找產品
面膜護理 推薦好用產品
307 件
Milo101好用推薦： 終於用完一包七片的Quality 1st面膜！ 面膜紙都有啲厚度，唔算超薄果種，吸附滿滿的精華液。 用完第一次會有啲油油的感覺，必須要洗臉，會即時見到亮白左。之後幾片用的時候就不會油，多了點水潤感，持續用會覺得毛孔有少少改善。成份方面是有4種維他命C，聲稱是高濃度，有收毛孔功效的。 另外真係好多精華液，所以存放時要儘量企放，不然平放如果個袋口按唔實，精華液就就會多到溢出來。 呢個價錢黎講效果算唔錯，平價面膜性價比高，下次會想試埋同系列的其他款面膜呢～
<看全文>Desse好用推薦：夏天一到..梗係每晚都會開住冷氣訓. 其實長期開住冷氣. 好容易會抽乾咗皮膚表明嘅水份😶🌫️ 最簡單直接嘅方法..當然就係訓前敷面膜！ 我最近去日本.. 買咗好多唔同嘅面膜翻嚟用. 暫時大愛Quality first喱個系列❤️ 介紹我買咗系列先～ ⭐️藍色款 修護乾燥肌 富含神經醯胺的「SUPER CERAMIDE 100」 ⭐️綠色款 溫和鎮靜肌膚 含有高純度茶樹精華的「SUPER TEATREE 100」 ⭐️ 粉紅色款 逆齡抗衰老 含有高濃度NMN + Niacinamide煙酰胺 ⭐️銀色款 集中美白 含有Super VC100 White 每一款面膜嘅面膜紙都非常透薄而且貼膚💪🏻 Hold得住精華亦唔會水滴滴😍 重點來了！ 面膜只需要敷3 分 鐘！ 3分鐘！ 就已經感覺好吸收！⭐️⭐️⭐️ 懶人嚟講絕對會大愛❤️ 臨訓敷一敷.. 敷完用紙巾印走多餘精華就可以直接訓💓 第二朝一臉水潤咁訓醒🤩 日本價位大約係700yen 一包. 我印象@cosme store大約賣緊3-40蚊一包.. 有興趣可以去試下❤️❤️❤️
<看全文>
YYeman好用推薦：innisfree 綠茶面膜 一款合格嘅「基礎保濕急救兵」。唔好期望有咩神奇功效，但係當你塊面「口乾舌燥」，想即刻補濕水，佢係一個平、靚、正嘅選擇。對於學生黨或者護膚新手來講，性價比幾高。 1. 質地同氣味： · 精華液： 分量算多，但唔會多到滴到成地都係。質地係清爽嘅水狀，完全唔黏膩。 · 氣味： 係好清新嘅綠茶味，唔係好假嗰種香精味，聞落幾舒服放鬆。 · 面膜紙： 係佢嘅扣分位！面膜紙偏薄，唔係好貼面，尤其係鼻翼同嘴角位，好容易翹起，敷嘅時候唔係太好郁動。 2. 使用感受同效果： · 補濕力： 呢樣係佢最主要嘅功能。敷完之後，塊面即刻會覺得水潤咗，摸落去滑溜咗。尤其係洗完面覺得繃緊嘅時候敷一片，好快可以舒緩到。 · 舒緩效果： 有少少嘅鎮靜作用，如果塊面有少少燶燶哋，敷完會覺得冇咁唔舒服。 · 吸收度： 因為精華好清爽，所以吸收得好快，敷完拍多兩下就已經入咗皮膚，唔使點清洗，之後直接搽乳液/面霜就得，好方便。 3. 優點缺點大總結： 👍 優點： · 價錢親民，點用都唔肉赤。 · 精華清爽，油皮同混合肌都用得，唔怕悶痘。 · 即時補濕效果明顯，適合用來急救。 · 氣味清
