Enamor 用家評價

行Cosme時見到，多手試用就買咗返屋企… 外型小巧，半透明黑色蓋，簡單一個Logo 高級感100分 好顯色，而且顏色實用， 掙扎咗好耐買咩色，因為每隻都好好睇 而且閃粉好細緻，唔會有顆粒感。

Enamor嘅珠光彩鑽光影粉？呢盒真係靚到唔捨得用啊！ 粉質同閃度： 佢嘅粉質真係幼細到冇得彈，一啲都唔飛粉。最正係佢嘅閃光，唔係大粒廉價閃片嗰種，而係好細密、好似碎鑽一樣嘅高級珠光。上臉之後，光澤係一層層咁透出嚟，好有層次感，唔會死白一撻。 效果同用法： 掃上鼻樑、眉骨同顴骨上面，個效果真係「嘩」一聲！即刻嘭起來，輪廓立體咗好多，成塊面充滿咗水光感，好似皮膚自己識發光咁。無論係日常淡妝定係晚宴妝，都好容易carry。 總結： 如果你係高光控，呢盒真係必收！性價比高，效果拍得專櫃貨，絕對係開架入面嘅隱藏寶藏！用咗之後成個妝感即刻升級，成日都忍唔住想照鏡啊！

近排興紫色，想買紫色胭脂試下，又怕上面好奇怪，所以就揀咗呢款開架產品，價錢唔太貴之餘，品牌質素又有口碑，係性價比之選。呢款係一款通透的偏紫冷粉色，上面顯白，而且已經帶閃粉，所以唔洗加highlight。

係日本旅遊時買嘅，行咗幾間才買到一盒。 粉質十分幼細，係低調嘅閃，上面好靚。 好開心香港終於有櫃～～