TATCHA 用家評價

購買於lane Crawford 。超級清爽，毫無負擔，拍上面瞬間吸收，作為打底通常好適合。我作為一個混合性皮膚，最鍾意一啲清爽流質嘅toner。 Tatcha the essense主打抗老，因為佢係無色無味，比SKII神仙水更好用，唔會有刺激感。佢都係用類同類嘅材料，大米發酵液，用完之後皮膚穩定。如果要保濕，就要再添加保濕精華💕可能有啲人會覺得用完好普通冇感覺，但我就係鍾意用完有一個穩定狀態嘅toner作為打底

呢罐 Tatcha Dewy Skin Cream，包裝靚，跟支睇落似金屬嘅膠棒，都幾實用。膏體淺紫色好靚，上面冇色，味道幾高雅。 睇返官網介紹成份方面，有透明質酸同紅藻幫手吸水、填平乾紋；仲有雙重發酵 Hadasei-3（米、綠茶、藻類）進一步補水、令皮膚脹卜卜；再加角鯊烷鎖水，所以凍天用特別見效。搽完有層薄薄嘅保護膜，但唔會油淋淋。 臨瞓薄薄搽一層（油肌混合肌，記得薄薄好啦！）第二朝起身皮膚又軟又有光澤。雖然我喺香港得最凍最乾嗰啲日子先用得著，但一去到外國乾燥寒冷嘅地方，帶埋佢就特別安心，效果一流。春夏季喺香港用會太潤，第日容易出油。 價錢唔平，但我堅持用到見底。整體係好嘢，最緊要揀啱天氣。如果多去外地乾燥嘅地方我會回購。

TATCHA洗面粉有分幾款，藍色的適合敏感肌，近來轉天氣皮膚狀況容易不穩，洗面都選盡量減少刺激皮膚的。 洗面粉的粉質細緻，加水輕輕搓揉，即可產生豐富綿密的泡沫，能溫和清潔皮膚，不會造成刺激或泛紅，有效洗走面上多餘油脂和老廢角質，又不會讓皮膚感到乾燥緊繃。洗後皮膚柔嫩光滑，散發健康光澤。✨️ 罐裝設計很優雅，更方便日常使用，但需注意保持存放位置乾燥避免受潮。持續使用，能明顯感受到皮膚更加潔淨透亮，是一款值得推薦的溫和潔面產品。👍

官網介紹: 含有日本紫米成分，一種富含營養的古老珍貴大米成分 富含花青素，一種強效抗氧化成分，可修復皮膚、防止壓力和污染 注入沖繩紅海藻萃取和透明質酸，恢復皮膚的天然水分儲備 添加來自人參、野百里香和甜馬鬱蘭的萃取和精油，可滋養和滋潤肌膚 肌膚變得更柔軟、光滑、緊緻、飽滿、健康及平衡，煥發光彩 冬天嘅時候去旅行 有時會需要到一盒比較滋潤性嘅cream 混合性皮膚係香港一年四季， 其實都唔係好需要好潤嘅cream 呢一盒係乾性皮膚嘅朋友介紹， 佢話混合性皮膚都可以用得到唔會出粒粒。 呢隻cream嘅持久到比起平時用開嘅gel 或者冇油份嘅cream last 得更耐 用完之後皮膚真係會好柔軟，亦都唔會再繃緊。 但係如果香港潮濕嘅天氣混合性皮膚就真係唔啱用啦。 包裝亦都好靚，係紫色。 而cream亦都係調配左一樣嘅顏色。 配合埋蓋上邊一隻小匙羹仔，每次份量就可以用得啱啱好。 每次攞嚟用嘅時候都心情好啲😗

Tatcha 係lane Crawford先有，第一次試用佢哋嘅產品，依款係水凝霜water cream 白色水凝霜質地，夏天用好舒服，吸收好快，冇油膩感，又唔會令塊面好濕，完全冇負擔 用完唔會起暗瘡，上面保濕度剛好👍🏻 大概用一星期，夜晚搽完第二朝毛孔睇落細緻咗有光澤，雖然係water cream，但唔知有咩成份，比其他牌子保濕面霜更好，貴得黎有效果。如果有錢我會試埋呢個牌子其他產品！

