MAKE UP FOR EVER

水氧定妝噴霧

感謝@cosme送嘅禮物，已經係好耐之前收到，到依家先總結到使用心得，以前有用同牌子黑色樽嘅定妝噴霧，感覺唔錯，所以對呢款保濕版本有啲期待

睇過網站介紹，話可以做妝前保濕，妝後定妝，袋出街隨時補水，噴一噴眼影掃再上眼影可以增加顯色，我比較偏好用粉餅或者礦粉碎粉上底妝，到秋冬季節會容易乾，正好用呢支定妝噴霧，考慮到入面含有成膜劑，驚噴定再上碎粉的話容易因為摩擦起屑，就無係妝前用，噴咀比較強力，需要離塊臉比較遠啲，噴出嚟嘅水珠比較大，唔夠霧細，噴出嚟可覆蓋範圍都唔夠大，要反覆Z形來回噴至噴得哂成塊面，乾咗之後無乾崩感，原本霧面妝多咗一層自然光澤，成膜完整，無破壞妝面，持妝半日無現乾紋，不過可能我皮膚太乾，近鼻翼位有啲卡粉，持妝度唔錯，食buffet 時不停咁除戴口罩都只係口罩嘅鼻哥位染咗少少粉底，不過我麻麻地佢帶嚟嘅光澤，都係鍾意霧面多啲