Neutrogena

rainbath® 沐浴露 (水果草本香味)

以前一直用開D牌沐浴露，雖然唔算好鍾意佢嘅松木味，但因為使用上覺得比其他沐浴露乾淨，就用左好長時間；最近試下轉用同一牌子嘅牛奶蘆薈款，結果體驗麻麻🙈剛好有機會試用Neutrogena Rainbath沐浴露，梗係急不及待開箱🤩！今次試用嘅係水果草本香味，成支沐浴露容量有946ml，瓶身設計簡單、修長，透明瓶身更容易睇到沐浴露剩餘用量，覺得幾方便，唔洗扭開蓋先知道淨低幾多~正如產品強調嘅「SPA水療級香氣沐浴體驗」，一泵出嚟已經聞到好香甜嘅味道，除左有檸檬、柚子嘅柑橘香味，仲有玫瑰花香，抹開之後亦會隱約聞到肉桂味。雖然Rainbath沐浴露係shower gel，對比之前用開嘅D牌沐浴露，質地比較清爽，不過都好容易起泡，個人而言一pump已經足夠搽匀全身~ 整體感覺好refreshing，係好適合夏天嘅味道同質地🤩用左兩個星期之後，最明顯嘅感受就係沖完涼搽body lotion個陣，覺得皮膚觸感柔軟左，完全唔覺得乾燥繃緊~ 仲有好surprised嘅轉變：去美容中心做skin peeling，治療師話雖然兩隻手臂望落去毛囊角化得好勁，但摸落去皮膚好滑😝

睇返產品簡介，除左淋浴，Rainbath沐浴露仲可以做浸浴劑，甚至當脫毛gel咁用，不過我就未有機會嘗試~ 上網睇原來仲有其他香味款式！雖然價格比我用開嘅沐浴露高出近一倍，但體驗過之後，真心想回購，同埋試埋其他款！