<看全文>Kmggigi好用推薦：innisfree 天然能量綠茶面膜係一款保濕、溫和舒緩嘅面膜，適合各種膚質，特別係敏感肌同醫美後使用！ 面膜內嘅精華非常豐富，足夠用嚟搽埋頸，完全唔會浪費！ 敷完面膜後，精華依然充足，可以輕輕按摩至吸收，帶來全方位嘅滋潤效果 精華質地水潤輕盈，用後肌膚即時感到保濕滋潤， 但同時完全唔會過分黏笠，令肌膚保持輕透舒適， 尤其適合炎熱天氣或者醫美後使用。 面膜紙嘅厚薄設計唔錯，敷喺面上服貼度非常高，連鼻翼等位置都可以覆蓋到 敷面膜時會感到少少涼意，特別適合喺醫美後使用，帶來舒緩同鎮定效果 雖然面膜有少少氣味，但係完全喺可接受範圍內
<看全文>
Candy Ng好用推薦：最喜歡用蜂蜜面膜就在自己係屋企，多手整黑頭、粉刺、暗瘡之後，臉仔開始泛紅及傷口，就用它。 大家會覺得那些對臉仔刺激之後的情況，會減少左。尤其係，如果正到有傷口及爆瘡，修復能力係會比起用其他成份的面膜，或者咩都吾用，來得快癒合的😊 我近日爆瘡，就隔日敷左它2次，我係見到瘡瘡位開始凋謝了💗😍 ⭐️好喜歡用完它之後，再用 AVÈNE 再生修護精華 + 極速舒敏修護霜，明顯著見到降紅能力顯著 
<看全文>FishYu好用推薦：一撕開包裝就俾天然蜂蜜香氣包圍🍯冇廉價甜膩味而係清新花香，好似做緊SPA咁~ 精華份量非常充足，乾冷冬天敷20分鐘面膜紙依然濕潤，可以順便用黎敷頸，再搾d精華液出黎搽下手，全身都充份補水😂 面膜紙既質地柔軟纖細，吸到大量精華同時緊貼肌膚。比起歐美品牌偏大尺寸，呢款面膜更貼合香港女仔既面型，眼角/鼻翼死角位都覆蓋到。 敷完有摸得到既水潤感，亦肉眼可見地變得白滑。戶外活動後皮膚繃緊、鼻翼甩皮、又曬到紅腫發熱，訓覺前緊急敷一片，第二朝起身皮膚依然軟嫩💧唯一不足既係敷完少少黏笠，後續上妝需要輕輕清潔下先。 特價既時候買$90 12塊，性格比超高。同系列既金盞花面膜都好適合敏感泛紅個陣用。
<看全文>
mandy好用推薦：CANVAS ROSE OTTO Multi-intensive HydraEssence Mask 玫瑰高效保濕精華面膜 $425/ 5pcs (after deducting $200 coupon from CANVAS+ $50 coupon from Sogo, paid $175 finally) 玫瑰高效保濕精華面膜是我挺喜歡的急救面膜， 但礙於貴婦價格實在不易入手，只能在特價時才入手。 玫瑰高效保濕精華面膜蘊含眾多護膚成分， 包括: 保濕/抗氧化/美白等成分。 功效: 保濕+提亮+緊緻 面膜厚薄適中，不易撕破，尺寸比我面型大少少。 注: BA建議敷面膜的時間可以延長至20-30分鐘， 因為面膜去到30分鐘都未變乾。 敷面膜時有面部正在收緊的感覺。 玫瑰高效保濕精華面膜精華量充足，保濕力非常好， 帶迷人玫瑰香味，令人心情很放鬆。 使用後肌膚水嫩動人，面部散發出美麗的自然光澤， 並能即時趕走暗啞倦容。 肌膚很乾燥暗啞時，一定要敷玫瑰高效保濕精華 面膜，馬上急救肌膚。此外，如果是重要日子前， 可以連敷面膜2-3天，加強急救效果。 含保濕成分: 甘油, 甜菜鹼
