Fng好用推薦：sabon hand cream citrus blossom 好香嘅橙花味 ，滋潤度好好，搽完對手滑嘟嘟， sabon香氣都last到兩三個鐘， 但當然相比jo malone 就個人覺得jo Malone 香氣更持久。

_jc好用推薦：人生用過其中一支最好用嘅潤手霜！質地唔算厚重得你又會有一定嘅保濕度，平時喺office 吹冷氣同埋洗完手都會即刻搽翻～ 保濕度夠之餘香味亦都好舒服，推薦購買！

Fng好用推薦：by terry補濕碎粉， 乾皮嘅我覺得 補濕力極好， 全日唔會起乾紋。 極幼細粉末，與肌膚自然融洽，遮到毛孔細紋，天鵝絨妝質感。

黯然仙人掌好用推薦：超細緻嘅粉，係會打開就飛走嗰隻，粉係白色，但上面係透明，妝感係薄透，唔會有粉感，混油肌用會有啲易溶，可能會比較適合乾肌人士

Maggieyt好用推薦：見呢支眼霜勁多人推介 而且價錢合理，已經用左2支，質地易推易吸收完全唔笠同埋冇起過任何油脂粒，用完對眼唔乾，就算開左晚冷氣隔日起身都唔乾，有優惠嘅時候可以再買多幾支

kayla.me.me好用推薦：眼周肌膚系面部最脆弱嘅地方,如果喺平日卸妝後,即緊接呵護眼肌,提升眼肌油水比例,就可以令肌膚亮透同保濕度即UP!再提升眼肌膠原細胞,使眼肌緊緻同彈潤度UP! UP! 想做到以上效果?我會選擇有醫生權威推薦嘅抗皺成分GNIVEAⓇ CELLULAR FILLER 全港No.1 眼霜。 佢有新升級膠原,1日就可以提升+33% 細胞再生, 更多膠原增生, 眼肌膚更彈潤緊緻嫩滑。 蘊含高濃度透明質酸+膠原Booster, 仲有抗氧化強效嘅維他命E, Glycerin, Magnolia 萃取精華→可減淡細紋、修護保濕、抗皺緊緻 而且抗皺效果仲超越專櫃品牌。 搽上去容易推開,仲吸收得好快,使用7日密集修護後,達至明亮水 嫩眼肌。

A&R好用推薦：很久前買過，味道太濃烈，好甜，好似成身搽咗蜜糖咁，有啲頂唔順。保濕方面都好黐立立，表面有些油膩。吸收一般般。用過幾次都唔會再用。

Kaying Yeung好用推薦：香精味實在係太濃 無法接受 利申：愛用bodyshop handcream&身體乳酪🥲🥲🥲我之前買佢西柚味身體乳酪覺得幾好用 但呢個cream真係唔鍾意 缺點1. 味道係好假嘅士多啤梨糖味 缺點2. 延展性好低，傑身硬牛油質地搽係上黎唔太方便 缺點3. 承上延展性問題，雖然細細盒想帶出街用，但每次要用手指刮出黎，卡係手指甲入面 感覺唔太衛生🥲

A&R好用推薦：加少少水就出好多泡沫，潔面效果很好，清潔力強，而且亦很保濕。可以去面油，洗完面唔會好乾，有保濕唔會掹掹緊，好清爽。

shadow影子好用推薦：份量好少，已經可以搓出豐富嘅泡沫，潔面效果很好，而且亦很保濕。

Sophiaso好用推薦：冇試香味就買，香味個人麻麻地，泡泡都好棉密，沖完涼唔會覺得乾，都OK

A&R好用推薦：純粹因為香味而買，lux 產品出名香味濃烈，而且質地好杰身，唔會好似溝咗水禁稀。香水味藍風鈴味道好香，沖完涼都滋潤。價錢中等。不過好似冇抗菌功效。

