TAKAMI 用家評價

我最近超愛用【毛孔救星】Takami小藍瓶精華，因為它真係屬於「溫和角質調理」但又好唔刺激嘅類型，對我呢種會成日長閉口、鼻翼毛孔又易顯嘅肌膚特別有感✨ 我第一次用就覺得佢吸收好快：水水狀、完全唔黏膩，上面皮膚冇負擔。平時洗完臉我會直接上佢（其實唔使再用化妝水打底），按壓一陣就吸收晒。用完之後我會覺得皮膚軟軟滑滑，摸落去好細緻，最重要係——肌膚開始有「透明感」嘅感覺💧🌿 堅持咗一段時間，我發現鼻翼嗰啲毛孔同小閉口的確有減少，粉底液都會更易推、更貼、更服帖。整體膚感就好似「皮膚飲咗水」咁，清爽又透氣；唔會再覺得暗沉或者粗糙頂住塊面😌✨ 如果你都想搵到一款幫你提升透明感、又唔想太刺激嘅護膚品，我真心推薦你試下呀！🩵

日本小眾牌子，lane Crawford 同Cosme尖沙咀旗艦店先見到有得賣行貨。Takami調理肌膚底平衡水油嘅toner，令到皮膚唔會咁容易出油暗瘡。但佢係唔會令到你啲毛孔收細，即係肉眼上唔會有明顯分別。 比較神仙水，冇一大浸發酵味，容易令人接受。我都係手上面再拍上面，唔會有刺激，相對神仙水更加溫和，而用完之後就算依排天氣忽冷忽熱，皮膚都唔會特別甩皮或者出粒粒。佢係水劑嘅精華水，用完會清爽，冇油份。不過佢係滴管狀比較細支，我一次要用兩吱份量，一個月就用晒一支，計返同神仙水價錢差唔多。

#火熱新品 我本身係乾性敏感肌，一到轉季，又或者壓力大，肌膚就會特別容易出現過敏、乾燥、紅痕同敏感嘅情況，真係好麻煩。 喺一次偶然嘅機會下，我睇到日本美妝blogger有介紹TAKAMI呢隻角質護養精華，話係任何膚質都能用的拋光磨皮精華，咁啱去開日本旅行嘅時候就買咗。 因為佢嘅成份天然，有7種天然果萃活性酶，可以促進角質層新陳代謝，使角質強韌，養好角質層，而唔係猛酸暴力剝脫角質。 液體質地，透明而流動性強，好似水一樣。每日早晚使用，喺搽爽膚水之前一步用，平時我就當咗佢係肌底液。 佢嘅滴管上面有一個刻度，每次都擠壓字嗰個刻度嘅份量就夠，好方便使用。 用咗半年之後，膚質肉眼可見地面好，而且亦都冇再出現敏感嘅情況，有效維持肌膚狀態穩定。

喺日本藥妝店嗰度購買嘅大名鼎鼎takami小藍瓶，幫助維持健康角質同皮膚代謝，用咗之後覺得皮膚「透明感」增加，鼻同下巴少咗出油同埋粉刺，而且敏感皮膚都唔會泛紅可以放心，精華嘅質地如圖2般清水流動質地，每次份量為滴管嘅白色線位置，滴落手心按開，然後用手按壓上面，等待3分鐘後再用照嘅護膚步驟用，已經用咗大概大半年，感覺皮膚透明度增加，會回購產品 #透明感 #調理角質

去日本旅行見網上面嘅人都對呢支精華好多好評，所以就買咗支返嚟試吓。 官網教係用咗佢之後先再搽其他護膚品，都係啱，因為如當佢係化妝水，佢會唔夠保濕。 呢支精華買點係可以整理角質層，生少啲暗瘡，我覺得係做到生少咗暗瘡。 整體嚟講佢係唔錯，但應該唔會再買第二支🙈🙈

Takami小藍瓶成份天然，含有七種果萃活性酶，主打可以促進角質層新陳代謝，幫助角質層變得更強韌，而唔係用猛酸去剝脫角質，所以敏感皮膚都適合。 我每次洗完面之後，第一步就用小藍瓶倒啲喺手上，然後輕輕拍上面。佢質地爽膚水，完全唔油膩，皮膚吸收得好快。除咗酸嘅護膚品之外，之後用其他護膚品都冇問題。 網上見到好多kol 話佢可以平衡油脂、去角質同埋收毛孔。我用到而家，覺得收毛孔的效果唔係太明顯，可能因為我本身唔太容易出暗瘡又唔太多油，未有特別感覺。 如果有時額頭出暗粒，我會再試吓用小藍瓶，試下有冇幫助。依款精華對暗瘡皮膚或者油性皮膚作用可能會大啲💕

