FANCL 好用推薦產品

Hoikiki好用推薦：Fancl淨肌保濕潔面粉 — 個人用後感 講真，一開始買呢隻潔面粉，都係因為我塊面呢排好敏感，用咩泡沬潔面都覺得掹掹緊，朋友就介紹我試Fancl呢隻。點知一試就愛上咗。 第一印象： 打開盒，入面係一包包獨立包裝嘅粉末，白色細細包。第一次用嗰陣真係有啲雞手鴨腳，倒粉出嚟唔小心倒多咗，跟住加水搓又搓唔起泡，搞到成手都係粉漿。後來睇返說明書，原來要用起泡球，仲要逐少逐少加水，先搓到靚泡。 用落之後： 搓起泡之後，啲泡真係好綿密，好似忌廉咁。搽上面按摩嗰陣好舒服，完全冇摩擦感。沖水之後，塊面唔會繃緊，仲有少少滑溜嘅感覺，呢點係我最滿意嘅地方。之前用其他潔面，洗完塊面會痕癢同埋好乾，呢隻完全冇呢個問題。 清潔力： 不過講真，清潔力算溫和。如果我只係搽咗防曬，洗完都OK；但如果化咗妝，就一定要先用卸妝產品，唔可以靠佢一take過。所以我通常朝早用，或者夜晚卸完妝之後再用佢洗多次。 缺點： 最大缺點係保存期好短，開封後得兩個月內要用完。有時真係用唔切，尤其係旅行或者懶嘅時候。另外，倒粉嗰陣好易倒多咗，有啲浪費。價錢都偏貴，長期用都幾肉赤。 總結： 如果你係敏感肌、乾肌，又或者想搵隻溫和嘅日

chewyfruit好用推薦：呢隻Fancl淨肌保濕潔面粉，我回購咗起碼三四次，真心覺得幾好用，尤其係轉季或者皮膚敏感嗰陣，佢真係救星嚟㗎。 首先講下佢個包裝，一盒有兩小樽，每樽大概用到一個月左右。粉狀嘅潔面粉，倒出嚟係好細緻嘅白色粉末，加少少水就搓到好多泡。啲泡唔算話好綿密嗰種，但就好滑溜，洗面嘅時候唔會扯住塊面。 清潔力方面，我覺得啱啱好。唔會話洗完塊面好乾好繃緊，但又夠力洗走面油同灰塵。我朝早同夜晚都會用，夜晚如果化咗妝，就會先用卸妝油，再用佢洗多次面，洗完塊面係清爽得嚟又唔會話「𠝹」皮膚嗰種感覺。 保濕方面，佢真係做到嘅。我本身係混合性偏乾，冬天用佢都唔會話洗完面即刻要搽嘢，可以等一陣先慢慢護膚都得。夏天用嘅時候，T字位都唔會話好快出油，水油平衡做得幾好。 不過要彈嘅係，佢個粉好容易受潮。如果擺喺浴室，啲粉會結成一舊舊，好難倒出嚟。所以最好擺喺乾爽嘅地方，或者用完即刻閂實個蓋。另外，佢個起泡網要另外買，如果你就咁用手搓，啲泡會少好多，冇咁好用。 仲有就係，佢冇乜香味，得陣好淡好淡嘅粉味，對於唔鍾意護膚品有香精味嘅人嚟講，呢點係加分嘅。 總括嚟講，如果你係敏感肌、乾肌，或者想搵隻溫和得嚟又夠清潔力嘅

Mandy好用推薦：真心覺得Fancl呢款黑炭洗顏粉好正！最加分一定係一粒粒獨立包裝，唔使成樽洗面奶帶出門，去旅行按需要拎幾粒就得，塞入背包角落都唔阻地方，勁方便，又衛生，唔怕受潮。呢隻粉加水搓兩下就有好豐盈嘅泡沫，多到可以敷晒成塊面，洗得好舒服。洗完塊面完全唔會覺得乾爭爭，但清潔力又真係勁，塊面啲油同污糟嘢好似清走晒，摸落去好乾爽，洗完面d黑頭真係好少少佐dd咁。平時最怕洗完面繃緊，呢款完全冇，反而有種清爽透氣感，夏天用真係一流。雖然係粉狀，但用落唔麻煩，濕手加少少水搓開就得。旅行、做gym或者短trip帶幾粒超安心。真心推，尤其鍾意乾爽又唔乾嘅洗完感，會回購！

Fish Tse好用推薦：我平時都會用開fancl既深層清潔面膜，我覺得效果非常好，但始終人係有惰性，敷面膜其實都真係幾麻煩 所以我見到哩款黑炭酵素深層清潔洗顏粉即刻心郁郁入手，佢一細盒好方便一次使用倒出黎係灰色好幼既粉，之後再加水就會有泡泡出現，好似洗面奶一樣係塊面都打圈 我多數會針對T字位同鼻翼旁邊加下巴比較容易出黑頭粉刺既位置清洗，洗完之後就可以沖水，用完之後唔會覺得皮膚好乾燥，因為佢含有玻尿酸同獨家氨基酸既成分係清潔既同時可以保留肌膚既水份 仲含有竹炭、吸附泥精華等成分徹底洗潔毛孔既污糟野、角質、黑頭同粉刺，比起用mask真係方便好多，真心推薦

Jcxjessie好用推薦：呢個潔顏粉係之前響日本買嘅特別版 因為成日都飛，所以買潔顔粉帶上飛機好方便，唔使怕因為液體而驚俾人收。 卸完妝之後，倒少少粉喺手，再加啲水然之後捽落塊面就ok喇 啲泡泡都幾細緻，而且用完塊面都冇覺得乾，同埋佢冇乜味道，敏感肌都可以用👍🏻

zetalhc好用推薦：呢個洗面粉好容易起泡，清潔力好強，可以洗走毛孔中嘅污垢，而且洗完之後唔繃緊有少少嘅保濕效果

劉肥貓好用推薦：冇防腐劑色素香料 起泡容易 清潔力還可以 用後冇敏感亦唔會繃緊 價錢要二百幾蚊一支性價比一般般

natanatalie好用推薦：我冬天使用，性價比唔太高。用完之後肌膚毛孔細緻左，幼嫩左，而且都幾乾爽

zetalhc好用推薦：呢個fancl嘅去暗瘡潔面乳，清潔力唔錯，洗完面唔會覺得繃緊，雖然去到效果唔係好明顯，但係洗完會覺得毛孔乾淨好多

Ni好用推薦：購物獲得的贈品 好起泡 泡沫綿密 洗起來很舒服 洗臉後清爽感 油肌推薦