<看全文>維他他好用推薦：Canvas呢塊玫瑰高效保濕面膜真係名副其實，撕開包裝，已經有好香嘅玫瑰味道，聞到好舒服。面膜size足夠大，可以cover成塊面，面膜有好多精華，佢啲精華已經滲透咗喺塊面膜入面，拎出嚟唔會滴水，敷上面之後，覺得好Rich嘅感覺，剪裁方面，佢嘅眼耳口鼻位置都好貼合，尺寸適合，敷完15分鐘之後，拎走塊面膜，覺得好多精華留喺塊面度，係黐立立嘅，佢唔會乾得好快，證明佢真係好多精華，係好用嘅，當然價錢方面亦都會貴返少少，大家不妨試吓
<看全文>
Yuki好用推薦：見網上介紹係全能面膜就入手左 買左已經一段時間 只係用左大概一半最後放到面膜都乾乾地 閒置主因係陣味唔好聞 係好濃烈嘅樟腦味 一路敷住聞到好頭痛 就算過完水陣味都會殘留面膜質地好厚係泥狀嘅mask 有杏仁研磨顆粒可以去角質要俾d時間慢慢推開敷到一定厚度 太薄會好易乾哂 敷左唔夠10分鐘已經乾到裂所以自己每次最多只會敷10分鐘 另外面膜比較難清洗 係清洗過程好易拉扯到皮膚 自己用完覺得有白淨左 但皮膚同時覺得乾左 感覺似做左次深層清潔 可能面膜比較適合油肌用 對於乾肌泥講用落冇咩功效 之後應該唔會再回購喇
<看全文>Emily Leung好用推薦：Eve Lom急救面膜！真係越用越愛！ 第一次用，乾到阿媽都唔認得，真係想即刻掉咗佢。 抱住『比多次機會』嘅心態再試下，點知就中咗毒咁，越用越上癮！ 用法係敷大概10分鐘，然後用支噴霧噴濕塊面，用手指慢慢捽圈按摩， 真係爽到震！！！ 入面嗰啲微粒一啲都唔拮面，我敏感肌都覺得舒服到不得了！ 陣味有啲似中藥材味🌿，聞落幾安心，好療癒㗎。 按摩分半鐘左右，跟住用暖水洗乾淨。塊面會覺得『緊緊地』，光澤即刻返晒嚟！ 作為清潔面膜，係有啲貴，但個體驗真係冇得頂👍。 洗完之後，白頭會走晒出嚟，不過黑頭就唔太得。 仲有啊，每次打開都會見到面頭有一浸水！千祈唔好倒咗佢，要用支小勺子攪勻返先好搽上塊面㗎！」
<看全文>
莓莓好用推薦：🌿 Kiehl's亞瑪遜白泥毛孔深層清潔面膜 🌿毛孔吸塵機・黑頭剋星 講到深層清潔，十個有九個都會諗起Kiehl's呢支 #白泥大神！幾乎個個護膚達人嘅浴室都有一樽，今次就同大家做個真實測評，講清佢嘅質地、效果，仲有唔少人會忽略嘅優點同缺點！ 🌸質地與香味： 質地係好幼滑嘅灰白色泥狀，好似好濃稠嘅希臘乳酪，好容易推勻。佢嘅香味好天然樸素，冇加咩人工香精，就係一陣好淡好淡嘅泥土礦物味，聞落好安心，唔會攻鼻。 🌟 清潔效果實測： • #黑頭白頭大掃除 ：敷大概8分鐘，等到佢乾咗七八成，用溫水打圈按摩沖洗，特別係鼻翼同下巴位，真係會見到啲黑頭粉刺浮咗上嚟，用棉花棒輕輕一刮就清走好多！ • #油光拜拜 ：用完之後個鼻同額頭嘅油光真係即刻收斂咗，成塊面感覺好乾淨清爽，毛孔好似識得呼吸咁！ • #毛孔視覺縮細 ：因為毛孔入面嘅污糟嘢被清理走，所以睇落去毛孔冇咁顯眼，皮膚即刻光滑咗。 💡 優點缺點逐個數： ✅ 優點： ▸ 清潔力強：對付黑頭白頭真有一手，係「功效型」產品。 ▸ 成分天然：主打亞瑪遜白泥，溫和唔刺激，大部分肌膚都適用。 ▸ 一樽用好久：用量好省，每星期用一两次，一樽可以用
