CLIO 用家評價

Clio嘅氣墊無論係黑方盒定粉方盒都好出名，而呢款黑方盒（色號3）係我人生中第一次用嘅氣墊粉底。 雖底色號係比較白，但本身諗住3號（自然亮膚）已經係深咗一度，結果原來都係偏白，所以如果下次買呢款嘅話我會試吓買3.5色號。 呢隻嘅好處係佢有SPF50+/PA+++，已經唔使另外搽防曬，黑方盒係啞面妝感，遮瑕力都幾高，持久度亦都好高。 不過個人覺得缺點係會氧化同埋鼻翼都會脫粉，當用咗大概超過八個鐘之後個粉底就會暗，而佢暗咗嘅顏色就反而比較啱我想要嘅顏色。 整體嚟講其實個妝感都幾靚，不過我會繼續試吓唔同類型嘅粉底先再考慮回購。

CLIO氣墊設計真心好靚，我買呢個係水晶奶茶色方盒，設計簡單，但入面好吸引眼球，佢係貓咪限量款，入面加左貓既元素，粉撲同氣墊都有貓印，令到我唔捨得唔帶佢返屋企，佢仲要靚得黎，係真係好用，我買左2號色（自然偏白色），微香，拍上面感覺好水潤、有光澤、貼服、妝感透簿、唔會有焗同掹緊，暗瘡皮膚都無惡化同敏感，最鐘意CLIO既遮瑕力強，好適合我用黎遮斑遮印，趕時間出門拍兩拍就可以，SPF50高防曬足夠日常，持久力唔算強要補妝，但控油平衡得幾好，出少左油，就黎用完，黎更想試下買返細粒裝，方便出街 #我的崇光感謝祭必買氣墊粉餅

之前想揾mini裝嘅cushion粉底，方便去旅行/出街攜帶，唔使佔咁多空間。機緣巧合見到clio有mini版，網上評價又唔錯，就入手一試。 比起其他嘅粉底形態，更鐘意用氣墊粉底，因為覺得就算係化妝新手，都可以化到一個貼薄自然嘅底妝。clio呢款氣墊粉底，望到粉盒外觀已經心心眼。粉盒內有鏡，方便隨時隨地上妝，而水滴形粉撲嘅尖端位，就方便鼻翼或者眼頭位置上粉底液。自己好怕化完妝之後，面色同頸嘅顏色色差好大，呢款粉底就冇咁嘅問題，上妝之後顏色好自然。另一個要力讚嘅位，就係遮瑕度好高，來回拍多幾次就可以輕鬆遮到黑眼圈。而且持妝度都好高，去旅行化好妝後，早出晚歸，脫妝問題都唔算嚴重。 clio呢款氣墊粉底絕對唔算貴，仲要做到以上功效，CP值絕對超高！ #我的崇光感謝祭必買氣墊粉餅

簡直係Clio 的忠實fans 佢家的眼影我有7盒🌟 作為韓系眼影，不會超顯色，適合新手使用，慢慢叠加上去 雖然唔同盒都有唔同的combination, 但眼影大致上有4種texture： 1. 啞面 2. 小閃粉 3. 碎鑽 4. 大閃片 以呢盒15 Spring Sunshine 為例，就4種texture 都有齊 我會認為唔好選成盒都係閃個種，因為啞面的眼影真係好重要，做底色唔會顯腫 話晒一盒眼影 最好可以一盒帶出去都夠用，全閃片好難自己一盒用 當然Clio 眼影2/3盒一齊用 可以有好多好靚的combination 🌸🌸

終於入手clio最出名嘅cushion 質地好薄又透氣, 唔會為皮膚帶嚟負擔 遮瑕度亦好高 基本上唔使上碎粉就可以出街 防曬度亦夠, 推薦！

clio 十色眼影盤02 rose connect， 全盒粉嫩pink tone，由深至淺嘅粉紅色組合眼影盤，4格閃，有少少飛粉持久度 一般， 但粉質唔錯 ，顯色ok，適合打造近來韓糸夏日元氣妝容。

