zetalhc好用推薦：清潔能力非常好，可以以深層清潔毛孔中嘅黑頭同角質，用完之後覺得毛孔細咗，而且唔傷害皮膚

Hamiii好用推薦：實在好方便帶出國用👍🏻 一粒敷到面+頸， 可以有效減少到黑頭，粉刺 敷完又唔難沖走 我而家都會備幾粒仔面膜放gip出差用👍🏻

Hamiii好用推薦：呢個牌子既面膜我已經用左好多盒，性價比好高👍🏻 呢一系列既面膜比較偏大塊，我要摺住用 面膜紙觸感係好舒服，好滑，拎完塊面膜都無咩精華殘留包裝袋 不過我係真心好唔鐘意張定位紙🤢 張紙太硬，根本起唔到作用😵‍💫次次都都掉左先上面，感覺有d唔環保♻️ 面膜本身幾補水，如果塊面當日狀態唔好，會有小小拿拿地。 留意番呢款面膜建議時間係10-15分鐘，敷開20分鐘既記得睇時間起膜🤣

Connor好用推薦：呢個牌子嘅面膜真係由細用到大，便宜大碗，而且效果都ok 呢款係我用得最多同最常回購，面膜紙適中，好貼面，內含精華液又多，敷埋頸都可以，用完塊面唔會好粘笠👍🏻皮膚即刻可以保濕鎖水

Karman28好用推薦：已經買過好多支，佢好易起到泡，清潔能力很強。但唔知係咪去油脂太勁，曾經都有d 時間洗完塊面會好崩緊，但勤力補水後，又無呢個情況。

lingbb好用推薦：用緊第n枝，皮膚敏感用佢洗面都不怕 只要好少份量就可以起好多泡（如圖) 香味剛剛好，泡泡質地上面好舒服， 泡泡係洗面黎講都幾重要 可以消除所有疲倦，仲要好乾淨！用耐咗皮膚有機會變得乾，所以我會係間中先用一次，例如好油想清潔感多啲時先用。乾肌要小心使用。但佢算係性價比到極致 #清潔好物推介

hatty好用推薦：🩵🤍💙 幫肌膚補補水💦 最近天氣唔穩定，室內室外溫差大令到肌膚水油唔平衡🥹好彩LITS有一系列嘅護膚品，可以幫我皮膚補水保濕！ 以前去日本瘋狂掃藥妝店，LITS 真係必搶品牌！😛好彩近年喺香港都買到好方便！🤣LITS 全線產品含有植物幹細胞成份😚幹細胞就係細胞嘅BB，佢可以轉變成身體上任何型態嘅細胞，保持各個器官健康，包括皮膚！🧏🏻‍♀️可幫助皮膚再生及修復、抗氧化、生好多膠原BB，增加肌膚彈力，重現彈滑光澤肌✨ 成份安全天然，不會引起免疫/過敏反應，令皮膚重新✨激活細胞生長，延長皮膚細胞生長週期🧏🏻‍♀️增加皮膚水份及彈性💦 🤍LITS植物幹細胞保濕水190mL🤍 (細胞水) 日本〈LDK〉No. 1 榮譽, 超越專牌品牌，日本藥妝店口碑王😍可以24小時持續水潤，為肌膚注入源源不絕嘅水！💦質地水潤清新，輕透零負擔！夏天用都好適合！可當日常嘅爽膚水用，更可以倒落化妝綿當作面膜濕敷、塗或敷上頸、手踭及腳踭使用，敷完感覺好似注滿水🤩 🩵LITS六合一滋潤凝膠面霜90g🩵 一瓶帶來多重功效，包括保濕水、精華、乳液、乳霜、面膜、妝前霜！🤩水凝質地清爽易吸收，適合任何季節！佢可以促進細胞

維他他好用推薦：用過最好用嘅盒裝mask!!! 平時啲一盒盒懶人mask 拎出黎都唔太濕，乾乾地，冇片裝mask咁好用 但呢個LITS盒mask真係刷新三觀 每一片拎出黎都好濕潤， 我估因為佢有兩層紙封住 要開兩層先拎到mask 所以每片mask仲係好夠水，好濕 講返盒mask, 保濕功效我覺得好好 好保濕夠水，植物幹細胞呢個注水好正 用完即刻保濕度up左好多 所有護膚basic都係要保濕 所以呢盒真係好正 但價錢都較普通嘅盒裝32mask 貴 購至松本清，要$125一盒 都唔平，但佢功效真係好 所以照買！ Mask嘅texture都好好 敷完好舒服 Mask cutting 亦好好 貼面

zetalhc好用推薦：大推比有背痘嘅人使用，性價比超高，而且唔刺激，用完唔會紅腫痛。每日沖涼嘅時候擦下心口或者背部，好快就會見到痘痘少左

wintonggg好用推薦：清洗效力幾好，feel到洗完好乾爽，本身胸前同背脊都有D痘痘，keep住用半個月有消到，不過我覺得時間長左D，冇即時效用

Kakar好用推薦：係innisfree買面霜果陣送既，佢質地唔太笠，都幾容易吸收。個人無好明顯既美白效果，但覺得用後膚色好似均勻左。

Lilian Ching好用推薦：超推這款！！ 一開始是在專門店買東西時收到試用裝，那時剛好皮膚狀態不太好，一使用後便驚為天人 那陣子我的皮膚不知為何變得突然有點粗糙(不是敏感)，比較難吸收護膚品 使用了這款精華幾日後，皮膚竟變回柔軟水潤的狀態 後來查一下成份，原來裡面有維生素B3和B5，好像有增加皮膚彈性的功效， 雖然這款主打美白，但我最有感的是皮膚變柔軟。 質地是我喜歡的透明水狀精華，擦上臉也不會有油膩感，很好吸收。 本身皮膚很容易出油，夏天只擦爽膚水跟這瓶就夠了，如要上妝的話就會加上清爽的乳液。 氣味是淡淡的柑橘味，不喜歡強烈香料味的人應該都較容易接受。

