Cetaphil 舒特膚 好用推薦產品

mysecretgarden好用推薦：舒特膚呢支抗氧化精華用深綠色嘅玻璃樽裝住，加上白色的滴管，視覺上好有醫美護膚品嘅感覺。同一個系列有分日用同埋夜晚用，朝頭早係防禦用，抵抗外面污染。 佢嘅質地好清爽，流動性高，推開之後完全零黏膩感，好快就吸收晒。對於早晨趕時間要上妝嘅人嚟講非常友善，完全唔會同後續嘅防曬或者粉底打架，亦都唔會起屑。成分主打抗氧化同抵禦日間環境傷害，我自己最明顯嘅感受係保濕。 平時過咗中午，底妝好容易因為出油氧化而變黃變暗，但早上記得搽佢嘅話，底妝嘅持久度真係有改善，少咗浮粉。而且舒特膚一向主打敏感肌可以用，質地溫和唔刺激，就算皮膚處於少少微敏感嘅狀態用佢都好安心。 #火熱新品

hellolulu好用推薦：一段時間前入手優惠三件套其中一件～ 初購入時為秋冬完全不夠力，所以放在一角。直至近日天氣開始回暖潮濕，乳液質地輕盈容易吸收，無香味，低敏配方亦有助舒緩轉季皮膚敏感不適，加上含有透明質酸，有效保濕鎖水，在早上清潔爽膚後用乳液取代保濕精華打底，再塗上防曬面霜就剛剛好👍 價格親民，性價比高，多用也不心痛👍

jellybeanyay好用推薦：質地易推、用喺眼周冇刺痛嘅感覺，但明顯泛白，好大陣傳統防曬嘅氣味，上面後望落油笠笠、唔清爽 只會喺屋企/落一落街用

Kiki_lam好用推薦：Cetaphil透亮抗敏瞬間淨白面膜，一見到Cetaphil就知道唔需要擔心用後會皮膚敏感泛紅，性質溫和！

劉肥貓好用推薦：較為清爽嘅潤膚露 容易推開吸收快 冇色素香料酒精礦物油 適合秋天或者春夏天開冷氣時使用 適合喜歡清爽的朋友使用 但在較為寒冷乾燥時天氣 滋潤度保濕度未必足夠

Kelvin好用推薦：呢款精華係啫喱狀，使用感覺比較舒服。佢一罐入面係透明質酸再加啲精華，成個產品好得意，亦都好吸引。精華主要成分有胜肽、VB3同VB5，主要可以增加膠原蛋白，皮膚睇落更飽滿。 洗完臉之後，會先用呢個精華，然後先用面霜。佢嘅質地好水潤，亦都好快吸收。我差唔多用咗一個月，整體感覺唔錯，質地啱啱好薄薄地，而且冇香精味。 我覺得用完冇咩特別驚艷，冇其他特別改善。依個牌子本身唔算伏，但呢枝精華冇咩特別。 #火熱新品