我的美麗日記 用家評價

依個係我最近係台灣買的面膜，見係台灣必買的面膜之一，所以就買來試下。 感覺「我的美麗日記」係台灣人氣面膜品牌。面膜紙都幾薄下，幾大張，貼合度唔錯，精華液滿滿卻不黏膩，敷20分鐘後輕拍吸收超快。 含有植物幹細胞和岩薔薇萃取，專攻抗老緊緻，用後肌膚都幾潤下，但注意冬天時就不太保到濕。日常保養可以，但不太建議冬天、或皮膚乾燥時使用。 適合肌膚：任何 成效度：3.5/5 保濕度：3.75/5 吸收度：4.5/5 面膜紙貼合度：4/5 值得推薦度：3.5/5

最近試咗「我的美麗日記」呢款玻尿酸面膜，同大家分享下用後感。首先包裝好簡單，一盒十片獨立裝，攞出嚟嘅時候覺得精華量幾足，面膜紙係天絲棉質地，摸上手軟熟，貼上臉都算伏貼，鼻翼同下巴位都唔會翹起，敷緊嘅時候都幾透氣，唔會覺得悶住皮膚。 敷咗大概十五分鐘左右，拎下面膜嗰刻覺得塊面即刻水潤咗，摸落去軟滑啲，尤其係面頰啲乾紋有即時減淡。精華質地屬偏稠少少，但吸收完唔算太黏，不過我自己習慣會用清水輕輕沖一沖，再跟返日常護膚步驟。 保濕效果方面，即時補水力真係唔錯，皮膚光澤感明顯提升。但如果唔搽乳液鎖水，隔咗一晚朝早會覺得冇咁潤，所以建議敷完一定要跟返保濕霜。成分睇落都溫和，冇酒精同濃烈香味，我係敏感肌用咗都冇痕冇痛，不過穩陣起見大家都可以耳背試咗先。 價錢來講真係好親民，街坊價錢，日日敷都唔肉赤。對於學生或者只想基礎補水嘅人來講，呢款面膜性價比幾高。當然啦，如果你要求極緻長效保濕，就可能要配合其他護膚品先得。 總括來講，呢款面膜係一款穩穩陣陣嘅日常補水選擇，尤其適合皮膚冇大問題、純粹想飲飽水嘅朋友。天氣乾燥或者妝前急救用，都幾方便抵用！ 推薦指數： ★★★★☆（4/5星） 適合人群： 中性

我的美麗日記 • 大馬士革玫瑰面膜！ 又轉季啦！係咪又覺得塊面「黐立立」之後又「嚡熠熠」？😫 一啲風吹過塊面就緊緊哋，上妝仲會「飛屑」？今次同大家試吓呢塊 「我的美麗日記—大馬士革玫瑰面膜」！ 一撕開包裝，嘩！陣玫瑰味真係好清香，唔係嗰種好假嘅化學味，聞落好舒服，即刻有種去咗Spa嘅感覺～ relax爆！ 睇下啲精華液！多到呢！ 質地係嗰種唔會「立黐黐」嘅清爽質地，流動性幾高，唔會話杰撻撻，好啱怕油膩嘅你。 塊面膜紙係薄身款，拎上手要好小心，因為真係好軟滑。敷上塊面度，超貼服！ 鼻翼、嘴角呢啲位都貼得幾好，唔會翹起。 敷大概15-20分鐘，除落嚟那刻，真係見到塊面即刻光澤咗，同摸落去水潤咗！ 之前因為乾燥而有嘅緊繃感，即刻消失晒！ 精華液仲有好多，我通常會拎嚟敷頸同對手，唔好嘥嘛～ 輕輕按摩等佢吸收，皮膚係咕溜咕溜咁，好滑溜，而且完全唔黏膩，後續搽乳液鎖水就搞掂。 對於「轉季乾燥」呢個任務，我覺得佢交到功課！💯 · 即時補水： ⭐⭐⭐⭐⭐ · 舒緩緊繃： ⭐⭐⭐⭐ · 提升光澤： ⭐⭐⭐⭐ 如果你朝早起身發現塊面狀態唔好，上妝前敷一片，個妝真係會貼服好多，唔會卡粉卡到一

我的美麗日記，拯救熬夜肌一星期白返嚟 熬夜加曬太陽搞到塊面一塌糊塗😩 暗瘡又紅血絲 呢款係張彬彬、連晨翔推薦嘅黑珍珠面膜——嚟自我的美麗日記 我的美麗日記已經係16年嘅老牌子，閉埋眼都可以入手🤩 ❤️ 使用感受：味道好清新🌱 極絲裸敷水凝布面膜貼面又貼服，精華好水潤，唔悶唔黏膩，清爽溫和，敏感肌都啱用。 ❤️ 主要成分： 1️⃣ 法國大溪地黑珍珠提取天然有機物，富含維他命、礦物質同氨基酸，結合水解酵母蛋白同天然維他命C，20分鐘搞掂水光肌； 2️⃣ 添加滲透素Tinysome，磷脂質+，雙極性結構，超細微粒子，深入又穩定； 3️⃣ 萃取天然植物成分，深層補水💦 ❤️ 使用方法：如果想修復曬傷，我會先將黑珍珠面膜擺入雪櫃保鮮格🧊，洗面後敷上，一瞬間皮膚超舒服😌。敷10分鐘後，將包裝袋剩餘嘅精華擠上塊面再敷多10分鐘，等皮膚飲飽水。攞下面膜後唔使清洗，輕輕按摩到完全吸收，超適合懶人臨睡前敷！敷完嘅面膜可以摺埋敷吓頸，敷吓小腿，唔好浪費任何一滴精華呀！ ❤️ 使用前後對比：用之前膚色唔勻又有紅血絲；用之後肉眼可見紅色消退，皮膚水潤，痘印都唔明顯咗🉑️