JOYCE好用推薦：朋友推薦用呢隻蜂皇漿緊緻活膚面膜，話效果好緊緻，買咗一盒嚟試🤔睇吓係咪真係咁勁APIVITA出名成份天然，敏感皮膚都唔需要擔心。打開就有淡淡嘅蜂蜜味，質地係米白色乳液狀。用面膜掃厚敷上面、頸，之後等10分鐘就可以用水洗乾淨，之後搽返面霜鎖水就完成👌🏻呢隻蜂皇漿緊緻活膚面膜話有緊緻、提拉、軟化皮膚嘅作用。軟化、緊緻皮膚同補水功效我覺得唔錯，敷完仲睇得出即時提亮咗。雖然提拉效果真係無，但其他功效都足夠令人想繼續用👍🏻👍🏻

applepie好用推薦：近期比較關注肌膚緊緻及細紋的問題，所以入手左Apivita 蜂皇漿面膜黎試吓，希望唔刺激肌膚地改善面部狀況～ Mask打開好香蜜糖味😂，似漿糊質地，上面10-15分鐘洗走，面部即時變得提亮Q彈，希望持續使用可以令塊面更緊緻～

黯然仙人掌好用推薦：之前唔知買咩送嘅贈品 白色膏整有微量嘅顆粒，淡淡嘅青蘋果味，可以起到好濃密嘅泡泡。 混油肌洗面覺得有少少乾，要即刻搽爽膚水先okay 用黎洗背脊d 痘痘又幾好😂洗完好乾淨 應該會好適合油肌

Kura好用推薦：超好用嘅洗臉膏，有一次超級市場減價買嘅，用完皮膚變得好滑，值得再回購

Blehh好用推薦： 首先多謝cosme抽中今次嘅試用，本身係混合肌，因為夏天所以都物色緊去角質嘅產品，今次kanebo爽膚水嘅表現好滿意✨ 首先佢到出嚟嘅質地係偏清爽，唔會好似精華水咁稠，流動性好高亦好易吸收。另外都冇咩奇怪嘅味道，上到臉感覺到水潤舒服。用咗一段時間覺得皮膚軟熟咗，同埋變得均勻透亮。總括嚟講，覺得佢都幾適合夏天用，冬天的話可能保濕度就未必夠。另外個人覺得個泵有啲難控制(?，個角度好容易濺到周邊都係  另外附送嘅化妝棉都好鍾意👍🏻👍🏻 就張就可以分開四層，好襟用。而且佢嘅質料好柔軟親膚，唔會好「鞋」，有輕微嘅彈力，唔會一拉就爛，亦唔會起毛粒，無論濕敷定抹面都唔錯。 不過最令我驚艷係佢可以溫和去角質嘅成效。濕敷之後攞去輕輕擦面，個化妝棉即刻充滿着啲黃黃灰灰嘅老廢角質，但同時塊面都唔會覺得好乾用嚟抹頸或者其他冇仔細保養嘅部位個效果更加明顯🙀😽

saphi好用推薦：最近收到KANEBO 的雙效修護嫩膚水, 產品表示同時間可以去角質但又做到滋潤效果, 平時通常去角質就是清潔力比較強, 很難想像如何同時間會有保濕效果, 於是抱著半信半疑的心態下試用..... 呢支嫩膚水係有泵頭, 對控制份量都幾好, 質地偏水狀清爽的, 我有配合同品牌的化妝棉用, 抹面後仍然幾清爽的, 因為有化妝棉既關係, 感覺上係會好似一邊保濕又一邊去左d死皮角質, 同時間仲有另一個用法, 就係可以濕敷, 我試過鼻上濕敷, 鼻翼的角質層係容易清除, 再用化妝棉輕輕一抹都會見到黃黃的 感覺上用左一個星期, 皮膚係透亮左少少, 呢款產品我覺得夏天使用比較合適, 因為天水熱出油出汗的情況較多, 每日使用可以幫助去除角質, 又有清爽水潤的感覺, 唔會好似其他清潔產品用完扯住扯住皮膚咁, 但冬天就未必適合日日用, 冬天可能間唔中濕敷用黎溫和去角質就ok! 平時潔面後先用佢成塊面抹一次, 後續既精華都好似更容易吸收, 又或者用完佢再敷面膜, 效果都事半功倍~ 用黎濕敷腳跟都不錯的~~~會嫩滑返!

Milo101好用推薦：🌟質地比較水潤 🌟塗在臉上幾舒服，柔軟 🌟用完皮膚穩定，不會敏感

黯然仙人掌好用推薦：混油肌超適合嘅韓國神仙水 質地輕型易吸收，保濕無負擔，妝前使用唔會起擦膠碎。 夏天可以單用，冬天可以配搭多枝精華。 長期用會feel 到皮膚細緻咗，穩定咗。