化咗妝全日，都唔覺得會乾，亦都冇乜浮粉卡粉嘅問題，我覺得佢會有少少融(可能因為我本身易出油), 但都只係會甩咗少少，我好怕融妝然後毛孔食咗啲粉嘅感覺，但呢枝唔會！完全唔會！！連鼻翼嘅位都冇問題，超勁！

佢係偏霧面，但又有少少光澤感，而個平衡又攞得好好。因為有啲粉底液有光澤感嘅同時會好笠(?) 但呢枝唔會。佢唔笠呢個位都係我好中意的，而持久度都唔錯，就算戴咗全日口罩都唔係甩好多，不過呢個point夏天好值得再試🤣

總結呢枝係值得買的🤣多謝cosme同Maybelline!