Melvita 用家評價

有機大馬士革玫瑰花水 說起melvita未必大家都識.. 但見到喱個包裝.. 大家都會有印象😌 玫瑰水我大約用咗3-4年.. 當中試過好多牌子.. 喱款我會覺得性價比最高💡 先戴頭盔🍄🍄🍄 相對其他牌子玫瑰水.. 🍄保濕度一般 保濕度對乾肌只屬一般.. 而且唔持久.. 噴完10分鐘左右已經會無水潤感.. 期待高保濕效果的可以👋🏻 用咗咁多年.. 當然有佢嘅好嘢嘅🤭 💡舒緩泛紅肌膚 有時做完高能量facial.. 臉都會泛紅刺痛.. 喺街又唔方便即時處理… 喱個時候噴幾下.. 可以即時紓緩到刺痛感 💡補妝神器 補妝前噴幾下..可以幫助妝容回復光澤 噴少少落美妝蛋上妝.. 又可以令妝容更貼服 💡修眉後護理 喱個係專櫃小姐教嘅.. 我平時去開專櫃修眉.. 一修完會成個紅色印.. 又痕又腫又痛.. 起碼持續成個鐘.. 但如果修完後用化妝綿敷十分鐘..就會無喱個問題.. 玫瑰水如此多.. 功效都相差無幾.. 點解話佢性價比高呢.. 價錢係重點🤭🤭 喱隻travel size..dfs賣$110@ 2 貨裝sasa賣$140 200ml 每次用量最多都係4-5下.. 一大支

試用完佢包sample 就即刻買左！ 岩岩轉天氣果陣，無護膚，成身好乾同痕到比自己𢯎損哂。之後我即刻每日用左body loction打底，再加幾滴堅果油，堅持搽幾日之後，就唔再痕！冬天補濕鎖水真係好緊要。 呢支堅果油搽完，feel到佢係吸收到，唔會成手油淋淋，同埋佢無難聞既味，亦無特別加香味，所以我都用得好放心，唔怕對香料敏感。 佢個頭既設計都唔錯，係可以一滴滴油咁滴出黎，等用家容易控制個用量。 我自己暫時都係用係身體上，未試過用係面，因為我面部比較易毛孔閉塞，所以都唔敢試。身體油黎緊，呢支真係十分推薦。

Melvita Argan Bio-Active Intensive Lifting Cream 有機堅果活膚緊緻面霜 Argan oil嘅產品用過好多..效果都唔錯 但主要都係用在頭髮上面💆🏻‍♀️ 今次又試下面霜 一打開包裝就聞到堅果味… 非常重.. 我自己唔太鐘意..🪻 正常Cream狀無咩特別.. 膏體易推開.. 吸收度高..💡 早晚塗抹，撫平所有面部特徵：從頸部到前額。 從眉毛到髮際線，從下巴到耳朵都光滑。 先按壓顴骨，然後按壓太陽穴。 重複3次。 如果要跟官方介紹咁按摩： Sample size嘅1ml 絕對唔夠用🤨 我就一次開2包用按摩機去按.. 份量就剛剛好 按左2次.. 緊緻提升暫時未見到效果 但滋潤度的確唔錯💡 秋冬天氣下都持續滋潤到肌膚.. 全日帶妝都無見到現乾紋.. 缺水嘅情況💡 如果會出新版.. 改善到陣味.. 我大機會會入手🧏🏻‍♀️

Melvita 係一個我好鍾意嘅品牌， 呢支rose floral water 已經用左好多支， 公司長期放一支， 因為公司長期在冷氣中，會間中噴下塊面同頸，會感覺肌膚無咁乾，妝也會比較持久， 本身自己好鍾意玫瑰味嘅product, 所以呢支值得推薦

本身黑眼圈問題都幾嚴重，所以一直試緊邊款product先可以令改善狀況，這次試了牛油果油，成份天然，但氣味一般，而且真係幾油，搽眼都生油脂粒，但黑眼圈情況未見改善，相信不會回購😅

緊緻不油膩嘅身體油,好特別嘅身體油，油嘅知道好流質，顏色好特別，搽上身唔油，按摩一陣就完全吸收，香味係油嘅原始香味，唔係香精嘅味道，我幾鍾意，用完皮膚滋潤度有增加，冬天用真係一流，同埋用完唔會覺得好油，產地係法國，皮膚緊緻度都有提升，但價錢個人覺得偏貴 @cosme

有機花粹排毒淨膚水除咗可以卸妝， 仲有個比較少人知嘅功效就係導出！ 呢個係朝早用清水洗面後，用淨膚水導出嘅效果。 就咁用嚟抹面根本唔會有呢個效果！之前只係用嚟卸淡妝，覺得無乜特別⋯ 買咗部導入導出機先發現原來咁強‼️ 已經用到空瓶，準備買第二枝啦❗️