我諗呢個牌子應該冇乜女仔未用過，我記得喺中學嗰陣已經好流行 作為基礎保濕面膜嚟講，佢嘅效果好好，用完之後明顯皮膚有種飲飽水嘅感覺，皮膚雖然冇韓妹嗰種水光肌咁誇張，係自然有光澤感嘅感覺，敷完面膜化底肌會貼好多 佢嘅效果對得住佢嘅性價比，想試絕對可以試下

🌺「想塊面掐得出水？識揀面膜好緊要！ 大家覺得秋冬季護膚最緊要係乜嘢？ 我塊大乾皮當然係狂補水啦💦 而家只要唔係忙到癲，我晚晚都會敷面膜🤭 我的美麗日記玻尿酸保濕面膜 真係估唔到咁正！ 塊膜布薄到好似蟬翼咁，敷上塊臉涼浸浸超舒服😊 精華多到滿瀉，次次用淨我都會拎嚟搽頸同手背😄 裡面加咗勁多玻尿酸，可以鑽入皮膚底層瘋狂補水👏 仲有墨角藻、蘆薈🌿呢啲好料，幫塊面全面補充營養 每次敷完感覺成塊臉飲飽晒水💦 就算冬天開齊暖氣抽濕機，塊面都依然水噹噹 皮膚夠潤睇落即刻後生幾年🎉」

分享一下這個我的美麗日記蘋果多芬收毛孔面膜，是朋友從台灣帶回來的手信，面膜標誌着超薄滲透，打開包裝，把面膜貼上面開始，確實感覺到面膜是非常薄的，透明的，看到自己的皮膚，確實是超薄。面膜的用途是收毛孔，非常適合本人使用，年紀開始大，需要使用收毛孔的產品，面膜的剪裁非常好，眼型和嘴型都照顧周到，尺寸剛剛好，面膜精華不會因為眼型不合宜滲透到眼睛裏，敷15分鐘就可以了～非常喜歡，一邊敷面膜一邊感覺到精華滲透到裏面，一星期可以使用兩次，會回購的，因為價錢並不昂貴，性價比高 

美麗日記面膜以前去台灣必買手信… 而家就香港各大藥粧店都有代售.. 功效還好.. 勝在cp值夠高💡 保濕能亮雙激粹EX+黑珍珠面膜 一見到EX..即係高效版啦….？ 事實係… 分別唔大⚖️ 面膜本身無特別氣味.. 精華比較近水狀.. 似濕敷toner 面膜紙除左大張咗少少外.. 剪裁好貼面.. 美中不足位- 滴漏情況好嚴重..🪻 幾乎係一路敷一路漏.. 精華量唔少.. 但大部份去晒我手中嘅面膜袋入面🥹 功效方面（使用一盒後）： 主打保濕同亮白嘅ex款… 保濕度算唔錯.. 秋天天氣下維持到一整晚水潤效果.. 但亮白唔係好有感… 8蚊左右一塊嘅面膜..都唔可以要求太多😅

萬x減價，又買番幾盒黎用🤫 美麗日記一向都性價比好高， 但function黎講就….. 一款款啦 呢款黑珍珠標榜既美白效果就屬於一般般啦😅 用左一盒都唔覺有白淨到 但拎黎每日做下補濕， 幾蚊塊， 抵用啦👌🏻

對於它的功效，我覺得是好用的，清爽及水潤。 我有些不喜歡它的是剪裁一般。在臉角的位置，它沒有開口，令到在一些眼角，鼻樑，臉角位置出現好似泡泡的情況。🙈

呢款係有小小意外驚喜既， 保濕度比想像中更高👍🏻 平時大部分paper mask都做唔到敷完印乾就可以訓，因為我好快會出油😮‍💨 但呢款做到，比較清爽，唔錯：）

一直以為我的美麗日記只有推出面膜，原來還有安瓶產品。第一次用這種獨立包裝的安瓶，一盒七小枝很適合帶去短途旅行。質地其實就像面膜的精華，非常保濕，同時吸收力強。 對效果沒有挑剔的部份，只是性價比實在不高，除非輕裝旅行不想帶一整支安瓶，否則差不多的價錢已經可以買到效果同樣不錯的一整支開架安瓶。

在台灣購入的，面膜非常貼面，敷大約20分鐘就開始乾。用完即時效果是水潤，但持續力低，如果不立即過水或補塗護膚品，會慢慢缺水出油，可能只是表層的補水。

#BA 💦蜜若藍超能補水面膜 係補水補油、密集保濕嘅星級產品✨ 🫧特別添加咗珍貴嘅蜜若藍萃取，有效保護肌膚免於乾燥，穩定肌膚自身水分與脂質屏障，水份流失時能快速補水，提供源源不絕超能保濕力，急救肌膚乾荒，回復透亮水嫩！ 🫧特有WOW多重乳化技術，添加山茶花油、雲莓籽油、橙花油三種珍稀植物油，有效改善肌膚粗糙紋理。 🫧以多重乳化技術打造黃金比例2:8小分子超能精華蜜，完整封存高活性萃取物於精華，深層滲透、潤澤保養肌底。

為左美白入手面膜 用完一大盒 覺得好似真係白淨左小小 最明顯係斑淺色左 但好可惜只係頭一盒有用 再番入手己經無左效果 如果淺色斑可以去入手一試