Kiehl's 好用推薦產品

Fng好用推薦：Kiehl's 金盞花蘆薈保濕凍膜 🌼 優點： · 雙重鎮靜配方：金盞花+蘆薈組合，曬後厚敷10分鐘即時降紅降溫，舒緩效果比單用蘆薈膠更持久！熟齡肌洗面後泛紅敷完明顯平靜 · 水凝質地輕盈：一推化水唔黏笠，香港夏天薄塗過夜或厚敷急救都得，吸收後成保護膜但零悶感 · 急救百搭：可以當睡眠面膜、妝前保濕打底（冰鎮後用更爽），甚至局部敷暗瘡位消炎 ⚠️ 缺點： · 保濕續航力弱：冷氣房過夜的話，偏乾肌凌晨會覺得唔夠潤，要疊加保濕精華 · 功能單一：主要係鎮靜功效，無抗老成分，熟齡肌要額外搭抗老產品 · 性價比一般 ($390/100ml)，同價位可選功能性更強嘅面膜 🌞 香港夏天表現： 濕熱天放雪櫃後使用簡直救星！厚敷15分鐘即可退紅，用完皮膚水潤但表面乾爽，後續防曬同底妝更貼服。 💡 同類產品比較： vs Laneige睡美人水庫面膜：Kiehl's更清爽溫和，但Laneige保濕力更持久 vs Origin品木宣言一飲而盡面膜：Kiehl's鎮靜效果更突出，Origin滋潤度更高但不適合油肌 vs Innisfree蘆薈面膜：Kiehl's功效更全面，但Innisfree價格更

Haha Kim好用推薦：去旅行的時候購買的試用裝，以為會10分滋潤，但是比想像中的10分清爽，非常適合夏天使用，無論是油性肌膚也適合！

940727.0好用推薦：小妹一向都係kiehl’s粉絲, 唔同嘅產品都試過. 今次就想同大家分享佢哋嘅美白面膜. 只係連續用七日皮膚明顯白左,有淡印效果👍🏻. #kiehl’s #面膜 #美白

Karman28好用推薦：我係連同同系列的精華使用既，面膜唔係超薄身果款，敷上面，覺得精華液很容易吸收。不過美白效果唔算好明顯。

Emily Leung好用推薦：Kiehl's 牛油果面膜 真．用家測評 一打開個罐，嘩！真係好似將啲新鮮牛油果撻爛咗咁，係好濃稠、好實在嘅膏狀，一啲都唔流質。顏色就係靚靚嘅牛油果綠色，睇落幾天然。 · 優點： 質地夠「杰身」，敷上臉唔會滴到周圍都係。 · 缺點： 好難挖！用手指挖嘅時候，感覺有啲「韌」，要好用力。而且唔係咁易推開。 使用方法： 呢個係成個過程嘅關鍵！如果你就咁搽上塊面，你會覺得「黐孱孱」，一嚿嚿咁，仲會扯住塊面好唔舒服。 正確步驟係： 1. 用隻乾淨嘅手（或者附送嘅小刮棒）挖取適量，放入掌心。 2. 用兩隻手指（手指公唔該）將佢慢慢「捽」，利用掌心溫度同少少力度，將佢乳化。 3. 你會見到佢由一嚿嚿綠色膏體，慢慢變成幼滑、帶少少油潤感嘅乳霜狀。呢個時候先好上臉！ 4. 均勻敷上臉，厚度大概遮到本身膚色就OK。 使用感受： · 上臉時： 乳化之後上臉，感覺即刻順滑好多，好推唔拉扯。有陣好清淡嘅牛油果/植物味，唔係好人工嗰種。 · 敷緊時： 感覺好滋潤，但唔會焗身。如果你塊面好乾，初頭可能會有少少「拮拮地」嘅感覺，好正常，表示你塊面真係好缺水。 · 沖洗時： 呢個又係另一個難點

莓莓好用推薦：Kiehl's牛油果面膜🥑 轉季皮膚突然變「碎紙機」？呢罐牛油果膏絕對係急救專家！ 質地好玩到上癮 挖出嚟似黏土，搓兩下即刻化開成絲絨cream！ 我鍾意厚敷十分鐘，個過程似幫塊面做spa～ 換季實測威力 上個月轉天氣鼻翼甩皮到似壁畫剝落， 用佢連續敷三晚，竟然馴服到啲死皮！ 保濕力似飲龜苓膏咁「涼浸浸」又潤澤， 仲要係天然植萃配方，敏感肌都安心攬實。 暗藏驚喜位 ✔️ 洗嗰陣用濕化妝棉抹走，順便帶走埋角質 ✔️ 凍藏後用即刻降紅，夏天暴曬後必備 ✔️ 乾到繃緊時敷完，毛孔睇落飽滿咗 溫馨提示 ✿ 油痘肌敷完要認真洗淨，避免閉口 ✿ 一週用2次夠哂，過度修護會膩 #轉季牛油果療法 #Kiehl's面膜實測 #換季脫皮救贖 #廣東話護膚手帳 🥑

