Melvita 用家評價

呢枝可以話係我❄️冬季護膚品嘅皇牌~ 對比起坊間其他品牌嘅爽膚水，呢支玫瑰精華露明顯比較厚身。雖然產品質感唔一定同保濕程度掛鉤，但呢支玫瑰露保濕度係十分高，好適合敷完面膜之後，即刻使用，將水份鎖緊！👆🏼產品質感較為厚身👆🏼用完產品，皮膚明顯脹卜卜 而且冬季天氣較為乾燥，皮膚好容易缺水，但又未必每一日都想用含油份產品來鎖緊水份，因為好容易用量過多就會生暗瘡。呢枝產品就正正做到不含油份，但都可以將之前嘅保濕效果牢牢鎖住。👆🏼產品90%為天然成份 最喜歡佢成份近乎完全天然，一打開已經好香玫瑰味，但完全唔係人工香味，係天然花香，最適合孕婦或者敏感肌膚使用。 就算我本身冇乜皮膚敏感，每逢皮膚遇上狀況，暗瘡、脫皮等，都會即刻搵佢急救，呢啲情況之下天然產品就最放心！

呢支產品可以話係❄️冬季眼部最愛產品~ 雖然夏季我都會使用呢款產品，不過我係偏油性肌膚，對我而言我覺得佢較為適合秋冬天氣使用。  冬天天氣乾燥，最容易衍生皺紋，尤其是係頸部同眼部肌膚，呢支淡紋筆，油質好輕薄，完全唔會為皮膚帶嚟負擔，即使係皮膚最薄嘅眼部四周，大約5分鐘內都可以完全吸收！加上呢支產品帶有淡淡玫瑰果香，尤其晚上使用的效果十分療癒，多數用完呢個產品，我都會再配合眼部精華或者眼霜，加強對肌膚嘅保護👆🏼剛塗上眼部，油分較重👆🏼5分鐘後，完全吸收，眼紋已見減淡 另外一個我自己喜歡嘅用法，就係用嚟補妝，由於佢非常輕便，每逢出街脫妝嘅時候，我都會用佢輕輕作為卸妝油用途，卸走部份妝容，然後先補妝，咁就唔會出現不停補粉，好似硬膠芭比嘅情況

melvita玫瑰花水就好出名啦，見到有隻菊花水專比眼部護理使用，就買左黎試，諗住全面包埋眼部都用得。依隻菊花水樽身設計同平時一樣，但樽頭唔係噴頭係扭蓋，倒出黎用要小心易倒瀉，佢主要方便倒落化妝棉度做眼部濕敷。菊花水係淡黃色有菊花茶香味，敷住咁聞都幾舒緩壓力。用化妝棉濕敷落眼度10分鐘，本身我眼下細紋都比較多，敷完之後明顯淡左啲，感覺仲亮白左。依隻菊花水成份天然，平日全面包埋眼咁拍都好方便，特別乾就濕敷埋眼，感覺清爽又保濕，唔擔心會生眼下粒粒，黑眼圈就去唔到啦但去細紋都效果不錯。

Meltiva 玫瑰花水測評：平價玫瑰香氣嘅保濕選擇？ 一打開就聞到好明顯嘅玫瑰花香，唔係好人工嗰種，幾舒服。質地就係清水咁稀，完全唔黏，拍上臉好快吸收，唔會留低任何「立」感覺。 老實講，如果你係大乾肌，佢嘅保濕力可能唔太夠，你要後續搽番精華同面霜。但對於油性同混合肌，夏天用就好正！當你覺得塊面有啲油、有啲焗，拎出嚟噴一噴，即刻清爽返，仲可以順便補濕。我鍾意佢可以裝落噴壺隨身帶出街用。 我用落就覺得幾溫和，冇酒精味，眼周附近用都唔刺激。不過，如果你係對香料或者植物萃取超級敏感，就最好先做皮膚測試。 多用小貼士： · 我會用嚟做化妝前打底，簡單濕潤下塊面。 · 敷面膜之前噴全面，等皮膚吸收多啲水份。 · 有時化完妝覺得個妝太粉，會噴少少嚟定妝同保濕。 缺點： 保濕力唔算好強，同埋如果你唔鍾意護膚品有香味，就可能要考慮下。

