URBAN DECAY 用家評價

較早前係官網買入 urban decay smokey 眼影盤，佢成個包裝好有質感，盒子雲石紋外表，成盤偏冷色調， 有三格係matte finish，其他都有珠光或閃粉，品質出名幼細，唔會飛粉，持久度十分高，有朝到晚都冇甩過妝， 如果喜歡淡妝，搽少少就已經夠， 因為佢顯色度非常之高。

Urban decay皇牌setting spray 噴出嚟超超超幼細 好似粉末咁 可以噴到全面都好均勻！應該係用過咁多唔同setting spray嚟講 噴頭最好 平時用setting spray慣咗妝前妝後都噴 不過唔知佢係咪有少少控油成份(?) 所以妝前噴嘅話上完妝我個妝會變乾 所以我諗用係我身上嘅話 用係妝後/碎粉後會比較好🤔 用完真係set得貼貼服服 個妝同啲coverage都唔會點溶點郁 但如果呻鼻涕個啲抹到都係會甩 只要唔掂塊面就無事!

控油持妝效果唔錯，油性皮膚出街一日都唔覺得粉底甩咗好多。噴一噴就得，非常容易使用，但唯一缺點係味道有啲難聞

Urban decay 定妝噴霧很好用，用完不會脱妝又不會浮粉，效力持久。

夏天定妝首選！上foundation 前噴一次，化完妝再噴一次，用完真係可以last 全日。

依支係我用過最好用嘅定妝噴霧 正裝已經用完兩支 佢個噴頭真係值得一讚 噴頭易撳 噴出黎真係霧咁樣 定妝效果一流 👍我混油肌 夏天一定要用佢 噴一兩下溝粉底液上妝更貼服 最後再噴幾下上臉 噴完等一陣就可以 成膜快 全日無補妝都無脫妝情況 除左味道吾太好之外沒毛病💕

呢個定妝噴霧已經用咗好多年 由其是向之前Covid期間日日戴口罩時，只要噴咗佢底妝就唔會俾個口罩整甩 可惜向改版之後個噴頭換咗，D水珠無以前咁幼細，稍稍有少少失望 但噴霧本身依然係好好用

暫時用過最好定妝噴霧，自己出街唔中意補妝 定妝效果做到6-8個鐘，效果超驚喜 就算疫情嚴重用都唔會比口罩甩太多妝 已經用左3支喇

去韓國做個人色彩測試嘅時候老師用呢款定妝噴霧 所以自己買咗嚟用 非常細緻嘅噴霧 定妝效果唔錯 全日十幾個鐘+夏天都keep到成個妝係完整 有少少味道但可以接受 相比起黑色瓶身嗰款【ALL NIGHTER 持久定妝噴霧】 呢款加入咗維他命C同仙人掌花萃🌵 所以多咗少少保濕成分💧

用左幾枝呢隻setting spray 番工嘅時間有時比較長，8個鐘以上都會戴住口罩 通常我都用氣墊粉底，然後上完碎粉先噴setting spray 頭三個鐘左右係冇甩過落口罩，不過耐都係會甩小小嘅😷 但係就咁睇，個妝又冇乜點甩嘅

最強底妝做法係上完粉底，噴少少setting spray, 等佢乾咗再上碎粉，上完碎粉再噴多次setting speay! 有效維持底妝完整，就算係好熱嘅天氣都唔怕溶妝。 呢枝噴霧係維持底妝完整幾有用，味道正正常常，不過放耐咗之後噴出黎就變咗一條柱咁，所以唔可以放太耐

URBAN DECAY出嘅眼影真係好高真，無論係顏色配搭定粉質都100分❤️‍🔥 隨盒附送嘅眼影掃都好軟好好用

本身無用定妝噴霧嘅習慣，估唔到原來咁有用！噴完個妝真係long lasting好多👍🏻👍🏻👍🏻

Heat 真係超好用！每隻色都用得著，我又唔覺有飛粉問題，直情覺得一盒夠頂幾盒CT，要嘅暖色都喺晒度

噴霧細，成膜快，保埋濕（我唔係唸緊急口令！），應該係近排幾impress 到我既一支setting spray ，用佢噴濕粉撲再上粉底，秒貼，之後想噴多層定妝又唔會整花個妝。口罩又帶又除都無點甩粉，唔會攪到痴哂粉底勁尷尬同肉酸👍