Rachel Wine 用家評價

最近試咗 Rachael Wine 嘅礦物粉，真係好啱我呢啲皮膚敏感又追求健康成分嘅人。我本身皮膚冇咩大瑕疵，但係膚色比較暗淡，最想搵樣可以修飾膚色、等個樣睇落精神啲嘅底妝產品。尤其是夏天，用粉底或者氣墊嘅話會有焗住唔舒服嘅感覺。 使用體驗： 呢款礦物粉最吸引我嘅係成分天然安全，連孕婦都適用，用落好放心。質地超輕薄，開頭有啲唔慣點用，因為真係零粉感，完全唔似一般粉底咁有厚重感。不過慢慢拍勻之後，就發現膚色均勻咗好多，仲有微微提亮效果，成個妝感自然到好似本身皮膚就咁好咁！礦物粉底唔會塞毛孔，夏天出汗都冇焗住嘅感覺 。 雖然唔算超強控油，但出少少油後反而更貼服，輕輕印日印就可以繼續。之前試過行山嘅時候用，行完一日個樣都仲見得人。如果油皮可能要補一補，但係因為粉狀所以當防曬咁補都好方便。而且用普通潔面產品就可以，唔需要落妝非常方便。 而家已經成為我日常必備～ 尤其係趕時間返工，撳兩撳就搞掂個底妝，仲睇落精神晒！ 建議配合返佢支專用化妝掃用，上妝會均勻好多。整體來講，呢款礦物粉真係好啱我呢啲追求自然妝感嘅敏感肌人！唯一缺點係價錢比較貴，日本網購嘅話會平好多。

防曬粉真係油肌/混油既防曬BBF！！我唯一可以安心純用洗面奶洗走既防曬產品☺️敏感人士要試啦！！！佢無香料、無酒精，濕疹、暗瘡、細路、大肚婆、醫美術後等等等等都可以安心使用！ 憑肉眼睇，佢隻粉會帶少少黃色，可能因為有幾隻保濕份子啦。但上臉唔會顯黃，反而有少少blur毛孔！使用感受，2個字，清爽！比任何防曬產品都一定清爽！戶外/化妝個陣我會拎來做蜜粉同補妝，怕出汗出油會被我抹走，所以大約2-3小時補一次，室內既話剩係用佢都夠做，全日唔洗補！！ 佢有SPF50+ PA++++ ，純物理防曬，海洋友善配方，唔洗擔心影響地球環境！ 但係佢支伸縮掃未到十分好用，只係可用程度，有更好既選擇。而我只建議用化妝掃上粉，粉撲未必夠均勻。因為佢粉唔算幼細，如果潮濕，甚至容易結塊，盡量用掃打圈散番開！ 缺點： 1）佢粉盒呢個設計我唔算太喜歡，取粉唔夠幼細，要借用佢個蓋，然後因為粉帶黃色個蓋又好容易變黃… 2）外出用個陣，佢起個袋「浪」來「浪」去，冇防備之下一打開蓋可能走左好多粉出來，試過浪費左d粉之後我每次開之前都會敲下個蓋，等多d粉跌番落盒。 如果個包裝有新設計改善下就更好啦！

日本女生力推🙌🏻✨定妝控油神器 💜Rachel Wine礦物防曬粉 告別厚重面具妝效🪄🧚‍♀️ 今季必入 Rachel Wine UV礦物防曬粉 榮獲日本 @Cosme 銷量冠軍及蜜粉大賞第1位的防曬粉 ▫️具SPF50+PA++++最高防曬效能 ▫️粉粒細柔透薄，展現自然妝效 ▫️溫水輕鬆卸除 配合歌舞伎礦物粉底掃 ▫️日本嚴選極細緻刷毛，刷毛柔軟豐厚，纖維密實豐厚，超強抓粉力，一掃即勻
▫️人體工學弧形設計，完美貼合輪廓，鼻翼及眼周零死角上妝 宜家定妝 + 控油+高效防曬一 take 過 敏感肌或大油肌都岩用🥰

當皮膚狀態不太好或太炎熱的天氣，我都會選用rachel wine的礦物粉底，用上臉好清爽不黏笠，再加一層散粉係面就可以hold到全日，夜晚耐左仲會有一種奶油肌的感覺，全面的底妝都hold得好好，鼻翼兩邊位置只有少量脱妝情況，十分滿意礦物粉底的效果！

一直喺度搵可以出街補嘅防曬，上一年終於比我搵到呢隻Rachel Wine嘅礦物防曬粉！搽上面可以做到輕微修飾毛孔，而且係SPF50，有時懶起上嚟唔化妝都可以搽佢落街。個人比較鍾意用埋佢個數，可以上得均勻啲，唔會一撻撻。

最近試咗 Rachael Wine 嘅 UV 防曬粉，真係解決咗我夏天補防曬嘅煩惱！以前用開液體防曬，成日覺得好焗身，仲會生粒粒，搞到我都唔敢帶出街補搽。但呢隻防曬粉就完全唔同，質地清爽唔油膩，拍上臉完全冇負擔感。 我最鍾意佢方便攜帶同使用，而家出街可以隨時補防曬，唔使再擔心曬傷或者曬黑。佢仲可以當碎粉用，幫我吸走面油，個妝容keep得耐啲又自然。最驚喜係用咗一排都冇生粒粒，對敏感肌真係好友好。 雖然防曬效果可能冇液體防曬咁持久，但勝在可以頻密補搽，而且質感舒服好多。而家已經成為我手袋必備品，尤其係夏天戶外活動時，真係幫咗我好多！

