Vaseline 好用推薦產品

Fng好用推薦：香港夏天又熱又焗，我本身係混合偏乾肌，最怕防曬嗰種黐立立、油淋淋嘅感覺，所以揀防曬好挑剔。 凡士林呢支「涼感高效防曬精華液」（Extra Cooling Body Serum）係白色精華乳狀，流動性好高，一推開就化成水狀，仲有陣陣涼浸浸嘅薄荷感，好似有陣涼風吹過咁，夏天用真係超舒服！ 最驚喜嘅係佢完全唔黐立立，好快就吸收晒，搽完之後皮膚表面係清爽乾爽嘅，仲帶有少少自然嘅光澤感，完全冇泛白或者起白痕嘅問題。 我連續用咗大約兩星期，朝早出門前搽晒全面同頸，有時連手臂都搽埋。呢排成日要喺戶外走來走去，以前曬一陣已經覺得塊面開始變黃變暗，但呢排明顯膚色keep到均勻明亮，冇再變灰黃。有日仲要喺烈日下企咗成個晏晝，雖然有出汗，但補塗之後都keep到防曬效果，完全冇變黑！ 最鍾意佢清爽得嚟夠保濕，唔會好似其他高防曬度數嘅產品咁又乾又厚。而且佢支裝有155ml，大容量又平，搽身都唔肉痛，真係性價比極高！對於我呢種好怕防曬黐立立嘅人嚟講，呢支絕對係夏日救星，一定會回購！ #凡士林 #Vaseline #涼感高效防曬精華液 #ExtraCoolingBodySerum #夏日防曬 #涼感防曬

Kathy Wai好用推薦： 首先最驚喜嘅係佢嘅冰涼感！一唧出嚟係精華液質地，推開嗰下已經 feel 到陣陣涼意，好似成陣薄荷風吹過咁。 我本身好怕防曬會黐立立，但呢支真係要畀個 Like 佢。質地好輕身，吸收速度極快，搽完著衫完全冇「黐肉」嘅感覺，仲要唔會捽到成手白痕，呢點真心加分。 雖然佢主打身體用，但防曬規格好足，SPF50+ PA++++，仲話防埋藍光同污染。最緊要係佢有埋維他命 B3、C、E，防曬同時順便養護下皮膚，呢幾日用落覺得皮膚滑咗，冇咁易乾。 唯一要留意嘅係，如果皮膚有傷口或者敏感位，搽上去可能會覺得有啲「乸」，因為佢有薄荷成分。整體嚟講，呢支絕對係今年夏天嘅防曬黑馬，特別推介比成日戶外活動嘅朋友！

Fng好用推薦：凡士林日常提亮防曬精華液 SPF50 ☀️ 🧴 質地：清爽爆水，涼感有驚喜 · 擠出嚟係輕身乳液，有別於傳統厚身防曬，質地輕薄如水 · 值得一讚係瞬吸涼感設計，一推開即化成水膜並吸收 · 清爽不黏，完全無白痕，夏天用涼涼哋確實幾加分 ✨ 亮點：平價全能「打底神器」 · 5D防護無懼藍光：專利配方防UVB、抗UVA暗沉，對抗日曬變灰變暗，日常通勤及夏日室內外夠安全 · 高效亮白保濕一條龍：含10X菸鹼醯胺（維他命B3）提亮均勻膚色，配合維他命C、E及玻尿酸補水，用後皮膚唔會乾，仲變得更滑更保濕 🌞 天氣實測：企硬清爽唔怕溶 · 香港潮濕環境下，快乾不黏、極速成膜，上妝出街完全唔怕黐立立或搓泥 ⚠️ 輕微需要留意嘅地方 · 非強效淡斑：主打預防曬黑並逐步提亮還原，唔係強效漂白產品 · 避開眼周：含清涼薄荷成分，搽面建議避開眼周以免刺激 #凡士林 #日常提亮防曬 #SPF50 #開架好物 #清爽防曬 #香港夏天 #學生黨防曬 #性價比之王

Chloeincosme好用推薦：最近買咗Vaseline嘅日常防曬提亮精華液，用後感真係好好。呢款防曬美若其名：似足精華液！質地輕盈，容易吸收，塗上去之後唔會黏膩，搽防曬好似搽cream咁，即時感受到肌膚變得更加水潤，完全唔會太過厚重！ 而佢既基本功能防曬力都十足，擁有SPF 50+PA++++嘅保護，對於日常出街/ 做運動都非常合適！ 我真係好推薦！如果你想要一款價錢相宜，防曬力又十足既身體防曬，Vaseline呢款防曬絕對值得試下！