DECORTÉ 好用推薦產品

Chloeincosme好用推薦：Decorte既碎粉（/蜜粉）係我一直嘅回購品，亦都係我用過最好嘅碎粉（沒有之一）。 雖然價錢望落小貴，但係其實好大容量，除返比開架品牌更平😂 呢盒係好耐之前囤既貨（因為之前嗰盒用咗好耐，終於用晒😆🤣😓）。 1. 粉撲： 暫時未見到比佢更有誠意既粉撲🤣夠軟夠厚長毛，抓粉力恰到好處，唔會太多但唔會上左空氣。  2. 色號：11 號。 妝感：日系自然，好輕微既粉色再加少少閃粉，上面效果精緻，略帶珠光，喺陽光下有一種好自然嘅透膚感。 Zoom近影見唔見到有極細極細既珠光閃粉，唔會令塊面登台咁，但又有光澤。 控油：混乾肌表示返工/ 行街完全夠做，如果全日戶外活動就要噴定妝噴霧。 保濕：偏高（控油比大白餅冇咁好！但比大白位保濕） 簡單黎講，平靚正🤣 

Kitty 好用推薦：作為一個對底妝有啲要求嘅女仔，我呢幾年試過唔少專櫃同開架嘅碎粉。作為混合肌，DECORTÉ呢盒碎粉真係有驚喜！ 佢最大賣點係妝效自然，帶微珠光，上臉後，唔會死白，反而透出好似皮膚自己嘅光澤，即時提升氣色，柔焦毛孔效果亦好出色。 粉質真係超幼細，近乎零粉感，因為添加咗氨基酸，所以就算係面頰偏乾位都唔會繃緊。控油力對我嚟講算中等，出油後妝面會融合成自然嘅奶油肌，但大油皮夏天就可能要補妝。 總括來講，佢完美打造咗一種精緻嘅偽素顏感。雖然屬專櫃中高價位，但粉質同妝效確實對得住個價，一盒可以用好耐。好推薦俾追求自然光澤肌、同怕碎粉乾嘅乾性/混合肌姊妹！

chasiutung好用推薦：我膚色黃皮2白 混油敏感肌 夏天出汗同出油量都算多 有痘印 DECORTÉ AQ MW 依款蜜粉係我吾小心買錯左 意外發現嘅好物 DECORTÉ AQ MW 依款蜜粉粉質係我用過最幼滑嘅一款 有淡淡嘅花香味 淡粉紅色嘅蜜粉入面有好細好細嘅閃粉 內附一個毛絨絨嘅粉撲(粉撲好好用) 上臉感覺妝感好靚 好似皮膚好滑 毛孔都隱形左 依款蜜粉控油持妝 但一d都吾乾 真心好用 但我買錯色號 對我黎講上臉太白了同埋吾太喜歡有閃粉 

Tsyyy好用推薦：俾普通版貴啲 帶有保濕成分 粉質比較幼細 同埋持妝亦好好👍🏻 磨皮效果ok

inkitsung好用推薦：#派對完美底妝 #火熱新品 超高顏值嘅蜜粉餅~ 磨砂白外盒簡約得嚟又高貴~ 而且仲要已經有齊粉扑同掃，勁方便👍 色號01偏白，主要提亮增加透明感~ 粉質亦都比的我想像中更貼服幼滑~ 仲有養膚成份，化妝個底都可以keep住靚~ 感覺佢保濕效果亦都高，依家咁凍咁乾燥~ 但我用後都冇出現卡粉浮白，整體性價比極高呀！

Fng好用推薦：買咗最新嘅101號色，有4種顏色碎粉在內🩵💜🩷🤍，分別係米色、粉紅色 、淺藍色、薰衣草色。 內附粉撲，厚實柔軟，用個粉撲輕輕喺頂孔 轉一個圈即可均勻取出4種顏色嘅粉。佢柔光妝效，透薄，可明顯提亮肌膚，有效調整膚色不均，粉質幼細，達到隱形毛孔，磨皮嘅效果。 我屬於乾皮，冬天用冇出現乾紋🫶💘，產品話有玻尿酸補濕，一般情況下持妝8小時以上，用咗一星期，整體表現非常之好。 #火熱新品

Noel好用推薦：這款 Face Powder 是 Decorte 品牌中最尊貴的定妝粉。由於價格非常高，因此我抱有很高期望😂 我使用的 AQ Meliority 定妝粉，係 5g 便攜裝，但已經可用很久了~ 定妝粉無色選，只有一個顏色：淡粉色💕 質地非常細滑，輕柔，是我目前用過最細緻的蜜粉~ 上完粉底就可以輕掃 Meliority 蜜粉，淡粉色蜜粉，有效提升皮膚的氣色，去退暗啞👍同時蜜粉很快融入底妝，進一步遮蓋毛孔❣ 上妝效果自然，底妝變得更細緻，柔滑，能打造貴婦的透明肌🥰 即使上多了，都沒有粉感或厚重的情況，令人驚喜❗ 產品附有米色絲絨粉撲，感覺奢華，質感鬆軟，坦白講，我不捨得用啊😍 每次打開盒蓋，總會有一縷輕煙飄起~ 唯獨，控油力不夠高，乾肌使用大半天都能保持清爽，晚上就有點油份跑出來了~ 油肌朋友千萬用試清楚才決定要否入手啊！