我的皮膚角質層偏厚，中學到以加都好易出現閉口。但其實閉口比暗瘡可能仲麻煩，因為閉口唔識謝。 除左暗瘡膏之外，一直都會揾一啲改善閉口既產品，從皮膚問題基礎做改善。而家用緊呢支去角質嘅產品係takami 角質養膚精華，簡稱小藍瓶。 小藍瓶精華係容易吸收嘅水狀，一啲都唔油膩，吸收得好快。之後再疊加護膚品都唔會太厚重，用起嚟好舒服。 小藍瓶真係做到平滑皮膚，幫助皮膚角質新層代謝，修復肌底。以前差唔多每日落妝之後，都會出現黑頭暗粒，依個情況係化妝品焗左全日，但用左小藍瓶之後化妝後出粒粒既情況係小左。依個係小藍瓶最適合我嘅原因。我用完試用都買左正貨裝！ 小藍瓶係幫到皮膚無咁易發炎，相信keep住用會維持皮膚穩定。我認為小藍瓶適合油性肌膚，暗瘡肌膚，閉口嘅人士，可以慢性調理到皮膚。 #我的崇光感謝祭必買去角質

喺日本度買咗呢支精華，一返到香港立即開嚟試用，非常適合而家香港轉季秋冬天氣，維他命C+E用咗幾日皮膚睇落明亮咗，而且無添加酒精，對於敏感皮膚友好，會考慮回購的

Takami呢款精華係網上見到好多廣告話可以平衡油脂去角質收毛孔，用左成枝感覺收毛孔就唔太有效。不過佢質地唔油，係水狀所以皮膚好易吸收。平衡油脂的話係可以的，但呢個價錢唔算平，我覺得可以有更好嘅選擇…

呢支化妝水係喺日本買嘅 之前上網咁啱見到小藍瓶幾出名就諗住買嚟試下,冇諗過咁好用！ 佢可以幫我調節水油平衡,面部出油同粉刺都冇咁多 呢啲已經係我用嘅第四支😌之後去日本都會掃

小藍瓶質地好似水咁，唔會刺激皮膚，連眼部肌膚都可以搽！用左一段時間，發現真係令我嘅肌膚變得穩定，爆少了痘痘，眼部暗沉嘅皮膚都好似改善了一點，會繼續回購～ #火熱新品

呢支質地好清爽！一開始覺得冇咩特別，後尾發現加入每日嘅護膚Routine之後 暗粒出少咗 但係冇用又暗粒多番啲 不過性價比唔算好高 有budget可以試吓 

一直都唔知道呢個牌子，直至follow 嘅美妝youtuber出席佢哋嘅活動先知，原來係皮膚科醫生研發嘅產品，一反以往去角質觀念，而係重點調整角質層，令角質層回復健康，從而減低皮膚問題，特別係暗粒粉刺，我係混合偏油又易爆痘同過敏肌膚，一見可以去暗粒，就買咗支試一試，跟住一試就愛上 小藍瓶要係洗面同爽膚水之間用，一次用半泵（其實要用一泵，不過驚過敏所以擅自減量），先滴係手心，雙手捂暖，然後輕輕均勻拍上臉，最後再用手敷一敷幫助吸收，等3分鐘之後至繼續平時保養程序，用咗一星期皮膚平滑咗勁多，無間斷用咗一個月，暗粒同粉刺明顯少咗9成以上，最令我surprise嘅係連鼻哥上嘅毛孔有少少縮細咗 由於一支要成300幾都唔平，我曾經搵網店購買，一支200都唔駛，但係發現標籤同細妹係日本買嘅唔同，線條粗好多，後來查資料原來小藍瓶有假貨，所以我唔敢用係網店買嗰支小藍瓶，各位千祈唔好貪平

之前拎咗個sample 試,我本身黑頭粉刺比較多，想搵到適合自己嘅消除粉刺化妝水或者精華。依家終於搵到啦。用完之後嘅護膚品都吸收左好多。👍🏻下次會買

🌟淡黃色的精華，也是偏水狀，塗上臉上會有滋潤水感 🌟5種維他命C加E，標榜滲透力高 🌟用完同品牌小藍瓶後作增強效果及修護用，改善毛孔及暗沉 （淺層體驗用後感舒適易吸收無刺激，光澤感有微微提升，性價比也不俗，自己如購入小藍瓶也會考慮購入這瓶一併使用，反正提亮修護對個人來說是長期需要的～）