KATE TOKYO 好用推薦產品

YiN好用推薦：俾咁多人大推完，點可以唔買返枝lip monster呀，用咗好一段時間先捨得寫評論。呢枝係03陽炎色，係潤澤型透透地嘅橙棕色，搽上嘴基本上係最百搭嘅顏色，輕輕提升氣息得黎唔會好誇張好紅。我本身唇色唔係好深，搽上去透返自己本身嘅紅色出嚟，就變成好自然嘅粉紅色。 ✅潤澤不顯唇紋 如果我嗰日個嘴唔係乾到翹哂死皮，唔搽潤唇膏單搽lip monster都夠潤，佢長時間都做到個潤澤感。 ❓顯色度 本身係半透嘅唇膏，如果本身唇色較深，相信佢就冇辦法遮到色，出嚟個效果就會唔一樣。 ❓持久不掉色 Lip monster最出名就係佢個持色效果，搽咗佢就算飲野都只會甩最面嗰層，顏色會留返喺嘴。但呢件事好似冇發生喺我身上，佢依然係大甩特甩，所以我一直當佢普通唇膏咁用。 雖然佢喺我身上唔夠持色，但因為佢不斷出好多新色，啲色又靚，我都係會繼續買。

Kitty 好用推薦：話說前排經過萬寧，見到Kate呢隻小怪獸唇膏做緊discount，忍唔住手入咗支04號色！用咗幾日同大家分享下真實使用感啦～ 💄包裝設計 支唇膏係長方管身，雖然係膠殼但係手感唔差，開合都好順暢。 💄顏色表現 04號係帶點珊瑚調嘅蜜桃紅色，薄薄搽一層已經好顯氣色，厚塗就會更加有女人味。呢隻色幾適合日常用，唔會太誇張，黃皮都可以駕馭到，睇落個人都精神啲！ 💄質地感受 真心要讚吓佢個質地！塗上嘴真係好順滑，好水潤。完全唔會扯唇紋。本身驚佢會太潤容易脫色，但其實佢持久度超高，保持到輕盈感之餘又唔會乾燥。 💄持久度 食個輕食飲嘢都keep到六七成顏色，當然食飯就要補啦～不過以開架唇膏嚟講算係好好！唯一要留意係雖然宣傳不沾杯，但實際都有少少沾杯，但可以接受。持久度已經好過市面大部分水光唇膏。 💄性價比 唔過100蚊有咁嘅質素真係幾抵玩！比起專櫃唇膏絕對唔輸蝕，而且顏色選擇又多，之後都想試埋其他色號～ 總括來講，如果你鍾意自然得嚟又有氣質嘅唇妝，呢支04號真係唔錯嘅選擇！特別推薦比學生黨同OL日常使用～

Emily Leung好用推薦：新品速遞| 日本水光版怪獸口紅試色🪺 關於唇膏這方面，kate是有點東西的👍🏻 G03 是焦糖紅棕色🤎，這個顏色用手指薄塗是可以素顏用的，挺自然有氣色。而厚塗我覺得需要化妝才好看，比較有氣勢、高級的感覺，很適合秋冬喔。 這次水光怪獸口紅的質地很水潤，像唇蜜。持色力也很好，吃完東西還有顏色，減少了光澤。 需要注意這系列的唇膏都是轉不回去，用多少轉多少‼️卸妝方面使用眼唇卸妝液就即刻卸乾淨，沒有染唇的問題。

Kitty 好用推薦：隻唇彩包裝幼細細支，成支唇釉咁款，但其實佢係固體㗎！質地真係幾得意！ ✨ 包裝同設計： 佢好細管，放喺而家啲細到唔可以再細嘅細袋仔入面，完全冇難度！帶出街補妝都覺得自己好有品味，哈哈！ 💋 質地同觸感： 講到最神奇嘅地方，就係佢嘅質地！搽上嘴嗰下，係一種好絲滑、creamy嘅水感，好似將液體唇釉瞬間凝固咗咁，完全唔會立痴痴。而且佢好易推勻，唔會話卡喺唇紋度，一搽上去就已經有種水光感，睇落個嘴唇嘟嘟哋，幾得意。 🎨 顯色度同妝效： 顯色度方面，我覺得屬於中等至中上。如果你本身唇色深，可能要多搽一兩層先至遮到。但係佢出嚟個效果真係好自然，係嗰種偽素顏嘅水光感，好適合日常返工返學，或者行街睇戲嘅 casual look。如果你想濃妝少少，疊加多幾層都唔會覺得厚重。 👍 持久度： 老實講，佢始終係滋潤型嘅固體唇膏，你唔好期望佢可以好似啲液體唇釉咁，食完個飯都仲係完完整整。佢會黐杯，飲兩嘢水會甩少少。不過，就算甩咗，個嘴唇都唔會變到好乾，或者留低一撻撻咁難睇。通常我食完嘢都會補一補，反正支嘢咁細，補妝都冇所謂啦！ 👎 小缺點： 如果真要雞蛋裏挑骨頭，就係因為佢質地比較軟同滑，用量會比較快

