Ressie14好用推薦：我擁有幾樣 CT唇部產品, 其中一樣係super model, 我從CT聖誕迷你唇膏組獲得。(同份小禮盒仲有pillow talk 同walk of no shame都係1.5g size) 基本上, 美妝控擁有唇膏實在太多, 買1.5g迷你唇膏用上1-2個月, 反而仲慳返啲基金, 試啱再入手唔遲~ Super Model大熱日常色, 簡單一句, 素顏carry冇問題 ; 呢隻色偏暖, 露齒笑時, 可有顯潔白牙齒之效。

green好用推薦：呢支係我第二支CT 唇膏，好鐘意CT既唇膏， 呢隻係Nude Romance色號，比較暗小小既裸色，但未去到好Nude，有微微啡tone，比較合適秋冬既妝容，化個簡單乾淨既妝，再搽呢支唇色，會有一種好高級既妝感，當然喜歡的話春夏都可以用，只係佢色調係秋冬用既時候會更加突顯呢支唇色既魅力。 顯色度方面佢都好顯色，本人唇色較暗沉，皮膚係黃小小的，佢可以覆蓋晒原來既唇色。 滋潤度方面幾好，唔易乾。持久度一般，飲水食野會甩，但可接受。 氣味方面，佢唔算有好大既味道，最多係有小小忌廉（？）既氣味，係舒服既氣味（對我黎講），呢點都係我鐘意佢既原因，有時有啲唇膏會有太大既香味/甜味，CT唇膏就比氣味即使有，但都係好輕微，較舒服。 總括黎講，佢係我幾鐘意既裸色唇膏系列，我都幾推介，而且佢價錢都好合理😊。 圖片係素顏時搽左唇膏既狀況💄 （無濾鏡，室內燈光）

sami.mew好用推薦：色號：Flame 超級喜歡它的質地，順滑度一流，很容易推開之餘，作為一枝matte嘅唇膏可謂超級滋潤，上嘴唔單止唔乾，竟然仲有潤唇效果！沾少少上嘴已經可以持續成日，香味仲要係雲尼拿味，試完個質地就覺得一定要買番枝走～ 惟一缺點係顏色選擇太少，其中pillow talk同pillow talk medium係我嘴上面都好似病左咁無血色……試完一輪，最後買左唔係熱門色嘅flame，應該係惟一一枝無咩灰調嘅顏色？Blend開嘅顏色比較顯白～ 但如果可以有更多顏色選擇就好了。 #火熱新品