MISSHA 用家評價

一個算係幾平價嘅底妝產品，當時喺韓國買回返港紙$100都唔使(未退稅) 當時係因為去studio影相化妝師用呢隻粉底幫我上妝，之後覺得的確幾好用，於是乎就去咗購買。 佢唧出嚟有少少好似cream咁樣，亦都好容易推開，遮瑕度來講都係幾好，遮到我啲痘印（我薄薄地擦）妝感幾好，出街出咗成日都冇隻色暗咗/脫妝。 唯一覺得唔係幾好嘅就係佢有啲潤，喺韓國嘅天氣啱啱好，但係返到嚟香港嘅夏天就有啲潤得滯，要用散粉。仲有就係佢查完起塊面度有啲厚重嘅感覺（之前用開啲底妝都係比較輕薄） 但係整體而言我都覺得幾好用，會考慮回購。

呢支Missha底霜已用多支，可做調色底霜，都可以做調色面霜。擦完之後皮膚好似水光亮色，毛孔遮瑕度都唔錯，痘印暗瘡印都可以遮蓋到。防曬指數夠高，底霜都好濕潤，容易推亦都好保濕。唯一不足之處就是持久力並不太高，所以需要再加多層粉底。

- 用到hit pan一定要分享俾大家，便宜好物，你值得擁有 - 呢隻色叫smoked hazel做陰影係偏自然，冇咁實色，適合新手使用 - 屬偏灰調啡、粉質幼細，令整體妝容都偏自然。 - 以為細盒做唔到大範圍陰影？同樣做到！ - 去旅行最緊要一物多用，不佔空間，只需一盒單色眼影嘅大細就能做到一物多用，同一枝潤唇膏差不多size，一物做哂鼻影陰影臥蠶，眼影打底都可以做到，好方便帶去旅行用 - 使用方法：我會用掃係面頰，同jawline位置大範圍掃開，圖睇暗咗嘅部份就係陰影位置， - 旅行每分每秒都相當矜貴，陰影餅另一個優點係好快可以出到街唔會令塊面一達達 #出國必備彩妝

我一直是 Missha Time Revolution 的支持者，尤其係這系列的 toner，已多次回購，而手上這枝已經係第三代了❗喜歡它的強大補濕力，同時會有滋潤感留在皮膚，乾肌大愛。 在冬日早上護膚的程序中，我會用它倒到化妝棉，再輕款全面，代替潔面乳或 cleansing foam。然後，再拍二次化妝水到皮膚，之後再上精華。這枝化妝水令我皮膚變很穩定，泛紅減少，同時持久滋潤皮膚，已經成為我的 ride or die❣

呢個眼影非常顯色，而且有好多珠光同閃粉，可以令妝感更加有光澤。用手指就可以好容易搽上眼，性價比都唔錯

搽上嘴會覺得嘴唇豐盈咗，可以遮蓋啲唇紋，顯色度唔錯，但係好容易食嘢飲水就會整走晒啲唇彩

Missha bb cream 係最早期興起嘅bb cream , 又唔似搽粉底咁，但又有粉底嘅效果，最鍾意佢遮暇度好高，毛孔修飾得好好，但用完會略嫌唔夠自然，唔夠偽素顏XD 但整體都好好嘅，防水防汗方面都唔錯

購物時獲得的試用品，Missha 的贈品很大方，大多都給我 deluxe 小枝裝💕 這款面霜是 Time Revolution 系列，守尾門的護膚品，白色霜狀，有點防曬霜的味道🤨 沒有流動性，質感較厚，塗上面延展性算是 ok，建議在掌心 warm up 才上面。滋潤感不錯，但沒有超補濕的感覺，塗完後皮膚表面會有層膜，感覺小小怪。

質地較厚，同埋都幾白，一定要打返陰影及調色，如果唔係會死白。但係好喜歡佢有光澤感，由其是蘋果肌位置，唔使打任何光影，而且上完碎粉後都仲keep到有亮澤感！

呢款BB cream用後之後感覺有驚喜，遮瑕度很高，令到膚色光亮提高，唔會好暗啞，滋潤效果也不錯，同埋都好貼服皮膚，防曬指數都很高，會繼續回購

MISSHA的溫和護甲去光水，除去天拿水味之外仲帶有淡淡嘅綠茶味，令陣味未冇咁攻鼻🥰 它含有修護和保濕成分 ，添加了富含維生素的綠茶、椰菜、柑橘萃取、鱷梨油，可以在卸除同時呵護指甲。 另外清潔能力也不差，會再回購！

- missha handcream係朋友送既，佢知我鐘意白提子，呢隻味係green grape，完全係我既菜！ - 聞完都好想食， -質地係絲滑質地，成手白提子味，好快吸收，隻手唔會黏笠，四季都岩用，可以好快用keyboard， - 無敏感無不適， 佢既香味都可last到一個鐘既 - 又係小小的一枝，出街非常方便。 - 鐘意白提子味唔好錯過！

如果鐘意jo malone 既English peer and fressia香水， 呢隻平價品就唔好錯過， 香味是差無幾！ missha呢款有沐浴露同乳液 一齊用香味會更加鞏固！ 乳液質地偏水，易推，冬天未必夠滋潤。

Time Revolution 係 Missha 的皇牌抗老系列，神仙水已經用了五年以上，而這個安瓶面霜還是頭一回試用。面霜帶濃郁草本味道，不算舒緩類的香味，還可以。質地係比較厚的霜狀，沒有流動性，呈暗暗米色。 面霜塗到皮膚有驚喜，延展性超好，推開到面上時，面霜像是變了 gel cream 似的，很水很易吸收。塗完皮膚還有清爽感覺不油不膩。但滋潤感略為遜色，乾肌冬季使用會不夠保濕，有點可惜。

這款 highlighter 絕對係私心推介，Missha 的高端 “義想曲”系列都非常值得入手，包裝塑料盒質感很好，高光粉壓紋經過重新設計，意大利製造，價格又沒有貴多，佛心系列啊💕 高光粉壓紋美美噠！又壓得很實，化妝掃來回掃也不飛粉👍 珠光細緻，手指觸感良好，沒有碎屑或顆粒感。打亮面部皮膚時，毛孔沒有暴走。持久度及顯色度都一如既往的好💜 注意：光感比較出衆啊，自然妝感朋友要試清楚。