不泛白(防曬) 推薦好用產品

940727.0好用推薦：呢個牌子嘅日霜有埋防曬50+++算係好方便，而且比較水潤，唔會話起油脂粒。👍🏻 

Milo101好用推薦：🌟有防曬SPF50，PA+++ 🌟這支非常適合化妝前用，淡粉色的輕乳霜狀，推開後是透明的 🌟質地柔潤，幫助後續底妝更貼服 #底妝升級好物 @cosme

mandy好用推薦：Biore Aqua Rich UV AQUA PROTECT MIST (水凝系列 -極水感防曬噴霧) 共2款， 其一為沒有香味，另一款則是限定的茉莉小蒼蘭芬香版。 Biore Aqua Rich UV AQUA PROTECT MIST 水凝系列 - 極水感防曬噴霧 SPF50 PA++++ $89.90 / 60ml (買1送1 from Mannings) Biore的防曬噴霧跟Biore其他防曬產品一樣， 比較著重防曬成分及功效，添加比較少的護膚成分。 感覺某些開架品牌的防曬噴霧蘊含多些美肌成分。 水凝系列 - 極水感防曬噴霧的優勢在於細細枝， 不佔空間，隨時帶出街也可以。 此外，極水感防曬噴霧可以均勻地噴灑， 而且非常水感，完全不會有黏笠感，全身及頭髪適用 比市面上大部分的防曬噴霧更清爽，用後也不會泛白。 SPF50 PA++++提供充足的防曬保護，戶外活動也能使用。 推介給喜歡水感清爽使用感的防曬噴霧用家使用。 含防曬成分: 桂皮酸鹽, 二乙基氨基羥基苯甲酰苯甲酸己酯, 乙基己基三嗪宗, 聚矽氧烷-15 及 2，4-雙((4-(2-乙基-己氧基)2-羥基)-苯基

Haidy好用推薦：超方便，無粉感！上班坐窗邊必備！平常凃身體防曬最怕粉感，粉粉的感覺很難洗zzz 這Biore 防曬噴霧 水水的！也不會黏膩！上班坐窗邊噴幾下剛剛好~ 防曬力 SPA50 PA++++ 持久力應該還好吧~ 上班隨時補噴，或者小小一枝 放袋裏隨時補噴都可以！ 買了2款，其實普通版也有一點香味。紫色那款是濃一點的花香味。香味散得快，不喜歡香味的，可以買普通版，只有一開始淡淡的。 噴頭噴身體剛好，噴的範圍挺大！噴臉的話就不太夠細膩了。 結論，一定會回購！

lingbb好用推薦： - 我買過專櫃最貴嘅防曬。係數一數二好貴但成份好好嘅防曬 - 質地係白色乳液狀，延展性高，好易推開，極快滲透皮膚唔會泛白，透薄輕盈，往後上妝都無影響。 - 價格高在一枝防曬有埋護膚成分包括保濕同抗衰老成分，一路防曬一路美白減斑 - 使用一段時間後，皮膚整體有亮白到，非常驚喜亦覺得值回票價，白返就暫時唔用住，等黑咗先再用返一段時間🫣 - 為咗美白同靚必須不停發掘更多好選擇俾自己，呢枝冇令我失望 - 推薦俾所有美女👍🏻

