Meric好用推薦：Olay 產品聽就聽得多，試用就真係第一次，之前消委會有報告話過佢好，果然厲害！超有驚喜！首先佢質地柔軟，勁容易推開，基本上一搽上面就感覺到肌膚立即變得軟棉棉😱係立即！之後用手撳落去係真係有Q彈嘅感覺😳由踏入三字頭開始，發現今年的表情紋多了，可能本身我表情比較豐富🙈發現額頭眉中間有一條路軌😱 眼底亦開始出現細紋😖所以正在尋求抗皺的護膚品。我用了17天，中間都冇刻意去睇有冇少咗紋，到今日認真睇同影相，就發現真係啲紋淡咗😳超驚喜！我睇返佢嘅成份，佢話有300%膠原增生！😮原來真係得㗎！除咗改善咗細紋，皮膚仲更加有光澤，同埋全日都可以keep住水潤嘅感覺，一啲都唔乾，但又唔會有油膩嘅感覺，超舒服～用咗佢之後再化妝，超貼服！✨ 老實講，我覺得佢性價比超級高，我用過其他同佢差唔多效果嘅護膚霜，價錢比佢貴接近3倍（所以我一搽上面嗰吓簡直係驚訝😱），完全冇諗過原來平嘢真係有好嘢，係諗都唔使諗之後一定會回購嘅產品！我仲即刻介紹咗俾媽咪家姐添👍🏻

HeiWa好用推薦：♦️Olay Super Cream 新生高效緊緻護膚霜♦️ 一直都知道但無用過OLAY啲護膚品，但都知道聽唔少人講過佢喺開架品牌入面係好好用的。今次第一次試用佢最出名嘅面霜，果然係有啲驚喜！👀先睇下佢外包裝，紅色嘅外殼有質感，拎起原來都幾墜手，第一眼感覺都幾高級唔似開架。擰開蓋有個膠板隔住面霜，白色乳霜「撩」上手好柔軟滑身！係我鐘意啲質地！♥️ 唔錯～ 香味明顯，唔鐘意有香味嘅面霜嘅用家可能要注意下。質地順滑好推，清爽唔油膩。本身個人都唔鐘意太笠嘅乳霜，但呢款面霜雖然滋潤但一啲都唔厚唔油，喺唔搽精華液嘅時侯，單搽乳霜後即時有種飲飽水嘅濕潤亮澤感，呢個位非常加分✔️ 而如果平時搽埋精華液再搽面霜，都唔會厚重，有種鎖水感。到第二日肌膚都仲係好柔軟👍🏻👍🏻 喺天氣乾燥嘅日子用，特別睇得出佢嘅保濕滋潤能力！試過有朝一隻手有搽面霜、一隻手無搽去對比做實驗，過左一日摸無搽嗰隻手已經有乾乾鞋鞋嘅感覺，但有搽面霜嗰隻手仲係好滑好潤😆 小小實驗證明保濕滋潤力真係持久！而持續用左10日後，感覺到皮膚比未用前更加嫩滑，就算係額角、下顎呢啲容易乾嘅位，摸落去都滑左大；仲有係臉頰細緻飽滿左，毛孔無以前咁

Kpl6be6好用推薦：鍾意其絲滑質地～感覺用落無增加皮膚負擔～輕盈又易吸收～喺潮濕嘅天氣下用就啱啱好～

mavis好用推薦：非常適合夏天使用既面霜，推開就好似水咁，搽上面零負擔，天氣潮濕都用到

Cole Cole 好用推薦：Olay 呢款長效保濕凝露，保濕效果不錯，但係搽上塊面之後好黐立立，感覺不太舒服。可以當做面膜敷，然後清水洗乾淨，都仲有保濕的效用。不過勝在價錢實惠。

Beast lover 好用推薦：好粘立立，一啲都唔保濕，黐立立之後洗完面等於冇用一樣，用作底霜又唔得，用作晚霜又唔得，用作面膜都唔得。唔適合我，唔推薦。

Tiffany好用推薦：唔會笠嘅面霜，質地是雪花咁，似啫喱又似慕絲，light徥黎有滋潤感。

Angie好用推薦：一推開就好快被皮膚吸收，滋潤度較高適合晚上使用，朝早用嘅話有少少太笠

AmyAmy好用推薦：質地清爽，容易推開，用完之後唔會覺得塊面好油淋淋，保濕度都做得幾好，用完之後甩皮嘅情況有改善，不過由於佢係比較傾向液體嘅質地，所以有時可能攞出嚟嘅時候攞唔穩，傾斜啲啲，就會整到成個蓋都係。整體上嚟講以呢個價錢，其實都已經係一個唔錯嘅保濕產品。

維他他好用推薦：便宜好物，Olay其實啲野有時都幾好用又抵，呢個cream就係，保濕，唔笠，第二朝都keep到，ok wor ， 有驚喜！

jaye好用推薦：多元修護霜，做唔到，少少保濕係有既，但個種保濕係春夏天用好笠，未見任何修護功能，反而春夏作晚霜用個陣第二日人起粉刺，唔岩敏感皮膚用。

綺羅香好用推薦：讀書時仲未有充足嘅護膚概念，已經特登慳住洗都要買支total effect，覺得抗老要由細個開始，咁多年外殼無變過，唧出嚟係肉色嘅cream，帶一陣好重香料味，細個時皮膚仲好好，所以未睇得出有咩大改善，不過係有保濕功效，大個再用返，反而覺得無咁好用