FASIO 用家評價

因為本身係極乾肌，眼底特別容易卡紋，所以俾 Fasio新出呢枝保濕眼霜遮瑕膏 個名吸引咗而購入！用落真係感受到佢將眼霜同遮瑕二合一嘅誠意～ 遮瑕膏嚟講佢個容量都算好大支🤣可能因為淨係用係眼底。推開後非常之有光澤感，顏色係米白色偏橙 🤍 保濕度：5/5 質地滋潤似乳霜，推開時好順滑，即使用喺眼底最乾嘅位置都零卡粉～ 🤍 遮瑕力：4.5/5 對黑眼圈同泛紅有基本修飾效果，疊加咗之後遮瑕效果非常好！ 🤍 貼服度：4.5/5 同皮膚融合得好好，冇面具感，長時間帶妝都冇出現乾紋～ 總結： Fasio呢支眼霜遮瑕膏係乾肌同敏感眼周嘅福音～遮瑕力自然中等，但換嚟好好滋潤同貼服感，值得入手！會回購，推薦俾眼底極乾又追求自然妝感嘅你！ #火熱新品

呢一隻Fasio粉底液性價比好高，佢嘅延展性非常之好，可以疊加上去搽，出嚟嘅妝非常之薄，比較自然，如果有痘印或者瑕疵，可能需要額外加遮瑕。我用嘅係1號色，比較白嘅女仔都可以用到。 Fasio作為Kose嘅副線品牌，所以佢嘅質素都非常之好，所以都買咗俾屋企人一齊用，非常之適合小資女購買。 呢一隻粉底液標榜長效防水，對於我呢一種混合性偏油肌膚就十分適合，夏天嘅時候加埋定妝粉會更加靚，但係秋冬應該就可以重點加就可以啦；如果乾肌嘅姊妹可以直接搽佢就十分足夠。

Fasio作為Kose嘅副線品牌，佢嘅質素都有返咁上下，但係佢性價比好高，好容易可以搵到適合自己嘅化妝品。 呢一隻Fasio BB cream聲稱能夠防水防汗，喺夏天用就比較適合。 搽起上嚟都非常之容易推，而且單搽一層嘅遮瑕能力都唔錯，同時可以疊加以增加其遮瑕能力。搽出黎都非常之貼服，過咗幾個鐘都唔係好覺有氧化，妝感比較輕盈透薄。 作為混合性偏油肌，眼肚同埋鼻頭都需要額外用定妝粉，乾肌嘅朋友可能直接用佢都足夠持久。

質地有少少厚身，偏向乳霜狀，要用多少少時間先至可以推勻全面。SPF50/PA++++已經有足夠防曬度，一支方便使用👍🏻 佢有四隻顏色揀，因為我皮膚偏白，所以我揀咗2號皮膚色，希望睇落塊面紅潤少少。上面調色效果輕微，較為注重提亮效果，散發自然既皮膚光澤感。 因為支底霜係偏厚身，唔建議再加粉底液，輕輕上返層碎粉定妝就出得門口。持久度一般，比較適合乾性皮膚使用/混乾肌冬天使用，或者乾燥嘅天氣適合用。 #火熱新品

呢支妝前保濕霜，加左97%護膚精華，使用時更加易推貼服，搽左有即時增加水潤感，天氣凍個幾日用左可以保持全日肌膚飲飽水，吱出嚟白色cream狀，無香味，呢款係透明色，防曬度有SPF40/PA+++，使用後無殘留感，不黏笠，用後好快吸收，鐘意佢睇落皮膚水潤、有光澤，搽完再上底妝有保持得更好，細紋位無甘明顯 #火熱新品

Fasio新出呢款妝前底霜，防曬度有SPF50+ PA++++，而且防汗防水抗皮脂，啱晒勁曬勁熱嘅夏天用，佢係又D杰身嘅乳霜狀，不過唔難推開，微香，佢係調色底霜，有4隻色，我揀左1號色透亮白色，佢搽上後提亮效果明顯有光澤感，令皮膚有輕微顯白，而且皮膚有潤澤感，好啱我呢D乾肌用，不過佢就無遮毛孔或細紋效果，所以我要上粉底去遮瑕先得，但佢價錢唔過$80，我覺得都ok，佢都算係開架好物。 #火熱新品

