Neutrogena 用家評價

「嘩，老婆你今晚沖完涼咁香嘅？！🥸🤩🥰😙👃」 多謝 @cosme 抽中我試用 Neutrogena水果草本香味嘅沐浴露，貨裝大大支有成946ml !! 頭先嗰句係我第一晚用完呢支沖涼液老公的即時反應😂 而有關我嘅使用心得，大概可以分為包裝及外觀、氣味、用後感嚟分享🫶🏻 ⭐️包裝及外觀：包裝簡約，樽身係透明的，琥珀色半透明啫喱狀🧡🤎 ⭐️氣味：好香同好舒服，對得住SPA水療級香氣呢個稱呼，好有療癒感，尤其每日收工返到屋企沖涼叉電嗰刻真係好warm同好calm, 但聯想不到水果香味，反而係草本、木質感覺比較強烈，沖完涼踏出浴室時仲香噴噴，但留香未算好持久 ⭐️使用感：我平時會用2泵份量（如上圖），起泡十分容易，唔使特別再加水，泡沫亦好豐富而輕盈唔厚重，沖水時亦好快沖得乾淨，唔會有假滑，偏向清爽 ⭐️整體感覺：貨裝正價係HK$178.9，相比市面普遍常用嘅沖涼液嚟講有少許貴，但遇到藥房/連鎖店做特價時見過$119-$139都可以買到。另外呢種香味同埋易洗程度亦係好欣賞嘅，所以我暫時會定位佢係我常用沖涼液top 5，用晒之後都會繼續回購😃💕

以前一直用開D牌沐浴露，雖然唔算好鍾意佢嘅松木味，但因為使用上覺得比其他沐浴露乾淨，就用左好長時間；最近試下轉用同一牌子嘅牛奶蘆薈款，結果體驗麻麻🙈剛好有機會試用Neutrogena Rainbath沐浴露，梗係急不及待開箱🤩！今次試用嘅係水果草本香味，成支沐浴露容量有946ml，瓶身設計簡單、修長，透明瓶身更容易睇到沐浴露剩餘用量，覺得幾方便，唔洗扭開蓋先知道淨低幾多~正如產品強調嘅「SPA水療級香氣沐浴體驗」，一泵出嚟已經聞到好香甜嘅味道，除左有檸檬、柚子嘅柑橘香味，仲有玫瑰花香，抹開之後亦會隱約聞到肉桂味。雖然Rainbath沐浴露係shower gel，對比之前用開嘅D牌沐浴露，質地比較清爽，不過都好容易起泡，個人而言一pump已經足夠搽匀全身~ 整體感覺好refreshing，係好適合夏天嘅味道同質地🤩用左兩個星期之後，最明顯嘅感受就係沖完涼搽body lotion個陣，覺得皮膚觸感柔軟左，完全唔覺得乾燥繃緊~ 仲有好surprised嘅轉變：去美容中心做skin peeling，治療師話雖然兩隻手臂望落去毛囊角化得好勁，但摸落去皮膚好滑😝 睇返產品簡介，除左淋浴，Rainb

好多謝@cosme抽中我做試用，今次係試用沐浴露，Neutrogena Rainbath沖涼液~ 去收貨個下真係嚇左一跳...心諗...到底係咩黎...做咩咁鬼重... 拆開見到竟然係一支接近1000ml嘅沖涼液，竟然真係比貨裝size做試用， 946ml，有排我試，請埋屋企人試都得啊😂 呢枝Neutrogena Rainbath沐浴露係泵裝，使用非常方便，泵一泵就擠到透明啡色嘅沐浴露出嚟， 一泵到出嚟已經香氣四溢， 我自己覺得香味係屬於中性，而且聞落好舒服，男仕女仕一家大細都啱用呀~ 我先用花灑沖濕個身，再泵一泵Rainbath起泡，出奇地發現佢係屬於小泡嘅配方，全身搽勻曬Rainbath， 開花灑沖一沖過水， 第一感覺發現沖好乾淨， 第二感覺發現沖得乾淨之餘皮膚仲變得好嫩滑， 但唔係殘留沐浴露嘅感覺， 我連續用咗十晚， 每一晚用呢隻Rainbath沖完涼都覺得好舒服好乾淨又relax， 本來我已經無用沐浴露改用番梘好多年， 因為用過多沐浴露都有殘留感，Neutrogena Rainbath改變咗我一路以嚟對沐浴露嘅睇法， 連我媽媽試用佢，都有同我同樣感受， 佢一樣都係番梘愛好者，

主打特色：水果草本精華及香料的香味，滋潤肌膚 質地：較稀，啫喱狀 試用季節：3月 個人膚質：偏乾 收到時被沐浴露的大尺寸嚇到，很大一支，很久沒用過這麼大支的沐浴露，因為印象中家庭裝大大支的都不好用，可Neutrogena Rainbath 沐浴啫喱改變了這個印象。 一支有946ml，很足夠一家大細一齊用。沐浴啫喱劑出來是琥珀色，質地較稀，搓起來沒有很多泡泡。洗起有足夠清潔力，保濕順滑但不會有殘留感，洗後感覺很棒。 水果草本味 前調：檸檬、橙子、佛手柑 中調：薰衣草、鈴蘭、無花果 後調：香草、琥珀、肉桂 雖說是水果草本味，但草本會更加明顯和突出。香氣標榜有前中後調，但只聞得到後調，味道還是舒服好聞的，是偏中性，男女都可接受的香味，氣味就不太持久，基本上一兩個小時味道就會散掉，但洗澡時聞到的話心情也不錯。

