ISSEY MIYAKE 用家評價

開心成為第一個寫同推廣Issey Miyake呢枝solar lavender既人！😂  前排撞正百貨公司做六折，就去左Issey Miyake個櫃試聞諗住送枝香水比老公，聞左佢幾枝出名既eg雪松？，覺得太aggressive唔太岩自己口味～ 然後試左呢枝相對較新既「薰衣草」味（2024先出），一試即愛上！ 首先樽身非常靚！上面係深啡木紋，好有質感！香味方便，用兩個字形容：「舒服」～ 香　　調： 草香清新調 前　　味： 葡萄柚、胡椒、肉豆蔻 中　　味： 薰衣草、天竺葵 後　　味： 岩蘭草、雪松 雖然佢既前調有胡椒，但消失得好快，所以冇一種好攻擊性既感覺，之後湧上黎既已經係非常好聞既木質香！好似置身係薰衣草森林，然後有陽光灑入黎既感覺！非常溫和舒服！ 個人感覺： 適合初出茅廬既職場男女，唔想比人太進擊，但又想比人知你有精心打扮既感覺🤣

Issey Miyake 一生之水淡香水（L'Eau d'Issey）是一款經典款香水，以其清新的水感和花香為特徵。其散發出如水般的清新氣息，不會太濃，又會比到人有存在感，讓人感到舒適和靜謐。 其融合了蓮花、玫瑰和白花，所以會比人一種優雅高貴的感覺。雖然是淡香水，但其持久性表現相當不錯，能夠持續數小時，讓人隨時感受到香氣的存在。 前調以蓮花、小蒼蘭、櫻草和玫瑰掀開序幕，緊隨而至的是康乃馨 百合和牡丹融和而成的鮮明主調，最後以麝香、琥珀、晚香玉 檀香等的木香作結，清雅而感性，留下難以忘懷的嗅覺烙印 適合肌膚：任何 持香度：4.5/5 值得推薦度：4.5/5

呢款香水嘅香味真係好好聞，我每日都會噴，噴完香味留香時間長，係成熟知性嘅味道，係我絕對會再回購嘅香水 @cosme #火熱新品 #火熱新品

呢支係最經典嘅 「一生之水」 超好聞嘅香水，亦係品牌嘅王牌產品 結合水生同花香調 味道幾清新 同時又可以留香很久的 唔會太濃同太俗 噴兩下 已經keep到大半日 而且好多人聞完都讚香 會問呢支係咩香水 係有啲成功感 證明支香水好好聞，大家都喜歡呢隻味道 係我好鍾意嘅一支香水 個人覺得比較適合年輕嘅女性使用

ISSEY MIYAKE嘅香水，感覺都係偏中性向，雖然呢款好似係男士用香水，但我覺得女生用都完全冇問題，尤其係夏天想用香氣清爽少少嘅香水，呢個品牌不嬲都係一個好嘅選擇，香氣輕柔、帶有透明感，唔會有厚重嘅感覺。呢款香水有夏日海洋氣息，聞落帶啲清新、赤足踩沙嘅感覺。 如果喜歡甜美香氣，呢款未必係你杯茶。但如果喜歡中性、知性嘅香氣，就可以一試。

似棉花糖味，好甜的感覺，比較適合甜美既少女，好似岩年輕d既女士。

香味聞起來很舒服，不會太濃烈，但香氣一般只可維持一段時間，適合不喜歡太濃香水的人。

鐘意issey調配嘅香氛都帶有清新嘅尾調，violet個人未必係最鐘意，但呢種調配我唔會好抗拒

好清的花香味，清清地又甜甜地，好適合春天夏天使用，好多男性朋友都話好聞

就咁聞果陣，覺得呢支係做得最似真木蘭花既香水！好喜歡，不過噴上身之後，覺得唔太襯自己。如果鐘意木蘭花香味的人，可以一試。

係我最鍾意嘅玫瑰花味，味道好甜，噴上身味道可以維持到3至4個鐘，產地係法國，呢款香水好有少女嘅味道，推薦 @cosme

Issey miyake 呢款男士香水主香調含刺柏木，香檸檬油同埋熏衣草 中調：鼠尾草， 胡荽，小蒼蘭 基調：檀香木， 笞，雪松 其實木味係比較重 我自己本身好鍾意木味嘅中性香水 所以呢隻香水我都好鍾意🤣🤣🤣 話就話買俾男朋友 但我自己都會噴 個人覺得著西裝開會前噴一噴 氣場都強大啲🌝🌚 #火熱新品

以雪松木為香氛基調，雪松本身自己味比較濃烈單用我麻麻地，但加入牡丹花花瓣、混合玫瑰、梨子及白覆盆子，成個氣味豐富咗、甜咗，俾人感覺有活力繽紛嘅夏日感。花香味好濃烈嘅一款 #火熱新品

呢款淡香精係適合男士使用，散發出淡淡嘅木香味，有種落落大方而高雅嘅感覺，非常好聞！

- 好有大自然清新感覺，雖然話係男士香水，但我覺得偏中性，男女都喜歡嘅香味 - 含大馬士革玫瑰，但經過檀木同雨滴洗禮後，香味變得唔同，有種昇華咗嘅感覺，同樹木大自然融合一體嘅香氣 - 聞完嘅清新係帶點溫柔，係一種平宜近人，人畜無害嘅舒適感 - 平日用都有種靜化心靈嘅感覺，愈聞愈鐘意！ #火熱新品