有段時間宣傳很落力的 Fasio，幾乎每天打開社交媒體都看到各 KOL 的宣傳，看得自己也忍不住入手試用看看。 品牌只是睫毛液種類就有很多，我選擇了「持久自然捲翹纖長防水睫毛液」。 Fasio 的睫毛液本來就很出名，以往紅色包裝的也有不少人用過，也包括我自己，但印象中當年不太喜歡，沒有後續回購。先說個人喜好，如果以濃密和纖長比較，我比較喜歡纖長而根根分明的效果，另外不喜歡用睫毛夾，所以單用就有捲翹功效的話就非常好，所以才選擇捲翹纖長款。 官方聲稱「 不厚重、不結塊，可根據自己喜好塑造根根分明」，而我上眼效果雖然不厚重，但是也會有塊狀，需要多梳幾次才會看起來較分明。至於捲翹度，就如圖中可見不能說是很卷曲，但也不是完全沒有。持久度不錯，一天下來大概都能保持一樣的捲翹度。沒有化成熊貓眼的問題。卸妝方面用卸妝膏會有困難，要用卸眼妝產品或油類卸妝。整體來說可以一試，個人未必會回購同款，但可能會考慮同系列其他款（如濃密款）看看有什麼分別。

色號是05 Olive Brown 橄欖啡色 獨特的灰棕帶橄欖色調特別適合黑髮或深棕髮色，乾燥速度快，建議少量多次疊加。顯色度適中，反覆刷也不會結塊，也能畫出自然毛流感。不過刷頭對我來說有點太大了，特別是描繪眉尾時需要格外小心。 防水抗油效果不錯，即使夏天流汗或戴口罩一整天，眉妝依然保持完整不脫落。

我每天返工出門，都總會畫眼線，因為我的油眼關係，我挑選眼線液時，很著重它的防暈度和持久度 這支眼線液的防暈度和持久度都不錯，到了放工時候，也沒有暈染情況出現 它的筆尖很幼，很容易掌握，而且筆毛軟硬適中，就算手殘黨也可以控制得到，畫出一條流暢順滑的眼線 我比較喜歡用黑色的眼線，它的黑色也很實色，完全符合我的心水 #火熱新品

FASIO 防水眉彩 — 持久防汗，自然百搭✨ 設計: 呢款眉彩嘅刷頭設計比較大， 所以上眉嘅時候要手勢輕盈同小心控制份量， 否則容易一掃太多。 不過掌握咗手勢之後，上色速度會快好多， 方便日常使用。 效果: 我用嘅係橄欖啡色，顏色柔和自然， 唔會過深或過紅，基本上大部分髮色都岩用。 對黃皮或者自然系妝容都非常襯， 打造清新自然嘅眉妝效果。 防水防汗效果唔錯，一日妝後依然保持得自然乾淨， 即使天氣濕熱或者長時間外出都唔怕暈開， 適合夏天或運動時使用。 總結：自然眉妝必備，實用度高 FASIO 防水眉彩以防水持久力高同自然百搭色系取勝， 雖然刷頭偏大要適應，但整體表現出色，性價比高。 如果你想要一支方便快捷又耐用嘅開架眉彩，呢支值得一試！✨

喺松本清買，$78，喺夏天用完全唔會塌，我通常攞呢支做打底，再搽其他睫毛膏，可以keep到10幾個鐘，超高性價比，抵買。

本身有用眉粉嘅習慣，貪得意買枝眉筆用下，估唔到又幾好用🌸 畫落唔會好實色，慢慢疊加咁畫就會畫到好自然嘅眉妝，平時上完防曬直接畫都無問題，顯色度唔錯👍🏻 冬天用完全唔會溶妝，夏天就有待測試😆

呢支FASIO眼線液絕對係油眼皮寶物。 筆尖硬度適中，容易控制，畫幼細嘅眼線，手殘黨都可以輕易駕馭。 防油防水力能力超強。 #火熱新品

好用！已經用到就快用晒。我用2號色 調色潤色效果一流，妝感唔會厚重，延展性好好，一粒豆大細就可以用全面。維持長久妝感，唔會變成粉樣，出油印一印又可以Hold返一個下晝，亦唔會因為印油印走啲粉底。上班族趕返工就可以快速上妝😆

FASIO 漸變眼影 我買咗04同埋03號色 04係偏蝦肉色tone， 兩盒都適合黃皮膚使用 ，細細盒，好易收藏，粉質幼細，冇飛粉情況， 淺色part可以用嚟打亮 臥蠶 ，持久度大約六個小時。