<看全文>Kitty 好用推薦：呢隻泥膜去黑頭同深層清潔好有效，想同大家分享下用後感先～ ✨質地同味道： 灰白色膏狀質地，推開唔算好厚重，有少少涼涼哋嘅感覺。聞落有陣淡淡嘅泥土味，唔會好濃，感覺幾天然。 ✨使用過程： 我通常洗完面之後，薄薄敷一層喺T字位同鼻翼兩側（呢兩個位我最多黑頭同毛孔問題）。等大概10-15分鐘，見到面膜乾咗，有少少緊繃感，就用溫水打圈按摩沖洗。呢個時候會感覺到有細細粒嘅顆粒，輕輕磨砂咁幫手去走啲死皮同污糟嘢！ ✨用後效果： 沖完水之後真係覺得塊面乾淨咗好多！最明顯係鼻頭嘅黑頭同白頭浮咗出嚟，可以用粉刺針輕輕刮走，感覺好治癒～毛孔望落去冇咁明顯，而且皮膚摸落去滑溜咗，冇咁粗糙。仲有呀，敷完之後塊面有種清爽感，唔會繃到扯住咁，後續護膚品都吸收得快啲！ ✨個人心得： 我覺得呢支面膜幾適合混合性同油性肌膚，尤其是夏天出油多嘅時候用，控油效果唔錯。乾肌就可能要留意唔好敷太耐，同埋之後要做好保濕。我通常一星期用1-2次，每次用完都覺得皮膚呼吸返咁～ 總括來講，Kiehl's呢隻白泥面膜確實係幾出色嘅深層清潔產品，值得推薦俾各位姊妹！😊
<看全文>
Kelvin好用推薦：BR面膜有好多款 ，依款係Bicelle高滲透納米保濕面膜 深層滋潤型。BR既新產品。敷既時侯 ，佢大致上cutting男仔都好適合，好貼服，鼻位就細咗少少。即使走嚟走去都無問題。精華分量岩岩好，唔會太重香料味。敷完皮膚彈彈的，feel到補水。清潔多餘既精華都好容易，唔會太有粘稠感。 第二天都唔需要上妝前再敷面膜直接搽返基本護膚產品就OK啦。 急救面膜來講性價比高，淨補水滋潤，冬天好岩，就算聖誕通頂用個妝都keep得好靚。 #火熱新品
<看全文>A&R好用推薦：日本製保濕面膜，價錢平靚正，性價比高，水潤面膜，保濕度都幾高，隔日用都冇問題 面膜紙不算太厚太會太薄，剪裁ok，眼睛位置有保留可以重疊在眼袋上，好貼面，眼睛位置夠大，唔會入眼，奶白色保濕液充足 冇乜香味，敷完塊面都唔會敏感。
<看全文>
Kit wong好用推薦：喺屈臣氏買，最初見到個包裝好靚（顏色搶眼）就俾佢吸引左目光，之後都search過評價好似OK，所以就買一盒試下。一盒5塊要百五咁上下，平均一塊30蚊到，係有少少貴🥲所以唔會日日用！但只要用一塊，都的確有即時見效嘅感覺，好似前排轉季兩邊面出暗粒，下巴又有泛紅，敷左mask之後真係有緩和到，而且暗痘都無再出現！幾有效！有幾次覺得乾/有出瘡瘡/有泛紅，都會用佢，用完之後唔可以話完全好返晒，但有感覺係慢慢好返，好似幫皮膚調理返咁👍🏻 我覺得雖然一盒唔算平，但屋企常備一盒，久唔久拎嚟急救其實都OK ☺️題外話 第一次用嘅時候，差啲唔識開，以為要用較剪剪咁麻煩😂 原來佢有個超隱藏嘅開口😂😂 我覺得可以整得明顯啲囉……分享面膜實際個樣，某啲部位有兩層，主打嗰幾個位「密集修護」，有兩層嘅嗰幾個位包括鼻同雙頰，有感覺到貼啲、包得好啲，所以會有精華吸收得更好嘅感覺，但以效果而言係咪特別有用，就無好大感覺（似gimmick 多啲LOL😂) 但重申一次，其實成塊都好用，只係無佢講嘅針對壓力位有特別效果，急救都始終係一流的！
