Dior

Miss Dior Blooming Bouquet 淡香薰

今次收到@cosme嘅香水試用，係可愛的5ml裝

透明四方嘅玻璃瓶身好似水晶方磚的可愛感覺
再配上蝴蝶結同埋淡粉紅色嘅香水
滿滿嘅少女感

最開頭係清新嘅花香中帶有果香嘅感覺，主要來自佛手柑同玫瑰花香嘅味道

大概10分鐘就轉換成純粹較為濃烈嘅牡丹花香
大概30分鐘後較濃的牡丹花香逐漸散去，留在肌膚上的是帶點花香，偏乾淨感的尾調
整體留香大概2小時左右

留香時間唔算長但以EDT而言可以接受

整體感覺如香水名稱Blooming Bouquet，有如收到一束鮮花嘅唔同階段

前調係剛收到花撲鼻而黎嘅清新花香
中調係近距離細聞嘅濃郩感覺
尾調係放低束花身上淡淡留有花粉嘅味道

係一枝平易近人嘅浪漫花香感香水

有出30ml可以幾百蚊入手算係一個送禮幾得體同唔容易失手嘅選擇