Emma W好用推薦：有淡淡的香味，質地比較潤，但用後唔會好笠，慢慢用手心推開，好快吸收。 產品適合輕熟齡肌，其蘊含袋鼠花萃取，從肌底增生膠原蛋白，令肌膚重拾彈潤緊緻。 升級配方更加入［活力紅球２＋保濕２］複合因子，以紅海藻及紅蔘萃取結合激發肌膚細胞活力；配合透明質酸，瞬間保濕鎖水，全面提升肌膚吸收力。

Kura好用推薦：呢款精華水好適合30歲以上乾性肌膚，我用完覺得皮膚好似飲飽水咁，呢款精華水嘅質地係偏濃稠嘅，上臉按摩一分鐘完全吸收，夏天用特別舒服，完全唔會有油膩嘅感覺，用完一段時間睇到皮膚有變化，係一款好值得試嘅抗衰老類型嘅精華水，我會繼續回購呢款精華水，我亦都好推薦俾熟齡肌膚嘅大家，希望大家鍾意我今次嘅分享

Yanny好用推薦：我自己本身係中性偏T字位油，皮膚少少敏感 今次係比YSL呢一個粉底嘅設計所吸引 外型非常之型格，用來做裝飾都非常之吸睛 質地偷薄，基本上用好少份量已經可以用晒全面 但係我唯一覺得持久力爭少少，可能因為我本身T字位比較容易出油，而家又係轉天氣準備踏入秋天 所以一出油就感覺好似成塊面好油淋淋咁 持妝效果，我覺得一般 但係遮瑕到我覺得都足夠，如果面上唔係話有好多嘅瑕疵需要遮嘅話都完全cover到 其他人話出遊感覺望落似奶油肌 但係可能我自己就麻麻哋嗰個觀感 覺得望落去似油光滿面多啲

Akassoo好用推薦：今次試用Le Cushion Encre de Peau新出嘅輕透無重羽毛氣墊粉底20號色，以前未用過YSL Beauté呢個牌子，但一直都知道喺粉底方面都幾出名，同埋啲氣墊包裝勁靚。 呢隻新出氣墊粉底亦有主打高性能護膚成分，喺上妝嘅時候同時為塊臉護膚，不過我自己覺得可惜嘅係佢掩瑕力較弱，但可以再喺需要掩瑕的位置上重點印上粉底液。 個人覺得呢一款粉底妝感唔錯，試過上妝超過10小時仍保持得不唔錯，只有鼻翼有少量溶妝（本人係混合偏乾，兩頰位置偏乾，但係T字部位出油）。加埋呢一隻粉底液有保濕成份，混乾皮使用亦唔覺得乾。

Hamiii好用推薦：呢個牌子既面膜我已經用左好多盒，性價比好高👍🏻 呢一系列既面膜比較偏大塊，我要摺住用 面膜紙觸感係好舒服，好滑，拎完塊面膜都無咩精華殘留包裝袋 不過我係真心好唔鐘意張定位紙🤢 張紙太硬，根本起唔到作用😵‍💫次次都都掉左先上面，感覺有d唔環保♻️ 面膜本身幾補水，如果塊面當日狀態唔好，會有小小拿拿地。 留意番呢款面膜建議時間係10-15分鐘，敷開20分鐘既記得睇時間起膜🤣

Connor好用推薦：呢個牌子嘅面膜真係由細用到大，便宜大碗，而且效果都ok 呢款係我用得最多同最常回購，面膜紙適中，好貼面，內含精華液又多，敷埋頸都可以，用完塊面唔會好粘笠👍🏻皮膚即刻可以保濕鎖水

Karman28好用推薦：已經買過好多支，佢好易起到泡，清潔能力很強。但唔知係咪去油脂太勁，曾經都有d 時間洗完塊面會好崩緊，但勤力補水後，又無呢個情況。

lingbb好用推薦：用緊第n枝，皮膚敏感用佢洗面都不怕 只要好少份量就可以起好多泡（如圖) 香味剛剛好，泡泡質地上面好舒服， 泡泡係洗面黎講都幾重要 可以消除所有疲倦，仲要好乾淨！用耐咗皮膚有機會變得乾，所以我會係間中先用一次，例如好油想清潔感多啲時先用。乾肌要小心使用。但佢算係性價比到極致 #清潔好物推介