GROWN ALCHEMIST

細嫩去角質乳霜

第一次使用澳洲墨爾本品牌Grown Alchemist嘅產品「細嫩去角質乳霜」，包裝設計好簡單、乾淨。產品成份溫和、天然，有幫助舒緩修護嘅蘆薈、提亮嘅粉紅葡萄柚，另外仲有幫助鎖水、保濕嘅植物成分葡甘露聚醣。



呢款去角質乳霜的確同個名一樣，就咁望落甚至推開都同一般白色乳霜無分別，質地比一般洗面乳厚身。乳霜入面嘅天然竹子顆粒非常幼細，細到幾乎睇唔到。好似吱牙膏咁輕輕吱一粒豆嘅size出嚟，已經足夠用喺成塊面。


整濕塊面之後，輕輕喺面上推開、打圈按摩，會聞到一陣茶樹精油嘅草本香味。乳霜無起泡效果，按摩一陣之後就可以用暖水洗面。洗面後唔覺得繃緊，感覺乾性肌膚都適合使用。抹面之後會明顯感受到面部皮膚幼滑左好多，好似去返學生時期嘅皮膚咁，忍唔到住係咁摸😂影相時亦覺得皮膚紋理細緻左，仲有最近去做facial，美容師都問我做左啲咩，素顏個陣塊面都有光澤感😌