iscah好用推薦：首先要多謝@cosme 既試用🙏🏻我都認真試用左Charlotte Tilbury輕盈無瑕粉底液幾日，整體感覺都好好，相信之後會再回購。 Charlotte Tilbury既產品一向都行奢華風，果然不負其名，粉底液一拎上手個質感都好好，樽身磨砂面都好舒服🥰 粉底液出黎質地唔會好洗或好傑，係常見專櫃粉底液質地，都幾易推開 我係夏天時係混合偏乾膚質，咁岩試用時有少少翻風都擔心會唔會令皮膚好乾😣好彩今次試用都有埋Charlotte’s magic cream，係上粉底前我搽左啲落比較容易乾燥既位，感覺都好輕盈透薄 妝前照： 妝後照： 咁咁岩影相當日有啲泛紅，同埋本身有少少雀斑，不過上完粉底液後係完全遮到9成，雖然暗瘡印都要另外再用遮瑕膏，但上面感覺都唔會好厚重，我認為以透薄做主作既粉底液有依個程度遮瑕力都好足夠👍🏻 最後我再用左輕盈無瑕蜜粉定妝，整體妝感由光澤變成偏霧面感👍🏻 連續幾日都出街8小時以上，有室內外都活動過，都係大概去到5個鐘左右會有少少浮，但整體妝感都仲好完整，如果追求完美既可以用粉餅補番少少妝咁就頂到全日👍🏻 

Brandi好用推薦： 感謝@cosme 俾我試用CT Airbrush Flawless Foundation 除左粉底 今次亦有Magic Cream同Pressed Powder俾我試用先講Magic Cream 本人長期用開 每朝都用佢 簡直係cream+primer 2合1 佢本身都有SPF15 PA+++ 所以可以做埋防曬 用完佢之後個底妝真係貼好多 其次仲有個Pressed Powder 本身自己都用緊新出白色嗰盒 呢盒就控油力高 粉質好幼細仲有少少遮瑕力 用完個妝long lasting好多 白色嗰盒我主要用黎提亮暗沉位置 到枝Airbrush Flawless Foundation 今次試用3N號色 本人係混合偏乾肌 膚色不均同T字好易出油呢枝粉底上妝妝感好自然 但遮瑕力又幾好 唔卡粉亦唔厚妝 12個鐘冇補過妝個底妝都keep得好好 冇溶過 T字位用左控油primer同個powder之後都冇出過油 CT既products真係從來唔會令人失望 真係好推薦大家試吓呢枝粉底👍🏻