<看全文>Beautygirl好用推薦：今次好開心有機會試用aio新推出嘅面膜。period前皮膚會變得唔穩定，同埋翻工長期處於冷氣地方，皮膚都偏乾，平時都會膚面膜保濕。呢款aio面膜非常適合穩定皮膚，加強保濕。 呢款4合1面膜嘅設計與別不同，有重點集中修護面部四大壓力區，採用雙層膜布設計，令到皮膚吸收得更好。用完一星期覺得法令紋都有淡左，肌膚更保水！ 用完產品唔會覺得痴立立，做到溫和、低敏及親膚的效果。早排做完醫美pico，塊面特別乾，因為無添加色素，無添加香料及無添加尼泊金脂類防腐劑，做完療程用都唔擔心！用完上妝都貼服好多。
<看全文>
Emily Leung好用推薦：Mediheal藍色面膜試後感： 呢款『N.M.F水庫面膜』係佢哋家嘅皇牌，主打急救補水。 好嘅地方： · 精華多到癡線，敷20分鐘都未乾 · 面膜紙超薄，同塊面貼到冇朋友 · 敷完即刻覺得塊面漲卜卜，摸落去滑溜咗 · 換季面痕敷完會定啲 麻麻哋嘅地方： · 效果唔算好持久，第二朝打回原形 · 有少少『黐立立』，油皮可能唔太鍾意 結論： 適合臨時有約要急救，或者秋冬乾爆嗰陣用。平價之選，但唔好期望有神奇效果。
<看全文>KaKi321好用推薦：Mediheal高效特強保濕導入面膜 10片 主要功效 ✅ 長效補濕、鎖水、養出盈潤、透亮肌膚 ➡️拎出面膜嘅時候，就已經有好多精華液。見到我隻手就知，啲精華係好水，但會感覺有啲痴笠笠。敷面膜之後都會有種痴笠笠嘅感覺，不過係好保濕嘅。 ✅ 維持肌膚油水準衡, 調理角質及改善毛孔問題 ➡️ 我感覺訓覺之後起身塊面都唔會好油。改善毛孔方面，感覺唔太明顯。 ✅ 純棉長纖維面膜貼,貼附力強, 滲透性佳, 柔和的絲質觸感更親膚 ➡️面膜印有Mediheal 嘅字，嘅時候感覺好貼服，feel 到塊面吸收緊啲保濕精華。面膜嘅質地好舒服，好親膚。
<看全文>
橘子貓好用推薦：Facial Masks with Prickly Pear 獨立包裝的Cream Mask，一包剛好是一次的份量。仙人掌是這個系列最熱賣的款式，主要功效是深層滋潤、舒緩鎮靜和補充水份。 打開包裝，面膜霜質地介乎於cream和gel之間，塗上臉有點清涼。可能一包面膜的份量對我來說不太足夠，只敷5分鐘左右膏體就開始變透明，需要過水。 整體來說，補水效果非常明顯，敷完皮膚有變得水潤，但滋潤鎖水效果稍弱，敷後需要疊加其他護膚品才可以將補水效果延長。另外，如果皮膚太乾或敏感時不太推薦敷這款面膜，我試過顴骨過敏時敷，感覺刺激。
<看全文>維他他好用推薦：姐姐送左兩包apivita cream mask俾我 平時用開paper mask, clay mask多 Cream mask真係少用 今次用完之後我諗我會用多啲cream mask喇 保濕能力好好，敷完等左15分鐘佢都仲係好有感，未乾，過完水之後滑左好多，feel到皮膚即時補濕左，原來cream mask都唔錯！ 一包份量都幾多，我分左兩次用 秋冬特別適合用cream mask 仲有一包等天氣涼啲再用！
