KOSÉ COSMEPORT 好用推薦產品

Kitty 好用推薦：呢款相信大家係藥妝店成日見到，佢係嗰種清爽嘅油狀，唔會話太厚身，推開上臉好順滑。乳化速度都幾快，加水輕輕按摩就已經變到白濛濛，唔使捽好耐。卸妝力方面，日常防曬、粉底、眼線都卸得好乾淨，用完塊臉唔會繃緊，亦都冇話油膩膩嘅殘留感，感覺幾溫和。👍 對我嚟講，最正嘅係佢有補充裝買！用完個樽可以直接買refill倒落去，價錢平一截，仲要少咗個膠樽，慳錢又環保，一舉兩得。🌍💚性價比高，回購率100%，推薦俾鍾意清爽卸妝感又追求性價比嘅朋友仔！✨

EC好用推薦：呢支 Softymo 速效卸妝油我已經回購咗多年，絕對係我嘅「冇腦之選」——每次一諗唔到用咩好，或者冇新產品想試嗰陣，就會自動攞返佢嚟用。 佢嘅好處首先係價錢超平，而且周圍都買得到。質地唔會好杰身，尚算清爽流動，洗完面之後唔會有侷促感，不過用完之後都係必須再用洗面產品過水沖洗先會安心。 至於清潔功能方面，我親自實測過，攞唔同類型嘅防油抗汗化妝品試上手，再用呢支卸妝油輕按 10 秒。結果除咗超防水眼線液仍然有少量殘留之外，其他所有化妝品包括閃粉都清潔得好乾淨，所以清潔能力真係冇乜好質疑。 唯一我自己相對冇咁鍾意嘅地方，就係佢雖然無香味，但實際用落會帶有少少本身嘅油味。比起市面上其他帶有精油成分或者清新香味嘅品牌，喺香味體驗上就真係爭少少喇。

葉子🍃好用推薦：因為鐘意卡通入手左，使用時我是乾手打圈上面，份量兩至三泵，能夠快速徹底卸走彩妝，乳化也挺快，直接打圈卸除眼周邊亦不乾澀，用後肌膚比較保濕同滋潤，混合肌既我一定要用清爽洗面再洗乾淨，不然滋潤會爆痘啦，感覺呢款比較適合乾肌啦

TY好用推薦：溫和，清潔力唔錯。圖係 kate 怪獸唇膏同 dejav 眼線筆，捽幾下已經卸到八九成，乳化埋就完全乾淨晒，卸妝效果好好，平時全面捽都唔會澀眼，清洗後唔會覺得乾，價錢仲唔貴。

Sandy好用推薦：KOSE 高絲 Softymo 的深層美白去角質卸妝油 (Softymo White Cleansing Oil) 產品特點 卸妝功效： 能有效卸除各種彩妝，包括頑固的防水睫毛膏👍👍大推， 方便快👍👍 肌膚護理： 含有 5 種滋潤植物精華油（橄欖、荷荷巴、芝麻、紅花及乳木果油），在清潔的同時能幫助軟化並清除老廢角質，改善肌膚暗沉，提升肌膚的透明感。 配方：不含香料及著色劑。  用完皮膚唔敏感👍 方便： 卸妝好快可以好快咁沖涼休息👍 價格： $42 性價比好高👍 卸妝後 皮膚清爽唔緊， 冬天用非常合適

Noname 好用推薦：這五年左右都會不停在這品牌換卸妝油，周圍都易買到，便宜量多，只要有出街都要用，每次用泵半都夠，防曬，淡妝，稍濃我都會用，卸眼唇都得，乳化快，卸得乾淨，信任

Noel好用推薦：這款卸妝液個人很喜歡，間中到日木旅行，都會回購一至兩枝💛 因為在香港不算常有，所以也不算是我的恆常潔面產品，但我係超 like 這枝的啊❗卸妝液比較卸妝油要稠一點，流動性高，淡淡黄色，氣味不難聞（但真的不算香味）。 塗到面上再打圈，能快快清除化妝品，眼部化妝都能洗淨👍使用後沖水，皮膚感覺滋潤，絕不繃緊。唯一美中不足係產品的蜜糖氣味有少少怪🤢

Connie Fung好用推薦：之前一直用卸妝水卸妝，但朋友告知原來用卸妝油會比較不傷皮膚，所以第一次試用這個牌子的卸妝油。他的質地是比較濃稠的水狀，又未去到膠水那麼濃稠，但是他沒有什麼味道👍🏻搽上面口會感覺油淋淋，但係只要用水輕輕洗就會洗得很乾淨，不像油 至於他宣傳是收感冒，我也不是10分覺得有效，可能我用的方法不對吧

lucrezianoin好用推薦：呢隻hot cleansing gel 使用感覺良好, 搽咗上面會有少少暖, 感覺上好似會溶解咗毛孔裏面嘅污垢咁! 洗完面都唔會好乾, 反而有保濕嘅感覺, 同時亦都好清爽. 推薦!