Koji 用家評價

首先我要強調，俾1星純粹是73號睫毛夾唔啱我用，唔代表睫毛夾本身唔好用，大家都知睫毛夾係要配合返眼型去選擇，唔係明星或者KOL推薦就一定啱自己，我都係近排睇到一位美妝YouTuber講解先知點樣去選擇睫毛夾，有興趣可以係youtube search 五月眉，佢講解得好清楚 講返支睫毛夾，Koji出品一向質素唔差，輕身易握，73號仲特別加長34mm，比70同71號多1mm，唔好睇小呢1mm，就係呢1mm令到睫毛夾貼合唔到我眼球，覺得到眼頭位頂住咗，唔能夠夾到睫毛根部，應該就適合眼窩深或者眼睛長嘅人

呢個Koji眱毛夾比起傳統交叉型睫毛夾更加好用 佢便攜式嘅設計用起上嚟更加容易 而且佢弧度適中 可以貼合到眼睛嘅弧度 好輕鬆容易就可以將眼睫毛夾到彎曲卷翹 甚至做到太陽花效果 佢嘅性價比高 只要幾十蚊就有一個 仲有後備軟膠附送 基本上都唔會用壞 一個可以用到好耐 十分抵用又好用

買嗰時分唔到70同71號有咩分別，拆出嚟睇先知原來71號係70號嘅短柄版，除咗柄短啲之外，其他都無乜分別，所以無必要兩隻都買哂，既然70號唔啱用，71號都唔會因為柄短啲而啱用

繼73號之後，我唔甘心走去買70同71號，雖然70號係正常33mm長，但係弧度都係唔貼合我眼球，反覆試幾次，睫毛唔係夾成直角，就係無夾到，無奈放棄

試過好多唔同嘅睫毛夾 連呢隻好出名嘅睫毛夾嘅眼影同埋長度都唔係咁啱我 佢嘅問題可能係弧度太彎

Koji王冠廣角款幾好用，本身一邊眼尾兩三根睫毛打交叉生長，有啲亂又好難夾起，呢款可以一次夾到所有睫毛，用啲啲力推上就好翹。

感覺黏力一般，假眼睫毛好易甩，亦令我眼睛敏感，個人使用感麻麻，唔太推薦。

價錢定位好平同埋好實用，當然都係因為佢甘岩夾到我既眼型，一夾啲睫毛就好翹好自然

弧度比較平 適合長型眼 自己則一直夾到眼皮 使用一次就放棄它了

同shiseido比較 佢既弧度比較高，無咁偏身 如果岩眼型會非常好用 我眼型比較適合shiseido

最適合我眼型嘅睫毛夾 好方便易用 夾完對眼顯得好有神 非常滿意

有時幫客夾眼睫毛，好多時眼尾眼頭都比較難一次夾哂，有細夾就方便好多。

或許是睫毛本來有一定長度，輕影就能夾出美麗的睫毛捲度，再配合睫毛膏如虎添翼

新買嘅，行cosme見到就買咗😂 唔難用，唔會變直角，夾完終於都見到睫毛😭

普通嘅一個睫毛夾，冇咩出眾地方，只係比較平同隨處可買，但唔岩我眼型，成日夾到眼皮又夾唔翹睫毛，唔適合我。