<看全文>
A&R好用推薦：呢款紫色深層淨化毛孔泥Mask，顏色幾靚。 本身個鼻頭同埋兩頰經常容易出現粉刺，用呢款泥面膜可以清潔黑頭粉刺，以及控制出油的情況。 洗完面之後薄薄地塗一浸喺面部，面膜好容易推開，容易掃得均勻，快乾，敷10分鐘之後已經開始感覺到繃緊，敷約30分鐘已經完全乾晒，用清水洗淨之後，見到毛孔情況有明顯改善，鼻部黑頭粉刺有減少。 注意用嘅時候一定要將頭髮全部梳起，未乾之前好容易揩到，一個星期用一次就足夠，功效唔錯，推薦使用。
<看全文>Nicole 好用推薦：Benefit這款深層淨化毛孔泥膜，整體使用感受相當不錯。作為混合性肌膚的我，T字部位容易出油且毛孔明顯，這款泥膜正好能解決我的困擾。 紫色泥狀質地相當柔滑，延展性很好，約敷30分鐘後，泥膜變乾便可洗淨，能明顯感覺肌膚變得乾淨清爽，鼻頭的黑頭粉刺也浮出來不少，後續用粉刺夾清理變得更容易。 使用幾次後，我發現毛孔看起來沒那麼明顯了，出油狀況也有改善。特別喜歡它不會讓肌膚過度緊繃，這點比許多清潔泥膜來得溫和。不過要提醒的是，這款清潔力較強，建議後續要加強保濕。
<看全文>
Ceccinmydin好用推薦：L'Oréal呢款面膜，用落有驚喜，真心大推！係保濕神器✨ - 面膜紙超薄又貼面，面膜含33g高濃度精華液 ，精華多到可以抹手腳，仲有獨特安瓶注入設計，用嘅時候將精華壓爆注入乾嘅面膜紙，好有新鮮感💯 - 精華液水潤唔笠，敷完唔洗過水 - 保濕效果好，即時補水，敷15分鐘之後皮膚乾紋即時隱形，毛孔睇落細緻咗，推介一星期定期敷2-3次🙌 - 試過忙完一日之後敷，塊面即刻褪晒灰黃感，後續護膚品都吸收得好快👍 我絕對會回購！平價但效果拍得住專櫃，CP值超高😆
<看全文>A&R好用推薦：呢款幾特別嘅L’Oréal透明質酸注入式保濕精華面膜，我就覺得有少少麻煩，但係效果唔錯，有高濃度透明質酸成分，可以快速滲透肌膚，令皮膚即刻感覺到水潤飽滿。 精華份量夠多，面膜紙質地柔軟貼面，敷上去好舒服，唔會容易移位。敷完之後皮膚滑滑哋，仲有光澤感，好似幫皮膚飲咗水咁。
<看全文>
橘子貓好用推薦：UltraSensitive Repair Intensive Source Mask 為敏感肌專門研發的面膜，面膜的精華液含有SymSitive、積雪草提取物、維他命B5和透明質酸。 面膜有一定的保濕功效，舒緩絳紅功效就見仁見智。每次我過敏時用，感覺這款面膜的效果不太明顯。 另外面膜紙用可生降解棉，環保理念上是不錯的。但使用感真的十分一般，面膜太過柔軟，容易拉扯變形，對精華液的承載量也不太可以，我在敷面膜時，下巴位置已經有精華液會滴落。 在眾多為敏感膚況而設的舒緩面膜中，有其他更好的選擇。
