GLYCEL 用家評價

GLYCEL Essential in Oil精油質地輕盈，推開好快吸收，唔會覺得笠。用嚟按摩或者加幾滴落護膚品入面，效果都好明顯，皮膚即刻柔軟同有光澤。 一滴就可以令皮膚水潤度提升，乾燥位置改善咗，仲有種亮澤感，皮膚狀態更穩定，感覺好似幫肌膚做咗深層修護，滴管方便控制用量。 其實冇乜香味，含8大活膚油（薰衣草油、摩洛哥堅果油、山茶花油、玫瑰果油、安第羅巴果油、亞麻薺籽油、向日葵花精華及角鯊烯）與8大細胞修護元素，為肌膚帶來全面修護。 開瓶後一年內用。

Glycel水盈潤肌精華精華蘊含橄欖油精華及冰島地藻，成份比其他保濕精華液珍貴。 質地為透明淺綠色gel狀，會有一浸香料嘅味道。用後感覺清爽不黏膩，保濕力強，用完皮膚即刻充滿水份，變得光澤，化妝前用啱啱好。 $680/30g🪼純補水精華有性價比更高選擇，不會購買正裝😌

香料味好重，味道就好似neutrogena嗰啲味道一樣，好重又好假既香科味！如果係敏感肌皮膚用咗會唔舒服🤢 雖然佢叫cream ，但質地似乳液咁稀。顏色係透明嘅藍色，同佢嘅精華顏色一樣，質地就比精華厚身少少。有補水效果，但對於我乾性皮膚嚟講唔足夠。 Neutrogena嘅保濕面霜起碼平，但glycel 好貴，呢個價錢有好多效果更佳嘅保濕面霜選擇。

之前喺佢舖頭買部機加埋一set護膚品，入面包咗呢個面膜。咁啱呢排對於緊緻減淡細紋等等會比較上心，所以佢呢款面膜嚟得好合時😆 佢係最basic嗰隻paper mask，裁剪唔錯，都幾貼合面型，而且有勁多乳白色嘅精華，查埋條頸搽埋隻手都仲有淨！好得意嘅係佢做到一個效果，就係雖然佢啲精華好厚身，但係敷完之後塊面唔會好黏，塊面會有一種提亮同埋撫平咗，飲飽水嘅感覺，所以總體嚟講敷完之後塊面雖然望落唔算好大變化（唔算係嗰啲急救面膜），但係幾舒服，日常保養黎講綽綽有餘～～我估冬天用應該唔錯！

係glycel有做facial, 有次佢幫我抹面，我覺得好香問佢係咩product黎，佢話係皇牌紅水，保濕舒緩好有效。我就有興趣買左支正貨返屋企😍 用左幾次，佢有個問題係太杰，一定要用化妝棉滴小小再拍上面，如果用手拍會太厚，冬天都會太潤，立痴痴既感覺。🥲 另外，可能我開左佢太奈冇用晒，佢有啲變味，之後只好係用黎搽手腳用晒佢。但手腳就吸收得好快😆😆😆😆

聖誕套裝附送，質地較杰，用棉花拍上面好保濕，似幫皮膚pump水，但又不會太笠，效果唔錯

🌟手霜比較像乳液質地，很薄很滑 🌟推開塗抹時感覺很有水份，挺舒服的 🌟可惜作為手霜，個人覺得持久度不夠，洗完手或隔一段時間都需要補塗

一買glycerl既野就有好多sample 試用😃呢支係燕窩精華主打保濕，glycerl啲野真係唔平，我有用開佢呢個系列既face cream所以就有呢個試用。我覺得佢係好吸收既，搽完仲有一層膜係面可以推下按下面，滋潤感有係度，但唔係痴立立果種。秋冬，冷氣下用都幾好。

淺藍色gel，質地似Neutrogena，聞起來有點像海洋味（類似H2O+），感覺清新舒服。保濕效果還不錯，不會黏笠，用後肌膚挺水潤的。整體來說，是款清爽又實用的水潤面霜

乳液質地, 吸收還可以 用咗兩個星期, 面部肌膚覺得細緻咗少少,除此之外冇明顯嘅改善, 應該唔會再回購

glycel 贈品。質地好水，流質，搽左好似冇搽，要疊加其他eye cream上去，冇乜特別感覺。透明色質地，冇乜香味，如果超怕眼底起油脂粒可以試。

呢塊係試用，係glycel度買護膚品送既。我知道呢間野賣既面膜都唔平，尤其係冰川面膜，好受貴婦歡迎。我覺得面膜保濕度剛好，有微微香味，因為試用一次未知有冇美白效果☺️但整體係舒服既。

佢內容物搽上眼係好舒服，冇吉吉感覺，可輕微減少眼紋真。但重點問題係，雖然佢包裝金光閃閃好似好靚，但佢用得奈會甩金漆!我整到成手都係，之後搽面成面都係金漆😢結果我要包住佢黎用，如圖二😶🙈

贈品：Glycel X 香格里拉酒店的奢華下午茶禮品套裝。這枝 eye cream 呈白色霜狀，沒有流動性，感覺偏厚，乾肌使用或秋冬使用都很好👍保濕效果理想，用後眼周皮膚水潤，有神❗使用了近兩星期，眼下的表情紋略有改善，感覺不錯啊❣ 不過，可能因為抗老 item，texture 有點厚，比較易令眼皮出油脂粒～

Glycel 日霜，白色乳霜質地，延展性極佳，很容易推開。試過用這個日霜後，使用防曬棒、防曬乳液、防曬霜，都沒有起屑，或者和粉底打架👍對於每天化妝的我，這點很欣賞❗日霜塗到面上很滋潤，能為皮膚補濕，沒有厚重感覺。使用後有滋潤感留在面上，未至於 lightweight。總體感覺很好，會加入我的抗老產品 wishlist。 贈品：Glycel X 香格里拉酒店的奢華下午茶禮品套裝。