Embryolisse 用家評價

Embryolisse全能奇蹟保濕霜 我回購左無數次（十幾年前初中已經用緊😂）！好多人會當晚間保濕霜用，不過對我呢種極乾肌嚟講夜晚用唔太夠力，但！用佢嚟做妝前保濕，真係非常非常非常好用～ 🤍 妝前貼服度：5/5 搽完再上粉底，底妝好似「扒」咗喺塊面度咁，全日都冇浮粉卡粉，連鼻翼兩側都保持貼服！（而家咪有一支好興，韓國品牌，瓶身黃色既妝前乳，我用到爆痘，所以又即刻轉返embryolisse🥹） 🤍 質地吸收：4.5/5 乳霜質地柔滑易推，好似融化喺皮膚入面咁，完全唔會同後續防曬或粉底「打交」～  🤍 溫和度：5/5 我自己敏感肌用落零刺激，轉季期間用都冇泛紅問題～（留意！佢有香味，如果香料敏感嘅記得要睇清楚成份表！） 🤍 滋潤平衡：4/5 日間用啱啱好，提供足夠滋潤但又唔會油光滿面；極乾肌夜晚用就會覺得續航力唔夠～ 總結： Embryolisse呢支保濕霜係我嘅妝前神器！由中學用到而家，底妝貼服度從來冇令我失望～雖然夜晚用對極乾肌唔夠力，但作為妝前打底絕對無可取代！仲要唔貴！會繼續回購，推薦！

😳😳其實我成日見人share好用 我frd話會勁乾 上妝前用佢就好好多 有次見到即管買嚟試吓，又真係幾好用喎😍 有時幫男人甩晒皮嘅面搽 就即刻平復返 冇再甩皮😚😚 價錢又唔係好貴，又襟用 唔錯唔錯

呢支保濕乳係朋友介紹 質地好輕身唔笠 搽完好神奇地係會令粉底更貼 有持妝效果 而且好保濕 未買前 本身都懷疑 因為之前網上好hit 所以買嚟試吓 我會係原先cream上再加4粒黃豆咁多嘅量喺面中 就可以令個妝喺冷氣房持續保濕 更加持妝 佢係好啱化妝人士用 特別係喺冷氣房做嘢嘅人 性價比好高🏵️🏵️

同大家分享下我平時嘅補妝急救法～ 我平時出街就算化好左個靚妝但係一定都會有甩妝嘅情況出現🥲因為我面部某啲位置會易乾同有甩皮嘅情況，所以我出街/坐office都一定會帶支有保濕成分嘅噴霧，咁主要揀佢係因為佢有保濕成分✅但冇油份❎(有油份驚溶眼妝)。 。 咁本身都係用開Avene個支活泉水～但我通常只係會係冇化妝嘅情況之下先用佢黎補水，而化左妝就會用embryolisse呢支有保濕成分嘅花水噴霧用佢for妝後定妝or補妝。 咁我嘅用法係一feel到乾or有乾紋出現個陣我就會成面噴完之後用紙巾(最好用啲化妝海綿)輕輕印一印/壓一壓啲水份落皮膚度！！！(♡˙︶˙♡) 。 重點係！！佢成分精簡溫和，冇防腐劑冇色素冇酒精成份個啲！！可以紓緩鎮靜敏感皮膚同降紅(我係會有一排皮膚敏感之後面部泛紅，所以我都會盡量揀翻啲啱敏感肌用嘅產品用！)。 因為佢得大支裝200ml唔會方便帶出街，佢個設計可以比我扭開，所以我會自己買支細嘅噴霧樽仔倒係入面for出街用🤣🤣！ #夏季戀愛感妝容

這款乳霜深層滋潤，能有效減淡細紋，讓我的肌膚看起來更加平滑。即使在辦公室冷氣房中，肌膚也能保持水潤感，完全不會有緊繃感。 在化妝之前使用這款乳霜，妝容更加貼服，底妝效果特別自然，還能提升整體妝效，讓妝容持久不脫妝。 總的來說，是我日常護膚與化妝的必備產品，強烈推薦給需要保濕的朋友！

回購咗應該超過5支，妝前用完，上妝真係會貼服咗好多，超好用！上臉係好水潤，有滋潤感個又唔會好焗好油。如果皮膚好乾甚至有脱皮，我會用佢當厚敷面膜，然後按摩一下，臉上嘅死皮慢慢按走，皮膚會滑好多，之後個妝會更易上。性價比超高！

我呢支係新包裝。呢支已經無限回購咗好多次。係我嘅化妝老師好耐之前話俾我聽上妝前查吓塊面按摩一下做個底，然之後就會好貼服。所以尤其是冬天嘅時候一定會揸吓塊面先再上妝，非常之好。

Embryolisse這款眼霜質地獨特，是輕盈的balm，但完全不會有黏膩感或負擔，搽上眼周可以很貼薄且吸收迅速，而且使用時有冰涼感，可減輕眼部浮腫，用後覺得眼周肌膚變得保濕柔嫩，乾燥細紋也獲得改善，看起來比較飽滿有彈性，好適合作為妝前打底使用。細細支很方便帶去旅行使用。推介妝前想減淡眼部乾紋的朋友試試👀✨️✨️

