NIVEA

DERMA CARE科研 淨白透亮奇肌雙管精萃凝乳

見到以下張相，就知道本人係Nivea重度使用者~上年去台灣旅行，都買左一啲當時香港無見過嘅Nivea產品，包括Derma Care科研系列。不過當時淨係買到紫色邊嘅PHA煥膚柔嫩奇肌雙管精萃凝乳(已經用晒！)。

今次有機會試埋同一系列另外兩款產品，分別係藍邊嘅舒敏修護雙管精萃凝乳，以及綠邊嘅VC淨白透亮奇肌雙管精萃凝乳，以下會集中講綠邊VC淨白款。
Nivea Derma Care科研系列同一般body lotion好唔同，採用類似牙膏嘅唧唧包裝，入面分左內、外兩層。外面個層係透明嘅精華液，成份包括透明質酸、海藻糖、維他命B5，幫助皮膚長時間保濕；而內層就係白色嘅精華級嘅body lotion，其中綠邊VC淨白款，內層成分有維他命B3、C等，幫助改善暗沉、防止黑色素形成。

使用前要留意，產品背面有一個官方建議嘅「最佳按壓位置」，只要撳住呢個位，就可以好均勻地唧到內外兩層嘅精華液出嚟。

不過唧裝嘅缺點，就係用左大部分之後，就只可以逐少逐少咇出嚟，唔匀旬之餘，又可能咇到四圍都係。所以我會另外搵一個空瓶，直接將雙管精萃凝乳唧落去再混合，取用時更加方便。

藍邊舒護、綠邊VC淨白款各有功效，所以今次決定針對唔同部位嘅皮膚問題去使用。由於細個太懶無乜搽防曬，曬到手臂好黑，暫時都未白得返，所以手臂會用綠邊VC淨白款。
兩款lotion都好容易推，可以推得好薄，吸收速度屬於中上，建議可以分開上、下手臂唔同部位去搽，慢慢按摩等皮膚吸收。之後會感受到皮膚表面好似多左一層薄膜保護，但又唔會覺得好黏膩。即使長時間喺冷氣房逗留，都唔會覺得皮膚繃緊或者出現乾紋，仍然保持滋潤、柔軟嘅感覺。
用左綠邊VC淨白款一個星期，我覺得手臂膚色係稍微提亮左，接近手肘位置嘅色素沉澱減淡左少少，令膚色望落均勻返啲，希望搽多一段時間，可以見到更明顯嘅提亮效果啦！