APIVITA 用家評價

面膜係一包包，一次一包，乾淨衛生。一撕開包面膜，已經聞到一陣淡淡嘅蜂膠香味，唔會太濃，幾舒服。質地係淺黃色嘅乳膏狀，推開之後都幾滑，厚敷一層都唔覺得悶。 使用過程： 我通常會洗完面之後，搽層爽膚水，再厚厚敷上面膜（避開眼周同嘴唇）。佢唔會好似一啲塗抹式面膜咁，敷嘅時候會覺得好乾或者扯住塊面，反而有少少涼涼哋嘅感覺，幾放鬆。敷大概10-15分鐘，之後用溫水洗乾淨。 效果： 用完之後真係有驚喜！首先，面膜幾易沖洗，洗乾淨後塊面摸落去滑咗，尤其係鼻翼同下巴嘅暗粒，明顯平復咗好多。之前有幾粒紅紅哋嘅暗瘡，敷完之後冇咁紅，感覺消炎效果唔錯。而且皮膚睇落乾淨咗，毛孔好似通咗咁，有光澤感，唔會話用完之後乾到繃緊，保濕度都算OK。 整體評價： 如果你係容易生暗粒、暗瘡，或者皮膚間中敏感乾燥泛紅，呢隻蜂膠面膜真係值得一試！雖然價錢唔算平，但效果對板，尤其係爆瘡期間用，可以好快幫皮膚鎮靜落嚟。我會繼續回購，推薦俾大家！

Apivita 紅石榴面膜（Pomegranate Radiance Revitalization Mask） 一款天然抗氧化面膜，主打提亮膚色同注入活力，適合暗沉或疲勞肌用，片狀設計簡單方便 敷 10 分鐘左右，感覺清涼濕潤，吸收後皮膚水嫩啲，膚色睇落均勻亮澤 成分有紅石榴萃取抗氧化、維生素 C 活化肌膚同綠茶保護，94% 天然溫和，敏感肌都適合 留意位🥸 提亮效果因人而異，唔太持久，喱個價位唔太值得入手

Apivita Bee Radiant 亮肌嫩膚激活精華 一款天然成分嘅抗老產品 主打3D細胞激活系統，對抗初老跡象如細紋、暗沉同疲勞肌，適合所有膚質，尤其是熬夜或壓力大嘅….. 我😅 成分有： 專利蜂膠抗氧化修復、火龍果萃取即時提亮均勻膚色、大麥萃取抑制黑色素防斑、南非重生草鎖水保濕、植物糖原刺激膠原蛋白合成，加白牡丹同微藻萃取，深層激活活力，減少水份流失+33%、提升彈性+25%。 用咗3包，大約一星期，實用結果～ 質地輕薄如水，幾滴推開即化，吸收超快，冇黏膩感，用後皮膚即時水潤有光澤😙 留意位係…🥸 🥸香料味有啲重，個人嚟講係扣分位 🥸蜂膠+柑橘精油，敏感肌可能不適，建議先試敏 總括嚟講. 不過不失啦😌 追求天然成份嘅可以等佢更新一代再入手試

質地 這款精華嘅質地非常輕盈，類似保濕安瓶一樣，擦上去感覺清爽，不會油膩。佢吸收得超快，一下子就渗透進肌膚裡，用後我臉頰會即刻變得水潤舒適！ 使用感 使用依款精華之後，我既肌膚有唔錯嘅感覺！水潤又清新，尤其是近排開始天氣有少許乾燥，又一係唔錯嘅選擇。有時候我用作妝前打底，妝容看起來特別自然，皮膚底部吸收水潤，可以令妝容持久一d。 另外，我幾鍾意佢散發著好清新的味道，好似草本的感覺，唔會有過分嘅香料味。 總結 總結嚟講，Apivita嫩活膚注水精華係一個好用嘅產品！它不單子令我嘅肌膚補充水份，而且使用起嚟非常舒服、清新。最重要佢含有好多天然嘅成份，補水能力又唔差，任何皮膚都啱用。希望大家喜歡我的小分享💕

膚質：油性頭皮（瞓醒第二朝會出油，朝早洗完頭晚上會出油） 清潔力 ★★★★★☆：清潔力唔錯，用完之後頭髮見到比未用之前防水蓬鬆，而且洗完之後唔會覺得頭髮有乾澀感覺。 清爽度 ★★★★★☆：使用後第二朝起身出油量有減少。 質地 ★★★★★☆：透明液態狀，唔會太流質。 香味 ★★★★★☆：個人嚟講係屬於幾鍾意嘅薄荷草本香氣。 性價比 ★★★★☆☆：細細一支價錢唔算平，但係效果都算唔錯！ APIVITA平衡調理洗髮精清潔力唔錯，用完之後頭髮會比較蓬鬆，好適合油性頭皮使用。

Ginkgo biloba（銀杏）喺護膚品入面好常見，尤其係眼部或抗老產品 Apivita 嘅眼膜系列，主打抗氧化同改善循環，適合眼周黑眼圈或疲勞問題 銀杏萃取有豐富黃酮類同萜類化合物，幫手對抗自由基，減少氧化壓力，促進皮膚微循環，讓眼部區域看落更亮澤同減輕浮腫 敷 Apivita Ginkgo Eye Mask 後，眼周濕潤啲，l特別適合熬夜或乾性肌，敷 10-15 分鐘，成分天然溫和，敏感肌都用得 留意位🥸 效果唔太持久，妝前保濕打底好啦

