aaapril好用推薦：正值冬天，天氣開始乾燥。我推薦這個自己已經用了3盒空瓶的。如假包換的空瓶!! (*ˉ︶ˉ*) 唔易脫粉，真的好好用。特別戴住口罩嘅情況下，持久性非常明顯。我記得第一次用完，當我回購嘅時候，剛好@cosme缺貨，我每隔幾日就會去舖頭望下返貨未，終於行左幾之後先買到，好誇張！ 外觀： 我第一次購買時大約係2020年， 當時係採用金色包裝。而家轉左灰色，同樣用紙盒包住，而色號印喺底部，唔好手快快攞錯！注意裡面唔包粉撲，需要另外購買！！ 我依隻係保濕系列嘅皇牌，有3隻顏色選擇。我用嘅係<771 自然色> ，顏色偏粉色，可以提亮我面部膚色，望落無咁暗沉。 另外，佢嘅粉質屬於超幼細而且好順滑，非常之容易推開，唔怕卡粉之餘，仲可以令個妝望落去唔會厚𥄫昅。之前幾篇文章都有提及過我係屬於超級乾性皮膚，另一個我喜歡用Chacott 保濕蜜粉嘅原因係因為佢嘅保濕力做得好好，可以長時間幫我hold住個妝，唔會擔心肌膚越用越乾。

jaye好用推薦：呢款係透明而保濕系列既碎粉，秋冬呢段時間用好好，粉質非常之細緻，柔軟，非常浮貼係臉上，無好重粉感，好薄透既感覺，控油效果就未係最好，不過定裝效果係秋冬用都好持久，夏天係會爭啲。估計性價比夠高，所以係@cosme都長期無貨…～推薦！！

zetalhc好用推薦：用過覺得最好用嘅蜜粉，就算係去跳舞比賽幾個鐘頭都唔會脫妝，防水防汗同控油嘅能力都非常好

Hchan好用推薦：由我第一次以試用心態買下此碎粉後，就一直回購大約有幾年了。有小罐及大罐裝售賣，售價中等，但由於我混合肌易泛油，平日喜愛霧面妝感，用量頗多，所以都買大罐裝不用省量。 我使用的透明那款，粉質細緻幼滑，在用量多的情況下上臉後會有提亮效果不死白，亦可修飾我的粗大毛孔，另外防汗及控油效果也不錯，維持了整日的妝都不會暗沉，十分推薦，產品另提供珠光，膚色等色號，可按個人需求購買。

Yoyo Sin好用推薦：約會持久妝必備！ 好輕薄既底霜～遮到毛穴又令到後續粉底更貼服～ 性價比極高 用完之後出完一整日街都無溶妝浮粉😍 加左底霜之後上底妝無咁易起乾紋👍🏻T字位都無江易出油😍 用完會再回購

killkew.b好用推薦：算係有顏色既妝前底霜，可能因為係舞台化妝牌子？ 所以個底霜質地比較厚身，搽上面似粉底， 可以遮蓋臉上瑕疵，保濕度還可以， 不過份量要自己調節返，如果用得太多， 會望落去好厚粉，而且都唔適合用完佢再上粉底， 因為作為底霜佢實在太厚身，會容易造成斑駁，似面具咁。

jellybeanyay好用推薦：好有驚喜嘅遮瑕膏！雖然顏色只有3種選擇，不過幸運地最淺色號同我膚色都match。 質地唔算十分creamy，比起nars/canmake都較為硬身，有啲令我諗起MAC雙色遮瑕膏盤，不過都算易推。 遮瑕度中等，未去到超強，但我黑眼圈較深上兩層都遮到8成。可以BUILD UP但唔會令眼底睇落CAKEY，我眼底係屬於超乾易起紋，呢隻遮瑕膏唔乾、好貼服！比起NARS雖然低啲遮瑕度但更為滋潤，有少少光澤感。 我仲有配合埋同牌子嘅primer, 保濕碎粉用，持久度大半日都冇問題！呢個牌子嘅產品so far我都好滿意，會考慮買埋粉底液試試。

choichoi好用推薦：遮瑕度高, 毛孔及痘印色都消失了 , 輕鬆打造如同天生的平滑膚質 , 效果令人驚艷 , 只是膏體不算濕潤 , 所以妝前保養要下點苦工喔

congiehip好用推薦：初夏的時候，見到cosme店推廣有涼感的碎粉。再看看牌子是Chacott 就決定買了（因為在春天時，買了用品牌的粉餅套裝，持久度也很好，適合香港潮濕天氣用。）。 涼感碎粉雖然得一個色號，冇閃粉及亮肌效果，粉嘅顏色：肉色粉比白色透明粉上面時更顯自然。碎粉質地算幼滑貼膚，平時日常護理後上bb cream加呢個碎粉就快靚正，性價比亦不錯，碎粉上埋頸嘅位置，眼附近及頸位置真係有輕微涼涼感覺。感覺唔「拿」，出左汗都感覺清爽。

Circlecyy20好用推薦：沒有很愛這碎粉 因為客易取粉太多 妝感會厚 但是夏天使用會很控油

仙地好用推薦：啱啱入了手，其實未開嚟用，但係掂試上手好保濕，又唔笠痴痴。而且我用佢出的碎粉好耐，佢哋的化妝品質數好好！

choichoi好用推薦：擁有4合1機能的保養型妝前打底，令後續產品更貼服，遇到脫皮位置可重覆塗抹至吸收，有助該位置不致卡粉浮粉👍🏻

JuneL好用推薦：水狀質地，印象中質感帶少許滋潤，所以每次卸妝用佢，肌膚都唔會好乾，用來卸淡妝還可以，卸濃妝還是用含油質來卸會卸得乾淨。