lingbb好用推薦：是青春回憶的味 連埋身體啫喱同一set一齊買， 佢呢隻係第一個印象俾人好舒服乾淨既感覺， fiancee非常熱門既shampoo味， 但當人大啲就覺得個味有啲濃，同埋持久力始終唔長， 所以無再用了。 反而啫喱個作用會多啲

royu3好用推薦：好的味道可讓人留下好印象。這枝大概是買過的身體噴霧中，CP值最高、最好聞的味道，任何人都有好感的香皂味 (˶‾᷄ ⁻̫ ‾᷅˵) 每次噴一下就足夠，如剛洗好澡般，予人十分乾淨、清新的感覺🛁而且香氣十分療癒，整個人散發溫柔的氛圍。 CP值高，價錢也很相宜，不會造成負擔！ #大人感妝容

綺羅香好用推薦：我本身有留瀏海，平時返工懶得噴定型水set頭，因為支定型水噴頭太勁，好易噴到塊面，尤其係化好全妝時，要搵嘢擋住塊面，乾咗之後瀏海好硬唔自然，係松本清閒逛時見到呢支瀏海定型棒，俾佢超大陣蜜桃香味吸引，就好奇買返嚟試試 支定型棒比睫毛液大一啲，刷頭上面沾滿定型液，只要梳想定型嘅位置就ok，撫平啲bb毛，又或者收起紮唔到嘅碎髮都超方便，乾咗之後唔會好硬，但髮型好固定hold到全日，點低頭啲瀏海都唔會跌落嚟遮眼，非常方便

Akassoo好用推薦：感謝 @cosme 抽中試用！呢支美髮急救棒實在太適合我用，作為一個有留瀏海嘅人，都會知道瀏海其實喺定型方面都幾考功夫，好多時候出去一大風就會吹散晒。 而呢支急救棒係睫毛膏造型設計，好方便攜帶出街，除咗瀏海之外、頭髮頂部同埋側邊啲碎髮/BB毛都會成日凌亂，呢個時候只要掃一掃就可以整返平佢。 以前有用過膏狀/液體狀嘅頭髮定型，但用完之後頭髮會變得硬，甚至好似出油咁樣勁唔自然，所以依家呢支急救棒就幫到我。 除咗可以定型之外，係搽上頭嘅時候亦都會有淡淡洗髮水香氣，都幾好。

Akassoo好用推薦：感謝 @cosme 抽中試用！FIANCÉE比較出名嘅就係作為一個香水品牌，而且啲香氣都比較少女系。今次呢隻紫丁花香氣身體噴霧著重淡香。 我比較鍾意嘅係呢隻身體噴霧嘅香氣唔會刺鼻，平時自己都好少用香水，因為覺得浸味好濃烈。而呢隻身體噴霧嘅紫丁花香氣好柔和，喺日常用嚟講就會較為自然，俾人一種好舒服嘅感覺。 不過因為身體噴霧嘅香料濃度比起香水低，所以香氣嘅持續時間比較短（大概兩至三個鐘），之後可以再補噴。 「前調：佛手柑、檸檬 中調：紫丁香、茉莉花、百合、蜜桃 基調：麝香、檀香、琥珀」

Cody好用推薦：多謝 @cosme 抽出試用，身體噴霧以玻璃作包裝，感覺高級似專櫃產品，噴頭細膩唔會噴出水珠👍 UI紫丁花香味味道前調有少少酒精味道，幾秒後味道變得自然清新，不會太刺鼻，但唯一味道不太持久，需要拎出街補噴下😄

