heme 好用推薦產品

jhope0725好用推薦：【2024】我最喜愛胭脂產品，非佢莫屬！ 平時廣告就見得多，今次係第一次嘗試heme嘅胭脂，一試即刻成為粉絲！而家係我嘅首選胭脂，就連聖誕出外影相，都係用佢！  粉質方面，呢款胭脂非常細嫩，用手指頭畫過胭脂表面，幾乎見唔到粉粒，近乎 cream一樣！上到面好容易推開，唔會出現一達達嘅情況，非常親膚～另外產品亦唔似某啲開架品牌，好容易接觸到皮膚嘅油分而變成鏡面。 佢嘅顯色度甚高，又唔會過分搶眼，可以為蘋果肌添加自然光澤，尤其是我揀呢款1號顏色，同廣告冇乜色差，真係有無花果淡淡橙紅調，好似自然被陽光曬紅嘅感覺，新手都完全可以控制到，唔需要怕太紅 特別要讚嘅係，坦白平時好多品牌嘅附送胭脂掃都會好粗糙，又或者抓粉能力相對較低，但呢個品牌嘅胭脂掃值得一讚，不但只親膚，而且抓粉能力很高，去旅行無需要額外再帶胭脂掃，一盒搞掂，非常方便！ 總體嚟講，幾十蚊就買到大品牌嘅質素，性價比高，產品效果10分滿意！值得推介比身邊朋友，就算係自己都可以儲齊咁多款顏色😀唯一要改善嘅就係包裝外殼容易刮花，好快就唔見咗品牌名稱，廠商要好好考慮呢

Cc2016好用推薦：第一次買heme嘅產品，因為朋友介紹話好好用，呢次喺網上減價有優惠好平，用落顏色唔錯，夠上色，下次減價會再回購，自用定係送俾人做禮物都好適合

bibubibu好用推薦：顏色06 toasted nut 非常之顯色 可以比得上專櫃質素 使用時要小心啲 唔好拎太多粉 有少量閃粉 都算低調 佢望落去嘅顏色就係上面嘅顏色 都幾持久 搽完去街唔需要補 個包裝黑色低調 又有塊鏡 以佢嘅價位嚟講包裝幾好 產品又好用 推介！ 可以多買幾隻顏色