多謝@cosme提供嘅機會😊，今次好開心可以使用Neutrogena嘅Rainbath® 沐浴露 (水果草本香味)。以下係我連續用咗一個禮拜嘅心得。 外觀上，佢係用透明樽身，配上淺棕色沐浴露，感覺好安心平靜，而佢嘅香氣係淡淡果香，我同我嘅屋企人都好中意❤️。 我自己本身係乾性肌膚，呢款沐浴露質感好順滑，用完唔會覺得乾燥繃緊，而係溫和唔刺激。搓成泡泡後塗勻全身，然後用水一沖就好乾淨清爽，唔會黏膩💧。 雖然呢支沐浴露唔算好平，但佢夠大支，少少就可以起到香香嘅泡泡，再加上佢成份天然保濕，對我呢啲乾性肌膚嘅人嚟講真係沖涼恩物，滋潤舒服relax~ 所以真係好推薦比大家試下🌟，我都會繼續回購！

好開心抽到試用，在此先感謝@cosme及Neutrogena。 今次係試用rainbath® 沐浴露（水果草本香味），連續用左10日，喺度總結下試用心得。 用沐浴露第一印象係佢既香味。rainbath® 沐浴露的香味真係好特別，界乎於柑橘和木質香氣之間，果味香之餘又有一種中性既木質香，又唔會好濃烈。好的一面係家中男女都適合用，香味唔會香水般咁嬌艷，但略嫌兩頭唔到岸，講唔出究竟係咩屬性的香味。 第二印象係泡沫質感，rainbath® 沐浴露起出來的泡泡都算細膩豐盈，唔需要起勢擦都可以起到好多泡泡，減少過度摩擦皮膚。 第三印象係清潔力，rainbath® 沐浴露一過水就好清爽，無殘留感，更加唔會有痴笠笠的感覺，清新的感覺非常適合最近潮濕的天氣！沖完涼唔會有繃緊的感覺，摸落皮膚都幾軟滑，不過保濕感keep 得唔耐，浴後依然需要搽潤膚露保濕。 總結而言，呢隻Neutrogena rainbath® 沐浴露好適合家庭使用，佢容量夠多，有946mL,佢既香味亦比較中性，泡沬觸感細滑，清潔力十分棒，清爽既感覺好適合在潮濕悶熱既香港使用，大家不妨試用😄推介！

好開心又抽到cosme嘅試用，平時試開化妝品或護膚品多，今次竟然抽中沐浴露~ 我平時編號用啲有香味嘅沐浴露，所以今次neutrogena新推出嘅rainbath沐浴露一定要一試。收到個下都真係嚇左一跳，真係好大支呀 Rainbath沐浴露標榜SPA水療級香氣沐浴體驗，揉合果香同草本精華： 香氣前調：檸檬、橙子、佛手柑 香氣中調：薰衣草、鈴蘭、無花果 香氣後調：香草、琥珀、肉桂 佢一支出嚟嗰吓就已經聞到前調嘅果香味，慢慢就會聞到後調嘅肉桂味比較突出，沖涼嘅時候聞到呢啲味道的確係比較放鬆，我自己就好鍾意。但係香氣嘅持久度真係比較短暫，基本上抹完身好快香氣就已經冇晒。  至於使用感方面，一支出嚟見到嘅係淡淡嘅啡色，加水之後好易起泡，但始終係shower gel所以就唔係綿密嘅泡泡。但係清潔力都幾足夠，沖完涼有種清爽既感覺，瞬間覺得自己乾淨左，用後一d都唔覺得乾喎。至於肌膚柔軟度同嫩滑度就未有特別覺得改善左，要再用多一段時間先評價到啦~

感謝@cosme, @neutrogena 抽中我參加今次試用。試用後，我都想同大家分享下我的用後感！！ 收到呢個沐浴露果陣，其實我都唔知咩來架，淨係奇怪點解有個咁重的包裹，哈哈。跟着一打開包裝，都覺得好貼心，包裝得幾好，居然完全無漏，加分加分！！沐浴露有個盒裝著，添加了一分神秘感（每次見到有盒都覺得神秘的我，哈～） 首先講下味道先，我自己本身好鍾意果香、花香，但呢個沐浴露有淡淡的木味，我又講唔出咩木，就係覺得似係高級酒店的沐浴露，香香的，係我鍾意的～～ 之後用上身果陣，好容易起泡，但係又唔會乾，好乾淨。自己本身膚質本身偏乾，沖完涼之後有日無即時搽body cream ，過左半個鐘先搽都唔會話好乾好痕，都還好喎～～沖完涼滑滑的感覺我愛了～～ 推薦各種不同膚質的人使用，剛剛好，不會黏都唔會乾，呢種感覺都幾好！推薦！值得入手

