NIVEA

深層潤膚露

最近早晚出街覺得涼爽咗少少，即係香港終於準備轉秋啦！不過， 部份日子皮膚亦有啲乾燥、痕癢嘅感覺🥹所以好開心收到2023美妝大賞身體保養產品嘅 第二位 —— Nivea深層潤膚露嘅試用，呢個時候轉用呢款比較滋潤嘅潤膚露就最適合啦 ！


Nivea深層潤膚露成分有深層保濕精華、牛油果油同埋維他命E，經過皮膚科測試唔會致敏，適合任何膚質 使用，而且特別適合皮膚非常乾燥嘅人士 。
試下同Nivea其他款式嘅潤膚露比較，上圖最左邊係Nivea嘅Express hydration body lotion(普通至乾性肌膚)，中間就係Nivea深層潤膚露，右邊就係Nivea嘅雙管精萃凝乳。可以睇到深層潤膚露嘅質地唔會好杰撻撻、好 厚重， 係有流動性嘅，所以好易推開。

除左易推，Nivea深層潤膚露亦好易比皮膚吸收。沖完涼之後搽匀全身，唔會覺得黐笠笠之餘，皮膚亦無左 繃緊嘅感覺， 喺呢啲乾燥天氣更加特別感受得到，而且皮膚摸落好柔軟好滑捋捋😌

就算返工、出街出咗 成日，都唔會覺得皮膚有乾燥、繃緊、唔舒服嘅感覺。雖然冇機會測試係咪48小時深層保濕，不過10幾個鐘嘅保濕滋潤就肯定冇問題啦！ 😆