Fiancee 用家評價

早前超火的日本香水品牌FIANCEE Body Mist，果時香港仲未有得賣，我就係日本百貨公司買， 太多香味選擇揀到花多眼亂。 雖然韓國都好火香水Body Mist，但我比較鐘意日本少女感的香氛，我揀嘅係Savon肥皂味，香味較清純，全身隨便位置噴兩下剛剛好，真係似沖完泡泡浴，全身有淡淡香味，唔會有種噴香水嘅假香精味，親和感十足。 個人會做運動或者冬天時噴， 因為香精混合汗水會更臭， 而冬天唔想所有外套都有唔同嘅香水味又唔散嘅話，依種Body Mist真係非常好！ 款式：Savon 肥皂香味 效果：淡香感覺清新，不會令我鼻敏感；如果衣服有陣噏味仲可以噴少少當衣物清新噴霧 缺點：持久度不足，大約1小時就揮發掉

我本身有留瀏海，平時返工懶得噴定型水set頭，因為支定型水噴頭太勁，好易噴到塊面，尤其係化好全妝時，要搵嘢擋住塊面，乾咗之後瀏海好硬唔自然，係松本清閒逛時見到呢支瀏海定型棒，俾佢超大陣蜜桃香味吸引，就好奇買返嚟試試 支定型棒比睫毛液大一啲，刷頭上面沾滿定型液，只要梳想定型嘅位置就ok，撫平啲bb毛，又或者收起紮唔到嘅碎髮都超方便，乾咗之後唔會好硬，但髮型好固定hold到全日，點低頭啲瀏海都唔會跌落嚟遮眼，非常方便

感謝 @cosme 抽中試用！Refresh Ice Mist 清爽噴霧特別適合夏天用，每一噴都會有涼浸浸嘅感覺。 最近去海邊玩嘅時候特登帶咗呢支清爽噴霧去試噴，本身天氣又熱又曬，所以我就噴咗喺手手腳腳、頸同埋頭髮，呢支噴霧有亞麻布香氣（薄荷味），好清新。重點係當你又熱又黏嘅時候噴嘅部位都會感覺到涼浸浸、而且可以持續一段時間。如果噴喺身體部位之後再開住風扇吹會更加涼～ 呢排夏天如果出街玩嘅話我都會keep住帶呢一支出去，細細支又方便袋。

感謝 @cosme 抽中試用！呢支美髮急救棒實在太適合我用，作為一個有留瀏海嘅人，都會知道瀏海其實喺定型方面都幾考功夫，好多時候出去一大風就會吹散晒。 而呢支急救棒係睫毛膏造型設計，好方便攜帶出街，除咗瀏海之外、頭髮頂部同埋側邊啲碎髮/BB毛都會成日凌亂，呢個時候只要掃一掃就可以整返平佢。 以前有用過膏狀/液體狀嘅頭髮定型，但用完之後頭髮會變得硬，甚至好似出油咁樣勁唔自然，所以依家呢支急救棒就幫到我。 除咗可以定型之外，係搽上頭嘅時候亦都會有淡淡洗髮水香氣，都幾好。

感謝 @cosme 抽中試用！FIANCÉE比較出名嘅就係作為一個香水品牌，而且啲香氣都比較少女系。今次呢隻紫丁花香氣身體噴霧著重淡香。 我比較鍾意嘅係呢隻身體噴霧嘅香氣唔會刺鼻，平時自己都好少用香水，因為覺得浸味好濃烈。而呢隻身體噴霧嘅紫丁花香氣好柔和，喺日常用嚟講就會較為自然，俾人一種好舒服嘅感覺。 不過因為身體噴霧嘅香料濃度比起香水低，所以香氣嘅持續時間比較短（大概兩至三個鐘），之後可以再補噴。 「前調：佛手柑、檸檬 中調：紫丁香、茉莉花、百合、蜜桃 基調：麝香、檀香、琥珀」

質地輕薄，流動性高，易推開，可以點塗在手腕、頸背位置，香味屬於脂粉類，給人一種溫柔的感覺，留香約三四小時。

多謝 @cosme 抽出試用，涼感清爽噴霧香味自然好似洗完衫嘅番梘味道，噴頭細膩唔會噴出水珠。噴霧為50ml十分輕巧方便攜帶出街，噴霧含涼感成份可用於身體或頭皮，能即時降溫提神。（如果有再大支包裝就好了🙈）👍

多謝 @cosme 抽出試用，美髮急救棒味道自然，有淡淡提子同洗頭水味道。急救棒都十分輕巧，可以輕易打理BB毛，梳理瀏海。用後頭髮唔會變得好立或者唔會出現白色粉末，亦容易拎出街補查😁 如果刷頭整細少少可以更容易控制使用位置，不過依家都不太大影響使用效果👍

多謝 @cosme 抽出試用，身體噴霧以玻璃作包裝，感覺高級似專櫃產品，噴頭細膩唔會噴出水珠👍 UI紫丁花香味味道前調有少少酒精味道，幾秒後味道變得自然清新，不會太刺鼻，但唯一味道不太持久，需要拎出街補噴下😄

感謝@cosme 的邀請使用 身體噴霧嘅香味比較清淡 唔會刺鼻 陣味比較young 因為香味係一陣橘香 比較適合夏天 如果唔想有一陣汗味 想要乾淨嘅感覺 但係又覺得出邊啲香水太濃味 可以考慮吓呢支身體噴霧  加上價錢亦都好平 cp 值高

感謝 @cosme給的試用裝。噴上後，一開始有一種比較刺鼻的味道散發出來，過一會兒以後便散發出隱約一種橘子般清爽的味道，但是氣味有一點太淡，不容易聞到。

多謝@cosme抽中使用，令我可以使用這支噴霧。在炎炎夏日，每次外出時身體（特別是腳部）總會流很多汗。噴了它在身上後，帶有淡淡像洗衣液的香味掩蓋了汗味，更帶來了清爽的感覺。

多謝@cosme的邀請，讓我試用美髮急救棒。它對整理碎髮很有幫助，只需輕輕一抹，額頭前的碎髮馬上變得貼服，還附帶陣陣香味。而且它體積小，方便放進袋子裡或者口袋裡。

多謝@cosme抽中試用，我係瀏海人個陰一亂左就成日冇Mood，美髮急救棒細細枝，方便放係手袋，有時出街吹亂左個頭都可以即時補救，刷頭易用，但缺點係維持得唔耐，幾個鐘就要再補一補。

第一次收到@cosme試用品！Fiancée 紫丁花香氣身體噴霧，淡淡花香好清新，唔會好濃 前調係橘香 中調係紫丁香 後調係麝香 有種好溫柔感覺 🥰🥰