Benefit 好用推薦產品

莓莓好用推薦：今日同大家開心share下呢支Benefit嘅「反孔精英」粉底液啦～ 嗱，佢個名真係好得意，我成日都口快快叫咗「反恐精英」㗎！笑死～ 不過佢真正嘅任務係幫我哋「反孔」先真 —— 即係對抗嗰啲煩死人嘅毛孔呀！ ✨ 第一印象：包裝得意！ 支粉底嘅包裝係Benefit一貫嘅粉色+公仔漫畫風，擺喺化妝枱度都好搶眼，未用已經心情好～ 支樽有泵頭，好衛生，一泵就夠用全塊面，好方便！ 🧖‍♀️ 質地同感受：好似搽緊絲絨咁滑！ 擠出嚟係好似慕絲或者奶油咁嘅質地，好軟滑，推開個下真係有驚喜～ 完全冇「粉感」，好似溶入咗皮膚咁！我係混合肌（T字位出油，面頰乾），用落都覺得好貼服，唔會「啦」住塊面。 重點嚟啦 —— 佢真係做到「無pore」效果！尤其係鼻翼同面頰啲毛孔粗大位，薄薄上一層已經即時隱形七八成，好似開咗柔焦filter咁～（開心轉圈） 👍 優點： 1. 毛孔隐形能力超班：真係不愧「反孔精英」個名，填平毛孔效果睇得見！ 2. 妝感自然貼服：唔厚粉，似天生好皮膚嘅「偽素顏」feel。 3. 控油唔錯：對我嘅T字位嚟講，可以keep到三四個鐘唔太油光。 4. 方便快捷：如果趕時間，

Poyobb好用推薦：Matte身，成個妝咁好靚，好細緻，係張所有毛孔都blur曬。最後冇用碎粉定妝都好靚，用咗反而令到塊面有粉感。 遮瑕力都好，同YSL差唔多，都有接近七八成既遮瑕度，不會再用遮瑕膏。 上年7/8月天氣太熱，而且又要喺室外逗留長時間，都比較鍾意用一啲持久度好啲嘅粉底液，所以用佢同埋YSL all hours比較。Benefit係比較稀少少，都係用平頭粉底掃掃上面會最靚，但係佢比較快乾透，要練習一下快啲上粉底液。 但應該都有成膜劑，我用完都起咗兩三粒 額頭都有啲粒粒，又要等幾日時間先至會退粒粒，所以真係等戶外先至會用🥲 左：YSL黑蓋 右：Benefit ⬇️

Florence好用推薦：Hello Happy 無瑕柔亮粉底液 屬於霧面質感，質地比較結身，粉底液個人覺得比其他粉底液較難推開及推勻，具備遮瑕效果，但上妝之後都唔會好厚妝既。由於我係乾性肌，所以要求粉底液唔好出現卡粉／厚粉既狀況，感覺都冇太明顯呢類狀況， 個人覺得可以接受。

Carol好用推薦：好鐘意佢嘅柔焦效果！☺️佢唔會好霧面或者水光肌咁，係有少少暗暗地嘅光嘅柔焦效果，就好似電話影相嘅濾鏡咁，令妝感睇落唔會太重。但佢嘅遮瑕度都好足夠，毛孔或者泛紅都會遮到，但暗瘡之類嘅就要用番遮瑕筆喇。 我自己最關注嘅皮膚問題係毛孔😣，初初見到網上嘅評價可以修飾毛孔於是就買咗。佢嘅修飾毛孔primer一向都係好出名嘅明星產品，所以我都買嘅時候都滿心期待佢嘅遮毛孔效果，最後果然冇令我失望🤩！撫平毛孔方面做得好好，係我身上呢支粉底係幾貼服，亦因為作係柔焦而唔係水光肌效果，所以就算有光線射到都唔會令毛孔明顯咗。 另外佢幾好blend，好似牛油咁嘅質地🧈，我用手上個效果都唔會太差，佢保濕同控油效果都係適中，所以我覺得佢會適合中性肌或者係混合肌。 同埋鐘意佢有full size同travel size賣，我買嘅雖然係full size，但如果要去人屋企或者旅行🧳嘅話就可以買支travel size，唔使入分裝或者帶full size咁麻煩。 Benefit嘅胭脂同highlight都係CP值高唔貴嘅，呢支粉底亦一樣CP值高！所以benefit一直都係我幾鐘意嘅牌子！😍

choichoi好用推薦：這款我不論四季使用都會起白色屑屑，而且感覺有點焗促不透氣，即使其用量只需一點就夠全面用不能挽回多少分數...