<看全文>Kitty 好用推薦：話說前排轉天氣，塊面又開始敏感泛紅，搞到妝都唔貼服😭 好多人推薦Eucerin呢款修復面膜，專登買嚟試下水！用咗幾次之後同大家分享下真實感受～ ✨質地同香味： 面膜精華液係清爽乳液質地，推開好水潤唔黏膩！無香料味，聞落有淡淡護膚品原料味（唔刺鼻），適合唔鍾意香精嘅朋友～ ✨使用過程： 敷上臉嗰陣有微微涼感，幾舒服～說明話敷10分鐘，但我試過敷15分鐘都無刺痛感（敏感肌表示感動！）沖水後無假滑感，摸落去軟軟嫩嫩～ ✨效果評價： 👉即時補水：⭐️⭐️⭐️⭐️（用完毛孔睇落細咗） 👉鎮靜泛紅：⭐️⭐️⭐️⭐️✨（退紅效果真嘅驚艷！） 👉持久修護：⭐️⭐️⭐️（要保持連續使用先明顯） 💡個人小Tips： 1️⃣ 如果爆痘期間建議局部試先 2️⃣ 放入雪櫃凍敷鎮靜效果加倍！ 3️⃣ 一週用2-3次就夠，唔需要日日敷 總結：性價比高（屈臣氏經常做優惠！），尤其適合換季/激光後護理～會回購❤️
<看全文>
貓餅好用推薦：夏天用呢一款曼秀雷敦嘅面膜真係好舒服，呢一隻係山茶花亮白淨化酵素面膜，首先面膜嘅質地好柔軟，敷上面非常舒服，然後剪裁都好好，面膜好貼面，補水好足夠 呢塊面膜可以提亮，夏天好容易曬黑，呢塊面膜就好適合啦，佢入面山茶花精華嘅成份，仲可以令水油平衡，美白嫩膚，保濕鎖水，淨化毛孔。 面膜敷上面之後，個袋仲有好多精華液，可以再搽喺面上面或者頸度，等我哋嘅皮膚盡情吸收精華  重點係曼秀雷敦嘅面膜一啲都唔貴，買多啲都唔會心痛，性價比好高 敷15分鐘啱啱好，夏天建議可以擺雪櫃，仲可以同時收細埋毛孔，一舉兩得  #面膜
<看全文>A&R好用推薦：曼秀雷敦面膜口碑一直都不錯，這款也不例外，大減價時買一送一，一盒6片用一個禮拜，性價比很高，粗用日日敷面膜都沒有問題，凍呼仲舒服，呢款面膜質地很絲滑，剪裁很貼面，水份精華份量充足，早上呼一次之後，保濕可以維持一整天，美白唔多覺，化妝更加貼服，味道也很溫和，不含酒精不會刺激皮膚。
<看全文>
Fng好用推薦：AHC B5玻尿酸睡眠面膜，補水效果超讚! 🥰🥰🥰🥰🥰 最開始知道AHC這個品牌是看一些韓劇，裡面有這個護膚品牌的廣告植入，它們家的B5玻尿酸糸列可以說是一款好歡迎line。 AHC B5玻尿酸睡眠面膜，個人感覺補水效果十分好👍🏻，更可以上底妝前使用，薄薄敷面十分鐘，再洗掉，後續不黏膩，挺清爽的。 價格的話，五粒星滿分💯，尤其適合學生使用🫶，這款睡眠面膜味道很好聞，跟AHC 那款網紅黑管眼霜的味道有點像，香香的，敷在臉上一整晚，第二天早上起來確實感覺到皮膚變得很水潤，很順滑。用水沖洗的時候感覺有點油，不過用洗面奶洗掉就好了。 厚敷一層, 搓一下會有很多水珠冒出來, 是很水潤的感覺，夏天在冷氣房裡或者冬天暖風機旁待久了，厚敷這款睡眠面膜來補補水，確實可以給肌膚喝飽水的效果💦💦。 這款面膜對於冬天特別容易起乾皮的我來說，也是足夠。冬天確實是要多補水, 不給肌膚做好補水的後果就是在化妝的時候唔夠貼，再好的妝容也會被毀掉🫣。 #面膜