已經用左無數咁多支🫶🏻 第一次買係因為飛長途機，忽然覺得面好乾，睇到飛機免稅品雜誌推介而入手，噴一噴就即時紓緩，從此入坑😅 玫瑰味非常香，而且好自然，係清新花香而唔係死甜好假既味🌷 天然有機成份對敏感肌非常友好🫶🏻 而家習慣沖完涼同洗完面就噴一噴，保濕之餘又可以當化妝水用：） 有時出門懶噴香水，就直接噴埋落頭髮，氣味清新又舒服！ 出到街補妝前又噴一噴，即時保濕又唔怕浮粉🫶🏻 如無意外會係我長期必備之選，誠意推介🫶🏻

用完呢款美容液包你白過白紙，成塊臉臉提亮兩個色號，水+油的配方令美容液更容易滲透肌底, 皮膚更容易吸收, 雖然有油的成份, 但搽了之後, 感覺清爽水潤, 而且用了一段時間, 皮膚明顯亮白有光澤，堅持用了兩個禮拜, 皮膚透亮左好多, 冇咁暗沉，夏天用更加令妝容貼服左好多。好鍾意 !!同埋搽上臉好快就吸收，非常推薦俾皮膚暗沉嘅朋友，同埋價錢唔貴，一瓶日日用就可以用到好耐，性價比好高,夏天用完去沙灘曬都唔怕黑，同埋我夜晚開冷氣都有用，用完皮膚都keep住水潤潤，產地係法國，信心保證，同埋冇香味，酒精成分，敏感皮膚都用得 #夏日必備保養 @cosmehk

Melvita 有機金盞花油是一款以有機金盞花花瓣為基底的護膚產品，它含有豐富天然成分，例如維生素和抗氧化物等。這款護理油可以用於臉部、身體和頭髮，能夠提供深層保濕和舒緩肌膚，改善肌膚質地，使其更加柔軟和有光澤，有濕疹時用十分適合。 1. 舒緩肌膚：有效地舒緩肌膚，減輕因乾燥、濕疹而引起的不適感。 2. 提升肌膚彈性：金盞花油含有豐富的維生素和抗氧化劑，能夠提升肌膚的彈性和緊實度，使肌膚更加年輕和健康。 3. 深層滋潤：能深層滋潤肌膚，改善肌膚的質地，使肌膚更加柔軟和有光澤。

雖然佢主打係噴霧，當係爽膚水咁用，但我試過咁樣冇乜特別功效，純粹比較低刺激性。 反而用佢做濕敷效果就好唔錯，保濕力好高！我通常會倒落化妝棉上面再敷面，但係咁樣就會用得比快。 另外就係都幾鍾意佢嘅玫瑰香味，好天然嘅感覺。

我是衝著它是有機認證和玫瑰香味而買的 一邊沖涼，一邊有淡淡的玫瑰香味，香味怡人，都會令人心情愉悅 不過用過之後，就有點後悔了，它是滋潤型沐浴啫喱，用完皮膚有點滑滑的感覺，但我比較喜歡清爽的潔淨感覺，所以應該不會回購了

呢枝產品聽唔少乾燥機或敏感肌朋友介紹，雖然我自己油性皮膚，不過因為經常出入冷氣房，對 噴霧型嘅保濕化妝水產品都感興趣！ 先講成份方面，強調天然有機，酒精源自於植物本身，不含添加色素及香味。我用咗咁耐，都冇出現過敏感情況。 再講保濕效果，我習慣係朝早用佢，洗完面之後直接噴佢喺面上，迅速就可以保濕，會感受到皮膚細胞即刻脹起咗、後續加入其他精華及面霜產品，簡單輕鬆就完成早上護膚程序！相比起用化妝棉將爽膚水搽喺面上，我覺得噴霧型嘅產品會同皮膚嘅接觸更加廣泛，更direct~ 另外要值得一讚就係佢嘅噴嘴非常細緻，大家可以睇到附帶嘅圖片，噴咗上手，每粒水珠都非常幼細架！朝早用嘅時候配合花香，精神為之一振！

呢啲玫瑰水係之前喺法國買嘅，喺法國藥妝店買真係好平，所以就試吓啦！ 玫瑰水嘅味道都幾香，但係係個噴頭太強大，撳一下塊面就濕到滴水，如果化咗妝噴嘅就會驚個妝化 同埋噴完覺得冇咩用

旅行時購自法國，一開始係朋友話好平，所以先買嚟試吓。但係用落都幾舒服。 平時沖完涼，噴兩下落塊臉到舒緩繃緊感覺；化妝前都會噴兩下令皮膚濕潤啲，上妝效果都會好啲。 但係玫瑰水始終都只係輔助作用，係咪真係可以好保濕，令到皮膚好滋潤，當然做唔到呢個效果。配合其他產品使用，效果都唔錯。 同埋一年四季使用都冇問題！