Karen好用推薦：呢款身體噴霧聞落去真係好清，令人好舒服 但係噴嘅時候可能次數要噴多少少先至可以keep得耐啲

格仔餅公主好用推薦：要間唔中就補噴因為好快就無味，一噴出黎個下有啲攻但散開左就可以，比較溫柔既味道

Akassoo好用推薦：感謝 @cosme 抽中試用！Refresh Ice Mist 清爽噴霧特別適合夏天用，每一噴都會有涼浸浸嘅感覺。 最近去海邊玩嘅時候特登帶咗呢支清爽噴霧去試噴，本身天氣又熱又曬，所以我就噴咗喺手手腳腳、頸同埋頭髮，呢支噴霧有亞麻布香氣（薄荷味），好清新。重點係當你又熱又黏嘅時候噴嘅部位都會感覺到涼浸浸、而且可以持續一段時間。如果噴喺身體部位之後再開住風扇吹會更加涼～ 呢排夏天如果出街玩嘅話我都會keep住帶呢一支出去，細細支又方便袋。

Cody好用推薦：多謝 @cosme 抽出試用，涼感清爽噴霧香味自然好似洗完衫嘅番梘味道，噴頭細膩唔會噴出水珠。噴霧為50ml十分輕巧方便攜帶出街，噴霧含涼感成份可用於身體或頭皮，能即時降溫提神。（如果有再大支包裝就好了🙈）👍

Katrina好用推薦：唇膏裝嘅設計非常方便攜帶，清新嘅香皂味一啲都唔俗。香味持久度一般，勝在容易攜帶，方便隨時隨地拎出嚟補搽。

Theresa好用推薦：睇電視廣告先開始留言Fiancee 呢個牌子，發覺呢個牌子價錢親民，日日用都唔肉赤！ 我最鍾意呢個香水棒氣味係洗頭水，感覺香噴噴之餘，又自然，唔會令人覺得造作💜 但缺點係略嫌香氣唔太持久

Sccan好用推薦：早前超火的日本香水品牌FIANCEE Body Mist，果時香港仲未有得賣，我就係日本百貨公司買， 太多香味選擇揀到花多眼亂。 雖然韓國都好火香水Body Mist，但我比較鐘意日本少女感的香氛，我揀嘅係Savon肥皂味，香味較清純，全身隨便位置噴兩下剛剛好，真係似沖完泡泡浴，全身有淡淡香味，唔會有種噴香水嘅假香精味，親和感十足。 個人會做運動或者冬天時噴， 因為香精混合汗水會更臭， 而冬天唔想所有外套都有唔同嘅香水味又唔散嘅話，依種Body Mist真係非常好！ 款式：Savon 肥皂香味 效果：淡香感覺清新，不會令我鼻敏感；如果衣服有陣噏味仲可以噴少少當衣物清新噴霧 缺點：持久度不足，大約1小時就揮發掉

jas2468f好用推薦：好有皂香感，噴完之後好似沖完涼咁，最啱冇沖涼 扮朝頭早沖完涼用，呢個價錢嚟講粗用唔錯，性價比高... 係有輕微化學感

wingshan1124好用推薦：真係番梘嘅味道，感覺好乾淨，價錢平，任用都唔心痛，不過唔敢噴太近頭皮，小心生暗瘡啊

jackielai好用推薦：番梘嘅味道聞落好香，令人感覺好乾淨，噴喺頭髮上面啲香味都維持到半日，呢個價錢嚟講都好合理。

dora好用推薦：特價買，買左後悔， 噴完持久度麻麻，其實陣味又少少廁所味（我阿媽話好似殺蟲水） 後悔～～～唯一好：大支，而家煩緊唔知點樣用得晒

mandy好用推薦：話說我終於用完整整一瓶 FRESH 西柚味香水了。 於是, 試下新東東   FIANCEE BODY MIST PINK GRAPEFRUIT 西柚香味混搭荔枝香味， 打造出清甜果香， 為女生增添女子力。 比較適合甜美系女生使用。 持久度不太好，要補噴。 前調: 西柚、荔枝 中調: 黑加侖、草莓、玫瑰 基調: 茉莉、琥珀及麝香

貓餅好用推薦：爽身粉味的身體噴霧 噴完真的很香 可惜香味不持久呢 常常要補噴 一支可以用很久的

mysecretgarden好用推薦：味道清新， 真係好似爽身粉味 ，唔會太濃， 適合日常使用。 價錢經濟 唯一係味道 唔算太持久