LANEIGE

膠原彈滑睡眠面膜

冬季護膚❄️ 面膜質地較厚，透明稠身gel狀加入咗少少粒粒喺裏面，我混合性皮膚只會作普通面膜敷10分鐘，冇試過敷過夜。熱天敷咗兩次都會起暗粒，太潤喇。但而家冬天好乾燥、濕度好低嘅時候就啱啱好，滋潤感十足。敷完之後，用水輕輕會乾淨冇殘留，敷完之後化妝係幾貼，而且味道都幾香。 我敷完之後塊面係幾飽滿，又有滑溜感。最鍾意搽上面之後用手慢慢按摩，依種質地按摩面部係啱啱好，可以乾性皮膚，或者冬天都可以買嚟用。

Laneige 胶原彈滑睡眠面膜（粉色）使用心得 冬日懶人救星！瞓覺都喺度修護！ 廣東嘅冬季濕度時高時低，搞到皮膚又乾又暗啞。呢支Laneige粉色睡眠面膜真係幫到手，夜晚保養一步搞掂，第二朝起身成塊面都亮澤咗！ 保濕鎖水一流： · 質地好似粉紅色啫喱，搽上臉好快吸收，唔會黐立立。 · 冬天開住暖氣瞓覺都唔怕抽乾水分，成晚保持水潤感，朝早洗面時仲摸到滑溜感。 修護彈潤有感： · 用咗大約兩星期，覺得臉部皮膚冇咁鬆垮，尤其係法令紋同眼角位，睇落飽滿咗少少。 · 如果冬天凍到塊面繃緊或者輕微泛紅，敷完呢層過夜，鎮靜效果唔錯，皮膚好似「飲飽水」咁穩定返。 使用心得： · 冬季護膚最緊要方便，呢支喺晚霜之後薄薄塗一層就夠，唔使洗，懶人恩物！ · 建議冬天每星期用3-4晚，配合按摩手法向上推，提升效果更明顯。 整體評價： 作為冬季護膚程序最後一步，保濕同修護功能都交到功課，尤其係乾燥同疲累肌，用完皮膚狀態會穩定好多。不過油性肌可能要用少啲量，避免太潤。 #冬季#冬季護膚#護膚#修護面膜#韓系護膚產品

依家天氣咁凍，真係無勇氣敷紙面膜，但皮膚好乾要敷面膜補濕，呢款睡眠面膜係冬日頀膚其中一個好選擇，佢質地係啫喱加少少沙冰咁，搽上面就算搽厚D都無焗住感覺，好快吸收唔笠，所以等一陣就可以瞓覺唔怕痴頭髮，敷完皮膚感覺水潤有彈性。

Laneige呢隻胶原彈力睡眠面膜，質地真係幾得意㗎！一打開見到佢嘅膏體係半透明啫喱狀，入面仲有啲白色細細粒嘅顆粒，望落去好似好有“料”咁。 一開始我仲以為會好黏，點知一搽上臉，輕輕按摩兩下，啲白色顆粒就好快化開咗，跟住消失唔見咗，好似俾皮膚食咗落去一樣～ 吸收速度真係要讚！我本身好怕瞓覺黐立立，但呢隻面膜按摩完一兩分鐘就已經吸得八八九九，摸落去乾爽，完全唔會癡頭髮或者黐枕頭，呢點對我呢啲夏天易出油嘅皮膚嚟講真係好緊要！ 講到效果，如果當係基礎保濕睡眠面膜用，絕對合格有餘，第二朝起身塊面都幾水潤，上妝都貼服啲。不過至於彈力同緊緻呢……老實講，我暫時都未點見到有明顯提升效果，可能要靠長期堅持先睇到分別？ 總括嚟講，如果你係想搵支吸收快、唔黏膩、純粹想補濕嘅過夜面膜，Laneige呢支可以一試。但係如果想靠佢黎KEEP住V面彈力，就可能要配合其他產品先得啦～

Laneige Bouncy and Firm Sleeping Mask 膠原彈滑睡眠面膜 $280/ 60ml 功效: 保濕+提亮+緊緻+彈性+低敏溫和配方 膠原彈滑睡眠面膜是我用過最喜歡的睡眠面膜。 膠原彈滑睡眠面膜質地柔滑輕盈如雪芭啫喱， 特別喜歡她潤而不笠，很好推及好吸收， 不會塗抹上面很久還是很濕很笠， 這樣優秀的質地即使在夏季也可使用， 而油性肌亦能無負擔地使用睡眠面膜。 成分採用温和低敏配方，蘊含不少對肌膚有益的成分， 如：保濕、抗衰老及鎮靜舒適等成分， 即使是敏感肌也可安心使用。 因此，膠原彈滑睡眠面膜可說是適合所有膚質使用， 是一款可以推介給所有人使用的優質睡眠面膜， 而且方便易用，只需敷過夜，第二朝照常潔面便可。 使用後第二朝，肌膚更保濕彈潤、柔滑及富光澤透明感。 含保濕成分: 丁二醇, 甘油, 矽靈, 角鯊烷, 氫化卵磷脂, 硬脂酸, 木蜜醇, 乙基己基甘油, 尿囊素, 辛乙二醇, 膽固醇, 水解膠原蛋白, 玻尿酸鈉, 水解透明質酸, 透明質酸鈉交聯聚合物, 玻尿酸 及 乙基玻尿酸鈉 抗衰老成分: 甘油, 角鯊烷, 膽固醇, 孔雀石萃取,