mandy好用推薦：KATE TOKYO LIP MONSTER SOUFFLE MATTE 怪獸級持色絨霧唇釉 M02 $99 （Sasa 再打88折） 一直比較少接觸KATE TOKYO，這次參與免費化妝服務，覺得KATE的化妝品也挺好用的。由於瓶身設計不是走可愛路線，平時比較少留意。KATE的化妝品全是酷酷的黑色，給人專業化妝師品牌的感覺。 怪獸級持色絨霧唇釉的唇刷非常好用，可以幫助初用者更易於掌握抽繪理想的唇型。 完妝是輕盈的霧面唇妝，比有色潤唇膏更持久， 但大吃大喝後還是會掉色，飯後還是需要補妝。 霧面唇妝較容易令雙唇變乾燥，怪獸級持色絨霧唇釉沒有這問題，使用感清爽不黏笠，而且還不顯唇紋，這給予我對KATE很不錯的印象，就是實力派。 大家可嘗試比較上一層唇色及上兩層唇色， 這視乎您喜歡鮮色一些的唇妝還是淡色一些的唇妝。總之覺得不夠顯色就上多一層好了。 色號M02是亮眼的粉橙色/珊瑚色， 最近我都在用這樣的色系作為唇色， 覺得比較易carry，又不會很誇張， 是天天都可用到的唇色，還挺顯肌膚白， 不論上班或約會都可以使用。

Ice好用推薦：個色幾靚，搽上嘴係嗰種唇泥嘅感覺，好易推開，好顯色。就算食飯飲嘢，high甩咗都係會有少少色起上邊，有啲染唇。不過注意如果唇紋比較多，又或者個嘴會甩皮乾嘅話唔係幾適合用呢支，佢會顯得你啲唇紋更加明顯，更加乾。

Noel好用推薦：Kate 終於有唇部的新產品了！個人很喜歡就個 “赤紅 × 祼色” 的概念，一個唇彩盒包含深淺兩色❗可惜，因為色選上沒有太吸引的組合，就只入手了 #04 。 #04 鮮紅色唇膏➕淡淡祼色唇彩，可以按個人喜好，決定兩色的比例❗個人感覺有兩個用法： 1️⃣ 先混好2色，再搽上雙唇 2️⃣ 先塗深色唇膏，再 on top 加上淡色 小小一盒，可以自己調出獨特色澤，配搭當天的眼妝👍 產品質地滋潤，不需要潤唇膏打底，帶妝 3-4 小時，不顯唇紋❣顯色度亦相當理想，係難得的日系彩妝，做出高顯色唇膏唇彩~ 不過，這款不無缺點。附上的唇膏海綿棒並不順手，要自備唇掃。帶出街用，唔算方便；如要補妝，唇妝未必能夠保持顏色一致😅 最後，對於產品質地，個人而言比較執著，唇膏質感偏黏，會黏頭髮黏口罩，我不喜歡~

choichoi好用推薦：顯色度與保濕度也高的一款唇妝產品，不用擔心顯唇紋👏🏻要是唇掃有兩端方便獨立使用於不同顏色的唇膏就更佳了

Meric好用推薦：一直想買淺色的唇膏，就買了這個，不知是否是唇太淺色（PK-2），很不好上色，又可能我是比較易唇乾的關係，塗這個超乾的，一定要先塗潤唇膏。結果我也很少用這枝喇～

jellybeanyay好用推薦：顏色唔係十分顯色(顯色度大約8成)，不過好smooth好順滑，雖然係有少少光澤感嘅唇膏，但唔算滋潤，佢有啲啲金色閃粉令到有少少豐唇效果。搽出嚟都係幾靚嘅，價錢唔貴都值得買嚟試下。

jellybeanyay好用推薦：筆頭較細容易勾畫唇形，順滑易上色，質地都算滋潤唔乾，顯色度唔算好高效果係比較sheer，有光澤感適合日常妝用

hsjvanessa好用推薦：唇膏管較一般唇膏為幼，方便放入化妝袋 好快用哂的唇膏，滋潤度足夠，但持久力不高 買了豆沙色，顏色非常自然好看

choichoi好用推薦：擁有保濕感與光澤度不俗的唇蜜 藍色看著難用，但用來塗於唇膏面層後帶來的閃爍感很好看

ChristinaTong好用推薦：顯色度一般般，味道方面有一陣我唔太鍾意嘅唇膏味，但唔會令嘴唇變乾，顏色都係好睇，靚嘅。價錢唔貴，叫做買過一支就算。無咩必要買呢支