CHANEL 好用推薦產品
CHANEL 推薦產品一覽 252 件
Nicnic好用推薦:*第一張係140疊176, 超靚!!! 佢係一支我已回購咗嘅唇膏,顯色度中等偏上,可以疊加。妝感輕薄啞緻,搽完過5分鐘就會變霧面。我最鍾意佢係搽上咀超級舒服,好似冇搽嘢咁樣,霧得嚟唔會乾!仲要唔會特別顯唇紋~但都唔會修飾唇紋。持久度方面,如果唔食嘢飲水基本上一路都keep到,如果飲水就會甩小小,食啲油嘅嘢就甩8-9成。 140 Amourex 原來呢隻色係熱賣色,係溫柔嘅蜜桃色,搽上去氣質upup 薄搽厚搽都適合淡妝。不過黃皮要小心,佢個顏色比較淺,容易顯黃。 176 Warm beige 我係已經用完一支,再回購。我大多數薄搽,係偏小小灰調嘅豬潤色。薄搽比較日常,厚搽就型啲!黃皮白皮都入得手!
<看全文>chasiutung好用推薦:Chanel啞緻柔滑唇釉cream狀質地 質感絲滑輕薄 這款啞光唇釉一點也不乾很水潤不會顯唇紋 剛塗上是有光澤 等一下會漸漸變啞光 色號140 
<看全文>940727.0好用推薦:前排去咗銅鑼灣希慎廣場附近Chanel 做緊一個活動展覽,我一早預約左時間去睇吓。當中有新產品另外可以試吓佢哋嘅化妝品。化妝師幫我化咗一個AB C嘅妝感,我對一枝唇膏好有興趣。只係搽少少上咀已經好夠色,質地比較厚身,如果再想深色啲再搽多層。
<看全文>bibubibu好用推薦:色號90 jour 係一個my lips but better 嘅顏色 有光澤感 素顏都搽得 佢添加咗精油成分 所以搽上咀嘅時候都幾順滑 而佢亦都有少少精油味道 可能有人會唔太喜歡 雖然有添加精油 但我覺得滋潤效果一般 如果嘴唇狀況良好嘅時候搽 效果就唔錯 但如果嘴唇本身有脫皮情況 呢支唇膏係冇辦法舒緩 仲會卡哂喺死皮上面
<看全文>Fish Tse好用推薦:精華除左修護同補充肌膚需要既養分之外,仲可以提高後續乳液或者乳霜既吸收力,所以揀選一枝好既精華係好重要😎。 我已經到左需要使用抗衰老產品既年齡,哩枝精華主力可預防及修護五大肌膚老化現象,所以膽粗粗咁買黎試下。 我係混合性敏感肌膚,搽上精華第一個感覺會好舒服,因為山茶花既氣味令人好放鬆😌。搽左上去唔會覺得皮膚黏黏既同時有保濕既效果。後續使用乳霜或面霜吸收都好快。 我亦有使用過其他品牌既抗衰老精華,但比較滋潤只適合秋🍁、冬天❄️使用,但CHANEL哩枝精華我覺得四季都可以使用。春、夏天☀️時可配搭乳液使用;秋🍁、冬天❄️時可以配搭乳霜使用,可做到既乾爽又保濕既功效。 價錢上可能有些略高,100ml既容量每ml為約$17,但我認為除了價錢是一個考慮外,產品帶來後續既效果以及合適度同等重要。 CHANEL除了致力推動及研發好既產品比大眾,亦不忘關注環保,包裝設計以愛護環保為依歸,值得加許👏🏻👏🏻
<看全文>Yeeting 好用推薦:唔知大家有冇試過將護膚品用到空瓶後嘅喜悅? 🔥到現在已經用咗第二枝空瓶了。 所以最近再回購了一枝,仲加購埋紅山茶花乳霜。🌺紅山茶花系列,含豐富紅山茶花萃取,針對修復肌膚老化。 用完後,發覺細紋真的有減淡了,而且毛孔位置相比之前變得更加細緻,同有光澤。
<看全文>Candy Ng好用推薦:Chanel 的Rouge Allure 好好用,好上色及潤澤。我用緊的是157號,它上臉會比較偏桃紅的,讓整個人睇上去好紅粉緋緋。而且Chanel 的唇膏有一樣野好,就係抹用紙巾擦過佢一次,嘴巴都keep 到微微的紅潤感,不會咩色都無哂,睇上去無哂血紅。 而且,用它比較偏實色的顏色,好似157號。 其他人最好唔好再塗自然色,這樣會令自己立即比下去,感覺臉上沒有血紅,好似病左咁。我有朋友試過係我及另一位朋友都用Chanel 的唇膏一齊影相,她用別的品牌,令自己睇上去好病樣😂😂😂
<看全文>bibubibu好用推薦:我買嘅係62 libre 呢個顏色好自然 無論係化妝定素顏用都得 搽完之後好似天生有好唇色咁 佢係matte嘅質地 以matte唇膏嚟講唔算乾 都幾滑身 持久度正常 戴口罩用都得 唔會甩唒落口罩 㩒制彈支唇膏出嚟嘅設計仲好得意 整體來講唔錯 值得買
<看全文>