一出門行得耐，除咗補妝仲要補防曬，但係好難係全妝嘅臉上面補液體防曬，一唔小心就毁妝，用噴霧式又驚會整到一撻撻，呢個時候防曬粉反而係最好嘅選擇 之前用咗Rachel Wine嘅礦物粉底同妝前粉，覺得好好用，對痘痘肌零負擔，同牌嘅防粉曬都超出名，有SPF50 PA4+高防曬系數，比etvos防曬粉仲要高，黃色防曬粉會有少少調色作用，平時難得化妝又唔想用液體防曬時，上一層就可以出門 早前為咗想睇下實物仲特登去上堂試用，老師教用防曬粉打底，再上礦物粉底，完妝之後再上少少當定妝，雖然上咗三層粉，不過塊臉唔會乾，帶出街補防曬都好方便，同埋唔知係咪關成分事，上咗防曬粉啲暗瘡好似謝得快啲，完全唔會惡化，而且用一般洗面乳就可以洗乾淨，除咗價錢有啲貴之外，根本無得彈

用過etvos 礦物粉底之後，一直都很想嘗試同樣有名的RW礦物粉底，聲稱只有7種成分，專針對敏感同痘痘肌，唔需要用任卸妝產品落妝，可惜之前去日本搵唔到，後尾終於俾我係香港搵到有鋪頭賣，就一口氣買咗幾款產品試用 RW嘅色號比etvos多啲啲，唔清楚自己係咩色號就最好買試用，因為佢嘅價格偏貴，色號唔啱都幾肉赤，我買咗M00同M01，後者比較接近本身膚色，上妝技巧同etvos一模一樣，粉質幼細清透，上咗兩層粉之後，係我最愛嘅霧面妝，無乜粉感，亦無任何負擔感，但係遮瑕度略低，雖然可以透過疊擦增加遮瑕力，但係比較深色嘅瑕疵最好係底妝前用返遮瑕產品，戴口罩（立體款）出街半日，鼻頭同鼻翼輕微出油，不過並未甩妝，亦無發現暗沉，口罩淨係鼻哥位有少少粉底  返屋企落妝特登先用洗臉乳洗一次，再用滴咗卸妝油嘅化妝棉抹一下，的確無粉底殘留，anyway如果有用其他牌子嘅化妝品，都係要乖乖地好好落妝，卸妝後無發現新冒嘅暗瘡 整體而言，RW除咗對我嚟講遮瑕力稍微不足之外，其他地方都無得彈，日後再回購正裝

RW嘅遮瑕粉一共4色，我主要用嚟遮黑眼圈同斑點，就揀咗最淺嘅兩個色號，第一次接觸粉狀遮瑕，就好好奇係咪真係遮得住啲瑕疵，同時亦都驚會唔會因為太乾出現細紋斑駁 睇教學係上底妝之前，倒適量嘅遮瑕粉出嚟，用眼影掃沾少少，用按壓方式上，上一層遮黑眼圈大概可以遮6-7成，遮瑕力會隨住疊擦而增加，上兩層都遮到8-9成，但唔會覺得眼下皮膚好乾，因為考慮到會再上底妝，就無上第三層遮瑕，斑點就上一層就遮好，上底妝時驚會擦走啲遮瑕，都特別改用按壓式上有遮瑕嘅位置，完妝之後啲遮瑕好自然溶入咗底妝，唔會睇到明顯痕跡，持妝全日眼下都無乜點甩同現細紋，真係好神奇

之前用過etvos嘅妝前粉感覺可有可無，睇YouTube 話用RW妝前粉會令妝效更加好，就入手其中2個色號試用（一共3個色號），一個亮粉色同另一個金黃色，亮粉色利用調色原理，幫助遮蓋黑眼圈，又或者提亮蠟黃膚色，而金黃色可以修飾泛紅，兩隻色號都可以撫平毛孔同凹凸，平滑肌膚表面，更容易上妝，雖然睇落顏色好似好鮮艷，但用量好少，上面唔會一撻撻顏色，我集中上係鼻頭同鼻翼呢兩個毛孔粗大嘅位置，啲粉填滿哂毛孔，後繼上粉底的確平滑咗好多，唔會因為用太多粉狀產品而出現乾紋卡粉，鼻哥出油都唔會點甩妝，的確非常好用

夏天出門最煩就係補妝，尼款防曬粉不但可以補防曬，同時可以當補妝既碎粉，細細盒好方便。

之前一直用開synergie minerals嘅礦物粉，覺得唔錯就想試吓其他牌子嘅礦物粉。 Rachel Wine呢盒非常之細盒，但根據官網講可以用到三個月～ 我唔係每日用，所以都用得耐過官網講嘅時間。 上粉前最好用紙巾印乾晒塊面啲油先，如果唔係會上到一撻撻！ 我主要都係倒落個大啲嘅碟度，再用kabuki 掃上粉嘅😁 粉嘅質地好幼細滑，上左面之後會好似好白咁，但等大約十分鐘就會開始自然返，而且會變到好似用咗柔焦鏡咁，睇落皮膚會好好～😆 就算生暗瘡用都唔會令暗瘡惡化，個人對呢個新產品幾有好感！