性價比好高嘅眼影盤，容易上色同顯色，而且帶微微嘅珠光同閃粉，但就有幾款顏色比較難常用

已經好耐無用過BB cushion ，因為好驚一用就爆暗瘡，細妹推薦我用Clio mini bb cushion ，貪佢夠細容量又唔多，唔啱用都唔會咁肉赤，就買哂黑色同粉紅色款 黑色係霧面，遮瑕度高啲，同正裝一樣係海棉內籠，粉撲就係正常形狀，而唔係有凹位嗰隻款，粉紅色係水光肌，遮瑕度相對低啲，同正裝一樣係網面，兩隻都細細粒容易袋出街，近期我係youtube 學咗bb cushion 正確上妝手法，先係將粉撲沾滿粉底，然後係內蓋拍均勻，係面中輕輕印第一下，再用打圈方式慢慢由內至外拍開粉底，咁樣出嚟嘅底妝最薄最貼服，我分別用手兩隻bb cushion打底，覺得黑色比較適合我，持妝半日都無點甩妝，遮瑕度又好，而粉紅色就有啲浮粉，第時買正妝應該會買黑色款多啲

成日戴口罩, 令我皮膚周不時生暗瘡, 變相暗瘡印都唔少, 而新版呢款粉底的遮瑕效果唔錯, 係無用遮瑕膏情況下, 單用它都能遮蓋到面上的暗瘡印7-8成, 再係瑕疵位重點再印多層, 瑕疵已唔多覺, 皮膚睇起嚟更光滑細緻! 至於粉質方面, 它質地帶隱隱約約的光澤感(不是很強烈的光澤), 上臉後妝感較薄不厚重, 而且非常細緻貼服, 用後皮膚不會覺得乾! 持妝度都幾高的, 早上化完到晚上, 期間鼻位都有出油, 但用紙巾印都只係甩少少粉, 浮粉情況唔明顯, 好強呀~ 呢款粉底附送的粉撲外型是有個小缺角的(不是圓形), 這個缺角位上粉是剛好付合鼻翼缺角位, 加上粉底具有防曬SPF50+ PA+++, 一次過搞掂唔使再搽防曬! #火熱新品

Clio 的液體遮瑕膏 質地易推 高遮瑕度，可覆蓋面上斑點及瑕疵 粉質夠細緻，所以保持輕薄，不會有太厚重感 紫色有提亮膚色的作用，可以中和膚色中的黃調，讓皮膚看起來更光亮，適用於偏黃色調的肌膚。有時我會用作提亮，提亮眼角和T字部位，讓妝容更具立體感。 左: 3 號色 右：紫色

大地色系眼影一向不嫌多吧! Clio 呢款into lace 首先包裝吸引， 其次就係實色閃粉一盒齊全! 最淺色的我用嚟打底，深色系可以用眼線掃上佢為自然嘅眼線。 之後再用手指上閃粉，咁就最自然。 老實說這盒眼影的質感不算十分好，但勝在上色和方便。 我不是油眼但都要用primer打底先hold 到一整天。

好顯色 呢隻紅本身算幾靚 可惜好顯唇紋🥲 同埋一飲野就甩晒色… 唔太鐘意..

呢款新版cushion遮瑕效果好高，完全唔洗用遮瑕膏， 質地帶有光澤感，輕拍一層已經可以完成整個妝容， 可以做到細緻貼服效果，好適合乾性皮膚係秋冬天使用。 而且防曬有成SPF50+ PA+++， 不過用完佢戴口罩會痴到口罩都有好多粉🥲 同埋妝感都偏厚，用完要好徹底落妝先得！

有綠茶香味（？），質地好輕薄舒服，我平時會點係內唇再解手指點開就夠色了，全搽會好紅。韓國牌子，即使揀咁紅色都啱一般亞洲偏白膚色用，好顯白，好突出 因為我怕乾，所以覺得乾既時候就會搽下潤唇膏，唔理佢係咪matt（笑）。即使如此，佢都有染唇效果，顏色好持久

去韓國旅行嗰陣時買嘅，鍾意佢顯色度很高，可以打造雅致嘅唇色，輕鬆打造性格妝容，超適合秋冬天使用。詢問度很高喔。