Facial Masks with Prickly Pear 獨立包裝的Cream Mask，一包剛好是一次的份量。仙人掌是這個系列最熱賣的款式，主要功效是深層滋潤、舒緩鎮靜和補充水份。 打開包裝，面膜霜質地介乎於cream和gel之間，塗上臉有點清涼。可能一包面膜的份量對我來說不太足夠，只敷5分鐘左右膏體就開始變透明，需要過水。 整體來說，補水效果非常明顯，敷完皮膚有變得水潤，但滋潤鎖水效果稍弱，敷後需要疊加其他護膚品才可以將補水效果延長。另外，如果皮膚太乾或敏感時不太推薦敷這款面膜，我試過顴骨過敏時敷，感覺刺激。

希臘牌子skincare ，第一次試用佢哋嘅精華。呢隻係最基礎嘅補水精華，最特別嘅係佢哋加咗98%天然成份，呢個比例天然成份喺其他精華嚟講相對好高，用起上嚟對皮膚親膚勝強👶🏻 倒出嚟就係透明少少濁嘅精華，流動性強，帶有一陣天然嘅花味。上面保濕度好，水潤都幾快吸收，但係有啲黏。可以見到上面即時做到保濕，保濕好咗皮膚毛孔睇落都較為細緻，而呢種保濕效果係會維持住，唔會吸收晒就消失🤗冬天可以長用

朋友推薦用呢隻蜂皇漿緊緻活膚面膜，話效果好緊緻，買咗一盒嚟試🤔睇吓係咪真係咁勁APIVITA出名成份天然，敏感皮膚都唔需要擔心。打開就有淡淡嘅蜂蜜味，質地係米白色乳液狀。用面膜掃厚敷上面、頸，之後等10分鐘就可以用水洗乾淨，之後搽返面霜鎖水就完成👌🏻呢隻蜂皇漿緊緻活膚面膜話有緊緻、提拉、軟化皮膚嘅作用。軟化、緊緻皮膚同補水功效我覺得唔錯，敷完仲睇得出即時提亮咗。雖然提拉效果真係無，但其他功效都足夠令人想繼續用👍🏻👍🏻

Apivita蘆薈保濕面膜 一款天然又高效嘅面膜，質地呈乳霜狀，補濕同鎮靜效果明顯，適合乾燥、敏感或曬後肌膚💓 💡含有蘆薈、透明質酸、玫瑰提取物等保濕成分，可以迅速為肌膚補水鎖水 💡荷荷巴油、乳木果油同希臘蜂蜜提升皮膚彈性同柔軟度 用完後皮膚感覺水潤有彈性👍🏻 🧏🏻‍♀️整體來講 性價比高，適合秋冬或肌膚需要鎮靜補濕時用

Apivita 相信都係大家熟悉mask既品牌之一，其中清潔方面我好中意哩款南瓜排毒速效面膜 佢搽出黎係白色既，一包基本上成塊面厚敷都冇問題，但重點位置鼻、T字位同下巴我會再搽得厚d，因為哩三個位係肌膚最污糟既地方 裡面包含南瓜酵素、高嶺土都係幫肌膚進行清潔去除角質、死皮同埋吸走多餘油脂。另外南瓜籽、乳木果、檸檬等配方有助保濕、均勻膚色用 我大概會敷15分鐘跟住用水係全面打圈等到透薄左見到膚色就會濕棉花抺走mask再全面沖水，如果想skip棉花哩個過程都可以但就需要沖耐d水先會乾淨 敷完之後鼻頭位置會明顯見到白色粉刺我就會用粉刺夾夾走後就再敷保濕mask。一個星期懶既可以敷一次，勤力既可以敷兩次咁肌膚就會好乾淨

姐姐送左兩包apivita cream mask俾我 平時用開paper mask, clay mask多 Cream mask真係少用 今次用完之後我諗我會用多啲cream mask喇 保濕能力好好，敷完等左15分鐘佢都仲係好有感，未乾，過完水之後滑左好多，feel到皮膚即時補濕左，原來cream mask都唔錯！ 一包份量都幾多，我分左兩次用 秋冬特別適合用cream mask 仲有一包等天氣涼啲再用！

APIVITA Express Beauty Detox face mask with pumpkin 南瓜排毒面膜 主打 補濕軟膚 + 排毒去角質+ 控油 適合所有膚質使用。 南瓜排毒面膜 真係好保濕， 冇一般的清潔面膜 咁易令肌膚乾燥。 使用感由頭到尾都唔乾，非常舒適呀。 清潔力強，可深層潔淨肌膚， 用後肌膚好潔淨亮白， 去除因環境污染而形成的污垢及老化細胞。 使用後，肌膚出油溶妝的情況得到改善。 推介南瓜排毒面膜， 特別是油性肌可以排毒同時控油， 而乾性肌使用也可排毒同時保濕。 含保濕成分: 甘油, 山梨醣醇, 乳木果, 維生素原B5, 蜂蜜, 卵燐脂, 玻尿酸鈉, 醋酸鹽維他命E 及 乙基己基甘油 油性滋潤成分: 乳木果, 橄欖油 及 卵燐脂 保濕成分: 維生素原B5, 蜂蜜, 卵燐脂, 玻尿酸鈉, 醋酸鹽維他命E 及 乙基己基甘油 抗氧化成分: 南瓜籽油, 橄欖油, 卵燐脂, 葵花籽油, Sideritis Perfoliata Flowers/Leaves/Stems Extract, Sideritis Scardica Flowers/Leaves/Stems

依啲精華勁好用，就算夏天都唔會笠，夜晚用都勁滋潤，第二日皮膚勁有光澤，勁滑，貴都值得買

超級好用，無論春夏秋冬都咁適合用，即使冬天都好夠滋潤，而且質地濃稠又勁香，勁relax