之前喺法國藥妝店度見特別平，所以買咗。好適合用來做妝前嘅保濕，對於後續嘅底妝唔會打交唔會粒粒，反而會令到個底妝會更加貼服。 我覺得喺夏天使用就未必咁適合，因為滋潤度好高，而係冬天使用之後，亦都可以係乾燥嘅天氣使用粉狀嘅粉底。  本身一支都比較大枝，所以可以用好耐大概三至四個月都已經夠用，便宜好用。

好耐之前已經上網見過 有日行街心血來潮買咗 應該係新包裝 冇買錯 乾燥嘅時候塊面會紅晒 有啲瘡仔冒出嚟 一查呢支嘢 過咗一陣塊面就舒緩曬 冇咁紅 日日查皮膚會愈來愈好

相逢恨晚，而家先知有啲咁好嘅底霜，轉季用咗一個禮拜真心覺得好好用，乾肌用世一！

Mouse 狀妝前打底，延展度高易吸收，乾燥天氣必用。夏天office勁開冷氣偏乾面頰用這款保濕形粧前打底，T字鼻翼另外用控油款，持妝度便大大提高。另外我一年四季經常用它來做頸霜的，滋潤減紋，一物多用。

感謝 @cosmeHK 今次送出Embryolisse Sensitive Multi-fonction Nourishing Moisturizer試用裝。呢枝低敏護膚霜，集合洗面、面霜面膜同身體潤膚乳等多重用途，無香料並有高達98%天然成份，大人、小朋友同七個月大或以上BB 都可以安心使用。 保濕霜係輕盈偏水狀乳霜質感，相對普通藍色款個人感覺比較薄身十分容易推開。只需要少量就可以搽曬全面，吸收快，用後亦無黏笠厚重感。岩岩轉天氣日子一直有輕微敏感及甩皮，但係早晚都用咗大約4-5 日，已經得到舒緩，甩皮嘅問題亦都無再出現，皮膚仲柔軟咗少少。係早上用後再搽防曬，唔會出現擦膠碎，面部全日都無癢同乾燥不適感。 屋企人有濕疹問題，比佢哋當身體乳霜用係患處亦舒緩唔少，雖然產品無止痕成份，但因為有鎖水平衡水油比例，患處有明顯改善，最主要係潮濕天氣都唔會有黏笠感覺。 本身有一直用開普通款，但試用咗妤敏保濕霜之後覺得更加好用，回購清單必備。

多謝 @cosme 今次抽中我💕 我今次試用既係Embryolisse Multi-function nourishing moisturiser 呢枝moisturiser係專for敏感皮膚 成份安全 完全唔會怕搽完之後生粒粒 又或者泛紅敏感等等 我試過用佢做面膜 舒緩效果唔錯 而且的確係幾滋潤 又吸收得幾好 吸收完之後唔會有油淋淋嘅感覺 有次仲試過因為隻手太乾 直情當佢係hand cream咁搽 點知效果仲好過我其他hand cream 又保濕又唔會癡立立😻 但我覺得佢都係最適合做妝前底霜 最近換季 都一直只係用佢 點知一支就已經可以保濕 仲要之後上底妝都唔會有擦膠碎 最重要係鼻翼兩邊唔會甩皮 成個妝都貼左好多 比之前更自然 但有一樣比較唔好嘅係 佢本身個味道對我來講不太討好 有少少唔好聞😿 可能因為成份天然 唔會加香料 希望未來會有其他版本係有香味 有嘅話會即刻再回購🤲🏻😽

感謝 @cosme 邀請之試用。 本人膚質為極乾肌，轉季敏感泛紅。 收到試用品的時候剛好試用另一油性產品致敏感出暗粒，正好試用產品能否穩定皮膚狀態。 試用過程為放棄致敏之油性產品，只用日常認為較合適之爽膚水及精華，最後之面霜改為轉用全能奇蹟紓敏保濕霜。 轉用此產品前所使用之面霜大概能維持6至7小時皮膚飽滿補水感，早上洗面後必須快速塗上面霜持續補水，否則皮膚顯得乾燥及有細紋。 轉用全能奇蹟紓敏保濕霜後，皮膚飽滿補水之感覺能長效維持，早上洗面後仍有感皮膚充滿水份。產品保濕功效十分推薦。使用產品約4至5天後，更能感到皮膚有提升緊致效果，相信同為強效保濕之作用。 另外，使用產品約1至2天，面上敏感暗粒開始凋謝；3至4天後，暗粒位置已經康復，顯示產品穩定皮膚效果不錯。 十分推薦此產品，保濕及穩定皮膚狀態功能表現卓越。 圖：以早晚各搽一次全能奇蹟紓敏保濕霜為一天計算，試用產品第6天後早上洗面後未搽任何護膚品之皮膚狀態。