<看全文>natanatalie好用推薦：轉季突然天氣乾燥的時候必買的恩物🥰 最近的天氣有時會非常乾燥，濕度也長期在百分之四十幾或以下，而我的護膚品亦未完全轉為冬天比較滋潤的護膚品，這一款二合一的面膜面霜就是我轉季時候乾燥天氣的恩物！😜 首先很欣賞會附送一支小匙羹，用這一支小匙來取面膜和面霜就會比較衛生。首先第一個步驟會查透明質地的啫喱狀的面膜，第二部就會搽白色的面霜。這兩款面膜面霜的質地都是非常易推和輕盈，絕對不會對肌膚造成負擔。但是它能夠在肌膚構成一片膜鎖住水份，令到你第二朝感覺肌膚非常有彈性，亦都會變得很軟熟！毛孔會細緻，整個人也是充滿光澤，這一點我是十分喜歡的！😘
<看全文>
hatty好用推薦：💙🖤💛 塊面有啲乾😰 秋天係舒服嘅🍂不過…塊面就有啲乾囉🌝最近用緊台灣提提研面膜，唔同系列可以滿足各種需要✨ ✨黑面膜系列✨ 💛手上依款保濕金箔黑面膜私心推薦，Hatty對黑面膜情有獨鍾，加上佢有金箔成份，感覺更高級😛敷完更透亮充滿光澤😳 💙藍色依款係浸潤補水黑面膜，強效補水💦為肌膚注入水份 ✨珍稀原萃系列✨ 🧡黑蜂蜜活源新肌生物纖維面膜🧡 可以淡化已形成嘅細紋 💚永生苔瞬活修復生物纖維面膜💚具導入技術，從根本強韌肌質 💛向日葵光透白皙生物纖維面膜💛含熊果素，可美白淡斑
<看全文>lingbb好用推薦：面膜紙比較薄我唔小心就整爛咗啲啲，成塊面膜係佈滿金箔同精華，敷完成塊面好水潤，精華都算幾充足，補水效果好滿意
<看全文>
Emily Leung好用推薦：Minon 面膜使用心得｜敏感肌恩物！保濕力超強 我係混合性偏乾敏感肌，轉季或者用到唔啱嘅護膚品好容易面紅、痕癢。試過好多話溫和嘅面膜都頂唔順，唯獨呢隻Minon真係冇刺激感。 產品賣點 · 專為敏感肌同不安定肌膚而設 · 含有9種保濕氨基酸同2種清透氨基酸 · 低刺激、無香料、無色素、無酒精 · 通過敏感性測試 ✅ 優點： · 溫和到極！ 真係零刺激，就算塊面有少少敏感泛紅，敷上去都完全唔痛唔痕，感覺好安心。 · 保濕力持久！ 精華係嗰種杰身嘅啫喱狀，唔會好似水狀精華咁滴滴仔。敷完20分鐘塊面都仲係濕濕哋，第二朝起身塊面都仲係軟淋淋，上妝好貼服。 · 修護效果掂！ 如果因為乾而出咗少少粒粒或者紅印，敷完佢會覺得鎮靜咗好多，皮膚個「底氣」好咗。 ❌ 缺點 / 要注意： · 面膜紙偏厚，剪裁對大面或者高鼻樑嘅人未必最伏貼，但都接受到。 · 精華「黐立立」：因為係氨基酸精華，質地比較杰，敷完之後面上會有層薄膜感。如果你係油性肌或者鍾意清爽，一定要過一過水，或者當晚霜咁用紙巾印走多餘精華。 · 價錢唔算平，如果日日用會肉赤，比較適合用來急救或者一星期做一兩次深層保養。 個
<看全文>Desse好用推薦：日本旅行必入面膜之一💓💓💓 MINON Amino Moist 面膜超級適合敏感乾燥肌！ 我入呢款係敏感肌專用😍😍 滿滿22ml濃厚精華液，鎖水又補濕🧏🏻♀️🧏🏻♀️ 💡質地方面 凝膠狀，好貼面又柔軟，敷10-15分鐘就夠晒滋潤，幫助撫平因乾燥引起嘅細紋同加強肌膚屏障 💡用後感 皮膚即刻水潤柔嫩，連冷氣房訓醒都唔乾，精華吸收快又唔黏笠，殘餘精華仲可以用來擦頸或身體，好抵用❤️ 留意位🔔🔔🔔 唯一小缺點係面膜太大張，裁剪貼合度可再提升 總結嚟講🧏🏻♀️🧏🏻♀️ 保濕修護又安全，對敏感肌超友善，換季和乾燥時必備之一💓💓
<看全文>