好開心收到cosme的試用, 收到既當下反應係"咁大支既", 就算以正價黎睇, 佢都有一定性價比~ 打開後, 就有陣陣香味, 唔係太識形容佢呢隻味, 睇返資料"水果草本香味", 我覺得佢係好多好多種香味混和埋一齊, 但唔會好突出講到有咩味, 整體係好聞同relax的! 佢唔算好多泡泡既沐浴露, 但清潔度係有, 用完身體係清爽唔會覺得沖唔淨, 亦唔會太過清潔而令皮膚覺得乾(有某d牌子會的.....) 我覺得呢支沐浴露更適合春夏季節用, 個人沖完係清爽自在! 有機會我都會想試埋另一款rainbath既味道☺ 夏天沖多幾次涼都ok

2024年買過性價比最高嘅護膚品 為左實行早C晚A 但又怕A醇太刺激用唔到 最後平平地揀左Neutrogena眼霜質地係乳液 好輕盈易推易吸收 用後唔乾冇脫皮冇紅腫冇敏感 眼霜加左透明質酸 乾肌用完全冇問題 用左幾日眼周細紋有好明顯改善 但減淡黑眼圈同均勻眼周膚色就冇咩效果 自己最想係減淡眼紋佢有做到 之前見watsons做優惠買一送一 已即時再入手左2支舊版產地：法國 (2024新版變咗韓國製造) 購入日期：2024-03-13 購入方式：護協website *朋友代購 入手價錢：HKD139/14ml (HKD9.93/ml) 原價：HKD199 (HKD14.21/ml) *新版貴咗 零售價$299/14ml 回購：10/10 *又平又好用

Neutrogena 深層保濕面膜 透明質酸成份主打保濕.. 平日用開嘅透明質酸精華面膜.. 精華都比較厚身.. 但喱一款.. 精華質地比較薄.. 好似lalalun 面膜咁.. 面膜紙唔太理想🪻 剪裁上鼻位明顯比較短.. 咀位亦比較細.. 敷上臉唔太舒適 質地比較粗糙.. 鎖唔住精華.. 大部份嘅精華都去晒面膜袋.. 有點浪費.. 保濕效果一般🪻 敷後水潤感只維持1-2小時.. 只適合做妝前面膜 ⚖️$150@15塊 10蚊一塊嘅面膜.. 可以有太多更好嘅日韓台選擇.. 唔太值得入手🪻

感謝@Cosme邀請試用Neutrogena rainbath® Shower & Bath Gel 沐浴露😆 本身我皮膚底子乾躁，一直選用的沐浴露偏向溫和滋潤，以前試過轉用其他牌子偏向殺菌的，我的皮膚變得「鞋十十」😔。 用Neutrogena rainbath® Shower & Bath Gel 沐浴露，質地滑潤，容易推開形成泡沫，沖洗後感覺有潔淨效果，感覺沒有殘留沐浴露黏在皮膚表面，抹身時卻有一層薄膜包圍住皮膚保留水份不至於流失，而且你味道很清新，是我大愛的草本木調香氣，前調水果味，中調花香味，後調木質味，喜歡多元香氣的朋友不要錯過😆😆 下次都會推薦給其他朋友，性價比高，一大支沐浴露一家人用到2-3個月，不錯☺️☺️

多謝抽中試用😊 半透明微啡色調，一揼上手　已聞到濃濃的味道。不是花香也不是果味，反而像香水味。不過我這支是水果草本味🤣 用水開後有正常泡泡量，兩揼已足夠用全身，用水沖走泡泡，身上還有一層薄薄的薄膜保護。就算天氣乾燥時用，皮膚也不會蹦緊。而且用後也有香味留在身上。整晚也聞到😊

個人是 Rainbath 長期用家，由讀完書出來做野開始，就一直用 Rainbath 沖涼💕 當時還是社會新鮮人，容易受工作壓力影響，入眠相當困難！後來了解到舒緩的香氣有助睡眠，於是選用了 Rainbath shower gel，沖涼後香味會在身體停留約兩小時，晚上使用絕對係享受❣️最近發現貪靚老公會偷用我的 Rainbath 添呀 lol 😆

多謝@cosme 抽中贈品🙏🏻 Neutrogena 呢款沐浴露，經常都可以係藥房見到。價錢比起其他品牌黎講都算貴。 首先講吓使用後優點，呢款沐浴露香味較自然，係好淡嘅香味，但係沖完涼係好last到係人身上，而且唔係好odd，氣味上黎講係值得推薦。 其次使用後 皮膚唔會好乾，亦都唔會乾到痕。我有使用過嚟剃毛，會滑住去。 有時剃耐左，會feel到佢乾左係身上面，但唔會有黏住嘅不適感～ 缺點方面，我想最大的缺點是價錢相對較貴～ 其次就係起泡程度了！ 呢款真係唔易起泡，但係用慣其他潔淨產品，無得起泡就心理上爭咁啲了！ 如果唔介意起泡少和價錢，就使用舒適度上來看是值得推介的。