近來皮膚有少少濕疹，想換過啲護膚產品，因此留意到TATCHA 呢個brand 呢隻面霜獲美國濕疹協會認證，所以用得安心啲。成份方面加入蓼藍，有鎮靜皮膚同消炎作用。 面霜質地比較厚身，但上面唔覺得笠，好快吸收。藍色嘅cream 搽上面推開就唔會有藍色。最鍾意佢舒緩鎮靜效果，個人頸部濕疹比較嚴重，會乾到甩皮，好紅同痕，搽咗佢好快就冇咁痕，第二日亦都明顯冇咁紅，對呢個效果好驚喜。面部因為出過輕微濕疹而出現嘅色素亦慢慢退返。 so far 用左三星期，覺得面部皮膚摸上去嫩滑左，額頭出少左油，對頸部濕疹亦都好有幫助（同時有食中藥） 另外覺得面霜容器設計好用心，附送嘅小勺可以放喺蓋上面，好方便。

Camelia Lip Balm 超大愛的一款濶唇產品！喜歡到All in了所有有顏色的色號：#Cherry Blossom，#Magnolia Bloom，#Beautyberry 和 #Plum Blossom。 日常用法是妝前塗上一層，到化完妝後抹走護唇膏，再塗其他唇膏，基本上可以保持嘴唇滋潤一整天，除非後續使用的唇膏太乾。 #Cherry Blossom：最不推薦的顏色，基本上是淡淡粉色帶閃粉，我直接當睡眠唇膜用，所以才快空瓶。#Magnolia Bloom：紅色帶少許棕調，有金細閃片，最喜歡的顏色。#Beautyberry：深葡萄紫色不帶閃片，顯色度最高，最省用量，輕點幾下已足夠畫出好看日常的桃色唇妝。#Plum Blossom：粉紅色帶一點點紫調，不帶閃片，塗上嘴是氣質粉色，適合淺唇。

朋友送的禮物🤭 我覺得出妝用它的噴霧作定妝，是幾好用的。用它的噴頭噴出來的Toner 好幼細，令皮膚好容易吸收😊 不過，它聞起來的味道，有些似中藥味，大家如果好介意時，便考慮多一下啦

這款精華水的質地非常輕盈，水狀，極易吸收，讓肌膚感覺柔滑不油膩。搽後肌膚變得更加滋潤，長時間保持水潤感，適合乾燥肌膚。 早晚用左2日後，肌膚已經看起來更加明亮，膚色均勻左，顯得更健康。 加上Tatcha的產品主要以天然成分為主，這款精華水也不例外，含有多種植物萃取，令敏感肌人士也感到安心。會買！ 適合肌膚：任何 成效度：4/5 保濕度：4/5 吸收度：5/5 質地：水狀 光澤度：4/5

聽過Tatcha呢個brand都會知佢呢款大米洗面乳好出名，之前專櫃買嘢有試用送，膏體係乳白色偏杰身，需要加水起泡，起泡嘅時候會見到有白色微細粒粒，有米糠嘅成份，但上臉唔會有磨砂嘅感覺，非常溫和，洗完臉唔會覺得繃緊，但同時感覺到皮膚係乾淨，睇返介紹成分係PH值中性氨基酸，以及加咗透明質酸，所以洗完臉都會有滋潤嘅感覺

這款晚霜能提供深層保濕，讓肌膚在夜間得到充分滋潤補水。而蓼藍成分，被認為具有良好的舒緩效果，能幫助減輕肌膚敏感和紅腫。 晚霜的質地好rich。以為好油，但又唔會，反而好容易吸收。用後2日已感覺皮膚細緻左，膚色都有改善。會購買的。 適合肌膚：任何 成效度：4/5 保濕度：4/5 吸收度：4/5 質地：rich

🌟白色顆粒狀，加水起泡，有微微的米香氣 🌟顆粒不算快溶，泡泡是愈搓愈變成有點creamy的泡 🌟清潔度高，洗完臉後清爽，有光澤感 🌟有點少貴但功能尚算不錯，有預算的可以考慮

平平無期 性價比一般 清潔力麻麻 油肌用可以，唔建議乾肌 唯一好處就係敏感肌可以用🙈

質地潤而不立，同埋冇乜味道 超啱敏感肌使用 但係對比返個價錢嘅話就未必再回購啦， 因為佢個價錢都唔係10分親民 會優先考慮其他牌子嘅抗敏面霜

質地幾好，都唔算話好油，算係一款比較易吸收嘅面霜 但用晒一甖都睇唔到佢哋標榜嘅抗衰老同緊致效果 包裝都幾靚嘅好有日式風格，味道都比較淡身 效果嚟講我唔算滿意，所以未必再回購