有機大馬士革玫瑰花水 說起melvita未必大家都識.. 但見到喱個包裝.. 大家都會有印象😌 玫瑰水我大約用咗3-4年.. 當中試過好多牌子.. 喱款我會覺得性價比最高💡 先戴頭盔🍄🍄🍄 相對其他牌子玫瑰水.. 🍄保濕度一般 保濕度對乾肌只屬一般.. 而且唔持久.. 噴完10分鐘左右已經會無水潤感.. 期待高保濕效果的可以👋🏻 用咗咁多年.. 當然有佢嘅好嘢嘅🤭 💡舒緩泛紅肌膚 有時做完高能量facial.. 臉都會泛紅刺痛.. 喺街又唔方便即時處理… 喱個時候噴幾下.. 可以即時紓緩到刺痛感 💡補妝神器 補妝前噴幾下..可以幫助妝容回復光澤 噴少少落美妝蛋上妝.. 又可以令妝容更貼服 💡修眉後護理 喱個係專櫃小姐教嘅.. 我平時去開專櫃修眉.. 一修完會成個紅色印.. 又痕又腫又痛.. 起碼持續成個鐘.. 但如果修完後用化妝綿敷十分鐘..就會無喱個問題.. 玫瑰水如此多.. 功效都相差無幾.. 點解話佢性價比高呢.. 價錢係重點🤭🤭 喱隻travel size..dfs賣$110@ 2 貨裝sasa賣$140 200ml 每次用量最多都係4-5下.. 一大支

試用完佢包sample 就即刻買左！ 岩岩轉天氣果陣，無護膚，成身好乾同痕到比自己𢯎損哂。之後我即刻每日用左body loction打底，再加幾滴堅果油，堅持搽幾日之後，就唔再痕！冬天補濕鎖水真係好緊要。 呢支堅果油搽完，feel到佢係吸收到，唔會成手油淋淋，同埋佢無難聞既味，亦無特別加香味，所以我都用得好放心，唔怕對香料敏感。 佢個頭既設計都唔錯，係可以一滴滴油咁滴出黎，等用家容易控制個用量。 我自己暫時都係用係身體上，未試過用係面，因為我面部比較易毛孔閉塞，所以都唔敢試。身體油黎緊，呢支真係十分推薦。

香港嘅夏天真係好熱好痴立立，又喜歡長時間留喺冷氣間，所以皮膚好易出油又易紅。 為左穩定夏日肌膚，我喜歡用melvita玫瑰花水噴面或者直接浸濕化妝棉濕敷，可以令皮膚降溫。 今年夏天咁熱，大家都可以一齊試下用佢濕敷啦：） #夏日 #清爽 #降溫 #爽膚水

同玫瑰花水一樣噴出嚟比較水 同埋好薄所以唔可以真正當toner 會唔夠潤 但係對比玫瑰花水 佢個味道好聞啲 有少少香料藥材味 天然啲冇咁攻鼻 如果覺得唔夠滋潤我會噴多幾次

因為好多人介紹所以試吓 覺得玫瑰花味有少少難聞 噴面保濕會覺得好辛苦 而且其實噴咗好多次都覺得冇明顯保濕效果 不會回購及介紹

這款有機透白光感美容液，是油和水份開兩層，如果是貨裝會明顯見到油和水分層，用時就需搖勻後才使用。 因我手上的是試用裝，所倒出來時是呈水狀，但推開後會感到水中帶油潤感，所以塗上後肌膚除了感保濕外，同時會感油潤，至於美白效果，則不太明顯，但以當一支美容液來用，可同時水潤肌膚也是一件不錯產品。

隻玫瑰水味聞落有少少臭，唔太中意佢陣味。另外保濕度都唔係幾夠，好快會乾，淨係岩拎出街補妝果時噴，如果做爽膚水就完全唔夠保濕。

Melvita Argan Bio-Active Intensive Lifting Cream 有機堅果活膚緊緻面霜 Argan oil嘅產品用過好多..效果都唔錯 但主要都係用在頭髮上面💆🏻‍♀️ 今次又試下面霜 一打開包裝就聞到堅果味… 非常重.. 我自己唔太鐘意..🪻 正常Cream狀無咩特別.. 膏體易推開.. 吸收度高..💡 早晚塗抹，撫平所有面部特徵：從頸部到前額。 從眉毛到髮際線，從下巴到耳朵都光滑。 先按壓顴骨，然後按壓太陽穴。 重複3次。 如果要跟官方介紹咁按摩： Sample size嘅1ml 絕對唔夠用🤨 我就一次開2包用按摩機去按.. 份量就剛剛好 按左2次.. 緊緻提升暫時未見到效果 但滋潤度的確唔錯💡 秋冬天氣下都持續滋潤到肌膚.. 全日帶妝都無見到現乾紋.. 缺水嘅情況💡 如果會出新版.. 改善到陣味.. 我大機會會入手🧏🏻‍♀️

Melvita 有機大馬士革玫瑰花水，很清香的玫瑰花味，適合洗面後給肌膚帶來一個refreshing和保濕的感覺。

Melvita 係一個我好鍾意嘅品牌， 呢支rose floral water 已經用左好多支， 公司長期放一支， 因為公司長期在冷氣中，會間中噴下塊面同頸，會感覺肌膚無咁乾，妝也會比較持久， 本身自己好鍾意玫瑰味嘅product, 所以呢支值得推薦

本身黑眼圈問題都幾嚴重，所以一直試緊邊款product先可以令改善狀況，這次試了牛油果油，成份天然，但氣味一般，而且真係幾油，搽眼都生油脂粒，但黑眼圈情況未見改善，相信不會回購😅