Water好用推薦：呢款面膜上面會有一種清涼感覺，入邊有啲粒粒我會按摩當埋磨砂使用，用完之後明顯亮白有精神，仲有少少保濕功效添！

Yuki Chow好用推薦：去角質清潔面膜，天然成份，有少少磨砂，敷完後會發覺酒米粉刺清到，即時會見到亮白感，但如果皮膚比較薄，特別顴骨位置，就可能要避免，或者淨係敷T字位

Cole Cole 好用推薦：個人覺得一半一半，秋冬天氣乾燥時用非常好，好保濕，都唔覺得黐立立，但係如果夏天用，就算開冷氣，都會覺得好油膩，黏黏地，可能防止水份被吸乾，所以有少少保濕的作用，但係並非皮膚深層保濕嘅感覺。用完唔打算再買。

robinsbk好用推薦：見到呢隻sleeping mask評價咁差好想幫佢平反下🥲不過我都明skin care啱唔啱同效用呢啲真係好因人而異 Kiehl’s呢隻sleeping mask我係由2018年開始用，一直回購到而家！急救一流！懶人必備！已經用咗4-5晏🥹 首先講下我膚質：大乾肌！有時係乾到連夏天夜晚敷完mask起身都會甩皮嗰隻乾 我記得第一次用佢，一上面吉到傻以為係敏感，但因為我試過之前好乾嗰陣一搽好保濕嘅嘢都會吉吉哋，咁我就照俾啲時間佢，過咗陣就無咁吉。用咗幾年之後，間唔中一搽都會有好輕微嘅吉吉哋，但就覺得佢係好急救地pump水落我皮膚底層咁🥹 同埋一開頭我都唔識敷sleeping mask，起身嗰陣痴到個枕頭啊頭髮啊周圍都係🤣跟住我上網睇人哋點用，咁所以之後我每次用就會咁：沖完涼➡️Toner➡️厚敷呢隻sleeping mask同時輕輕打圈幫助吸收➡️敷到我臨瞓嗰刻用紙巾輕輕印走多餘嘅product(如果都係驚整污糟可以用紙巾隔住塊面同個枕頭嚟側瞓🤣)➡️第二朝用水洗走就會feel到好保濕好滑！最重要係懶人必備 夜晚可以skip走哂其他skincare routine🤣但唔可以日日都咁，一

Tszki好用推薦：kiehl's 薑 葉 緊 緻 晚安面膜 獨特的絲絨乳霜質地輕盈且不黏膩,塗抹後會迅速融入肌膚，並帶有紓緩鎮靜的植物芳香。  秋葵萃取 這種植物的花朵在夜間會閉合以保護精華，其成分能為肌膚提供即時的保濕與提升緊緻度的效果。 敏感肌也可以安心使用

A&R好用推薦：專門店送嘅試用品。首先個味道好勁，似係藥味，本人接受唔到。 質地霜狀比較杰身啲，薄薄地搽在皮膚上，其實冇乜特別，質地有啲厚重。第二日起身都唔覺有乜嘢特別。。

choichoi好用推薦：使用後有些乾燥但只要後續敷個保濕面膜就會比較好；而且淺層的污垢都變得容易清理；不過乾敏肌最好小範圍試用沒有敏感再用

Torenia好用推薦：佢入邊係亞瑪遜白泥，佢可以好溫和咁清除多餘油脂、污垢同軟化角質🤩，佢仲可以吸走毛孔入邊嘅粉刺同埋黑頭😙。佢入邊又有燕麥粉同蘆薈，可以長效控油同時紓緩肌膚☺️，聽講佢可以有效減少油脂分泌達46.7%‼️ - 我用左之後發現佢好好推，敷嘅時候唔會變得好蹦緊，而且深層潔淨力強💦。敷完之後明顯見到毛孔細咗，同埋原本暗淡不均的膚色回復剔透均勻，變得白淨柔滑😋。最正嘅係因為佢清左嗰啲污糟野，所以之後保養嘅吸濕力會加強😲。我建議一星期２次，每次敷10分鐘，咁就可以有白滑乾淨肌啦🥳！

choichoi好用推薦：當初第一次上臉被嚇到，變了金色臉星人，面膜的質感配合精華液帶來一點點的吸附力，令到使用時更貼服面部，剪裁對臉小的我來說略大；不過可以密集地為皮膚提供營養及保濕，間中使用不錯

橘子貓好用推薦：👍🏻: 氣味天然，舒緩；以生物纖維面膜來說，非常貼伏，不用擔心面膜會容易走位、掉落。敷完後，皮膚即時變得很柔軟，也亮白了一點，敷前全臉塗補濕精華配合使用，效果更佳。這款排進了我心目中生物纖維面膜的前三位😆 👎🏻：$270/5片，價錢稍貴。 有興趣生物纖維面膜可以一試！