bibubibu好用推薦：見到我將呢一個粉餅用到見到晒鐵片就知道佢有幾好用 integrate係我每次去台灣或者日本旅行都一定會回購嘅品牌 佢嘅產品多數都會有心型嘅設計元素 非常可愛 而呢一個粉餅我會用佢嚟定妝同埋補妝 喺日頭化完妝之後，我會拎一個大嘅碎粉掃大範圍上喺面上面 佢會有少少提亮嘅效果 控油持妝能力唔錯 夏天出油之後都唔會溶唔會變成一達達 佢雖然有少少閃粉 但係唔明顯 整體都係啞光效果 而補妝嘅時候我就會用佢附送嘅粉撲 呢盒粉餅非常之小巧 放喺手袋一啲都唔佔空間 所以我已經回購兩三個

mysecretgarden好用推薦：我本身皮膚算係偏乾，但夏天的時候有時會覺得粉底液太過厚重，同埋夏天天氣悶熱每日都用粉底液嘅話都好容易生暗瘡，所以研究完一輪就買咗呢隻粉餅試吓。呢隻粉餅成份較為簡約，不含致粉刺成份，用得比較安心，而且比起其他粉餅較保濕。一完化完妝個效果都非常好，有少少柔焦效果，而且唔會太乾，無論冬天定夏天用都冇甩皮嘅情況，不過夏天用嘅時候就唔太持久，化妝前保濕可能要做再做好啲。

chasiutung好用推薦：之前去台灣屈臣氏買 當時熱賣款 行左幾間屈臣氏都賣哂 好彩走之前都買到 當時滿心歡喜咁打開 好得意嘅質感 好似布甸咁 按壓上臉冰冰涼涼咁 好水潤 但一點都不持妝 出油出汗會溶妝 氧化暗沉嚴重 剛上臉白白淨 回家暗了一個色號 

Tiffany好用推薦：質感得意的啫喱粉底霜，摸落真係好似啫喱咁有彈性、軟滑，塗上臉仲有d涼感。持妝度就好一般，易溶妝。

Ntra好用推薦：一直都知好多人激推，台灣旅行時見到即入手，平時我搽完防曬，懶得搽粉底液直接用佢拍全面，效果真係令人好驚訝，雖然佢係粉餅，但一d都唔厚，好輕薄，有少少遮瑕度，超貼服，平時趕返工用佢基本上好快出到門口，懶人必備

bearbear246好用推薦：色號OC10 妝效持久自然 同時粉質幼細有效修飾毛孔 控油效果一般 要配合控油底霜使用 性價比高既一款產品 附上粉卜 粉卜質素唔錯 唔洗特別使用技巧都可以快速上妝 所以應該會繼續回購 唯一美中不足係粉盒入面既設計 粉卜同粉餅只係附上一片透明膠片作為分隔 如果粉盒有設計多一層會更衛生