LANEIGE

薰衣草睡眠面膜

Laneige薰衣草睡眠面膜絕對係我今個冬天嘅「熬夜救星」同「乾燥剋星」！本身已經好鍾意佢哋經典嘅睡眠面膜，今次出嘅薰衣草版本，無論係功效定係療癒感都更上一層樓，成為我冬季護膚routine入面，最期待嘅夜間修護步驟。 保濕同修復效果，係冬天嘅滿分答案： · 質地係淡紫色嘅凝霜狀，一推開就化成水感，好快吸收，唔會黐笠枕頭。最正係陣陣天然薰衣草香，唔係香精味，聞到已經覺得好放鬆，好有助入睡。 · 冬季室內長開暖氣，皮膚真係會「抽乾水」。我用咗呢隻面膜，第二朝起身嘅膚質真係有驚喜！皮膚係飽滿、有光澤嘅，摸上去好柔軟，完全冇平時咁繃緊。佢嘅保濕力係可以「瞓覺充電」嘅感覺。 · 至於修復方面，如果我呢幾日覺得塊面有少少敏感，或者凍親塊面紅卜卜，敷完佢之後嘅鎮靜效果好明顯。我覺得佢唔單止係補水，更係幫皮膚強化屏障，對抗冬天嘅惡劣環境。 冬季護膚心得： · 我會喺爽膚水、精華之後，當作最後一步，厚敷一層（大約一個銀幣份量）就瞓覺。唔使冲洗，超級方便懶人。 · 如果皮膚真係極度乾燥，我會先薄薄搽一層保濕精華，再敷上面膜，咁樣鎖水同修復效果會加倍！ · 一星期用2-3次就已經好足夠，唔需要晚晚用

佢就係你護膚routine裏面嘅「懶人救星」同「睡眠儀式感擔當」！ 第一感覺：顏值爆燈！ · 個樣： 樽身係好靚嘅夢幻薰衣草紫色，睇見已經覺得好療癒，擺喺梳妝枱都開心！ · 香味： 一打開就係陣陣清香嘅薰衣草味，唔會俗氣。聞到即刻覺得成個人放鬆晒，好似同自己講：「喂，係時候瞓覺啦！」 質地同感受：好似搽緊雲朵咁！ · 質地： 係水藍色嘅啫喱狀，好輕盈。挖一啲出嚟，一搽上臉就化開，好似將一朵「補水雲朵」敷上塊面咁，涼浸浸，超舒服！ · 使用感： 唔會黐立立！ 呢點好重要，唔會好似成塊膠水黐住個枕頭。佢好快就形成一層薄薄嘅保濕膜，等你安枕無憂。 · 「宿醉救星」： 即使你夜瞓或者捱夜，第二朝起身照鏡，都會發現塊面冇咗啲「攰樣」，依然保持水潤光澤，摸落去滑捋捋！ · 上妝神器： 化妝前睇一睇，個底妝會特別貼服，完全唔會「打擦膠碎」！ · 用法多變： 你可以跟足說明，薄敷過夜。如果想效果再勁啲，可以厚敷15-20分鐘當急救面膜，然後洗掉，效果一樣正！ 總括嚟講，Laneige呢支薰衣草睡眠面膜，就係一個 「識得變魔法嘅瞓覺伴侶」 ！佢幫你慳時間之餘，又俾到滿滿嘅儀式感同療癒效

滋潤度都幾高 最好都係開冷氣或者好乾燥先用 因為存在感都幾高 夏天用少少笠

好多年前好興呢啲睡眠面膜 所以我都跟風 不過唔適合我自己 因為接受唔到揩到個枕頭頭周圍都係 同埋可能太過滋潤 皮膚都會起粒粒

用開藍色，路過見到有薰衣草味… 又入手試下😌 上面感覺甚至功效都同藍色無太分別， 只係多左陣薰衣草味 一開頭聞都覺得舒服 但過一陣，覺得有d人工味重.. 都係買番藍色啦🫶🏻

比較品牌最經典既藍色 sleeping mask，個人更喜歡這個😴薰衣草睡眠面膜。個人本已轉向主攻抗衰老類型的面膜，但是Laneige 近年進入美國美妝市場，機緣巧合下，在 Sephora 購物時得了到小罐薰衣草試用品，一試愛上❣ 產品係乳白色，凝膠狀，推開超容易，薄薄塗一層，皮膚就已經吸收了👍早

已經用完一罐，保濕效果好好，味道好好聞，特別係冬天用佢皮膚會變得好soft，滋潤度好夠，價錢實惠

帶有薰衣草味的Gel Cream，有點厚度，塗太多會起屑屑。保濕感還可以啦。

都係啫喱狀質地既面膜，易推，雖然係薰衣草，但未見舒緩效果，敷過夜更加唔得，刺激皮膚生粉刺暗粒，唔建議敏感肌用。

用起嚟嘅感覺就係藍色個款嘅睡眠面膜再加上lavender 味，質感同功效都差唔多。

Laneige既皇牌，但我身上效果係反而敏感咗，唔知係因為香料問題？初初使用幾舒服，但吸收緊途中有痴笠既情況，會比較痴塵？無論邊個版本我都有敏感出現，大家可先用試用先考慮購入

很喜歡這款限量版的薰衣草香味sleeping mask，除了有普通版藍色瓶的sleeping pack 的保濕功效，它這薰衣草香氣可令你於睡前放鬆，大大提高睡眠質素。

元祖藍罐之後誕生的薰衣草味 用途及功效以至質地個人認為一樣，而且都唔笠  差別在於味道變為薰衣草 眾所皆知其香氣可以舒緩情緒和鎮定 其實就是多了一個選擇，給予壓力大又愛美的都會女生們一個於護膚時享受片刻的差別吧

護膚最後一個step 用佢可以補充水份同時鎖緊水份，第二日起身上妝會更加貼服。

Lavender sleeping mask 氣味比較突出，可能唔係個個接受，但係我就都ok 有啲懶得敷paper mask 就會訓覺前15分鐘搽定sleeping mask ，第二日起身肌膚就會補充返水份💦

薰衣草味唔會太濃，晚上使用可以俾人一種安心嘅感覺，有助睡眠，而且容易吸收，可以為皮膚補充水份

不喜歡他的味道，作為睡眠面膜滋潤度不太足夠，很快就被皮膚吸收

個人覺得同普通版藍色個隻功效差唔多，但加左薰衣草嘅味道，有助放鬆同改善睡眠質素，對我黎講冇太大作用，因為我本身比較難入睡，不過佢嘅香味我接受到，訓覺時聞住都唔錯！

夜晚用，修護疲憊肌膚同唔夠水份，經過一晚封存水份唔流失，同時又有淨化成分，持續深入肌底，溫和配方防止敏感泛紅肌膚！保水一流！

薰衣草味道都幾重，好香，搽完第二朝基本上已經吸收唒，配合面部按摩更好