mandy好用推薦：POLA WHITE SHOT （雙效祛斑煥白）防曬日霜 SKIN PROTECTOR DX SPF50+・PA++++ $550/ 45g 多功能的防曬+日霜，美白、防曬、保濕、抗衰老同步進行。一物幾用，防曬同時護膚，極方便(不用先用日霜再用防曬)，而且划算。 SPF50+・PA++++有足夠防曬保護，户外活動也不用擔心。 質地水感清爽, 延展性高, 易於均勻推開， 而且不影響後續上妝。 使用感舒適輕盈，使用後肌膚水潤飽滿嫩滑，透明度及肌膚光澤都有所提昇。 添加了不少優質護膚成分, 如美白、保濕、防曬及抗衰老成分。(注: 不是因調色功能美白，而是真正美白成分)。 WHITE SHOT 全糸列產品中價位比較好入手就是DX 防曬，其他大都接近$ 1000。好多時市面上的防曬都是以防曬成分為主，其他護膚成分不多。DX 防曬價位是貴，卻確實具多重護膚功效，所以也可說是物有所值，值得買入。市面上具優秀美白成分的防曬實在不多，很難找到DX 防曬的替代品。 (含有效成分) 美白/均勻膚色成分: 傳明酸, 甘草酸鉀 去斑成分: 傳明酸, 甘草酸鉀 保濕成分:

Catcmc好用推薦：用咗兩次已經急不及待上嚟分享，我係乾性肌，用呢一個用完好舒服好潤，真係非同凡響，之後再用粉底都好甜貼! 缺點係好鬼死貴 呢兩日咁啱天氣回暖，遲啲再喺啲凍啲或者熱啲嘅時候再試睇吓效果如何

Fng好用推薦：cle de peau uv protective cream 防曬乳 spf50+，它乳狀感，易推開，均勻吸收快，不乾燥也不膩。 我乾肌覺得好好，份量唔使勁多，偏潤，過多份量可能會覺得油，畢竟一年四季也需要防曬，這支真的真愛， 無限回購的首選，崇光感謝祭必買防曬 。💖

leungleung好用推薦：用過一次已經回購了。好喜歡它的水潤感，唔會立青青, 當係化妝防曬打底，啱曬

natanatalie好用推薦：非常適合混合性，油性肌膚於秋冬使用。因為他的質地算是比較清爽不黏立，但是又可以有保濕的效果。以防曬來說，這個價錢是很出色的。

CLS24好用推薦：防曬粉真係油肌/混油既防曬BBF！！我唯一可以安心純用洗面奶洗走既防曬產品☺️敏感人士要試啦！！！佢無香料、無酒精，濕疹、暗瘡、細路、大肚婆、醫美術後等等等等都可以安心使用！ 憑肉眼睇，佢隻粉會帶少少黃色，可能因為有幾隻保濕份子啦。但上臉唔會顯黃，反而有少少blur毛孔！使用感受，2個字，清爽！比任何防曬產品都一定清爽！戶外/化妝個陣我會拎來做蜜粉同補妝，怕出汗出油會被我抹走，所以大約2-3小時補一次，室內既話剩係用佢都夠做，全日唔洗補！！ 佢有SPF50+ PA++++ ，純物理防曬，海洋友善配方，唔洗擔心影響地球環境！ 但係佢支伸縮掃未到十分好用，只係可用程度，有更好既選擇。而我只建議用化妝掃上粉，粉撲未必夠均勻。因為佢粉唔算幼細，如果潮濕，甚至容易結塊，盡量用掃打圈散番開！ 缺點： 1）佢粉盒呢個設計我唔算太喜歡，取粉唔夠幼細，要借用佢個蓋，然後因為粉帶黃色個蓋又好容易變黃… 2）外出用個陣，佢起個袋「浪」來「浪」去，冇防備之下一打開蓋可能走左好多粉出來，試過浪費左d粉之後我每次開之前都會敲下個蓋，等多d粉跌番落盒。 如果個包裝有新設計改善下就更好啦！

claudiayanyan好用推薦：一直喺度搵可以出街補嘅防曬，上一年終於比我搵到呢隻Rachel Wine嘅礦物防曬粉！搽上面可以做到輕微修飾毛孔，而且係SPF50，有時懶起上嚟唔化妝都可以搽佢落街。個人比較鍾意用埋佢個數，可以上得均勻啲，唔會一撻撻。

Stones好用推薦：幾好用, 我係拎黎搽面的,不會太厚，亦都不會同化妝品打架，不會起擦膠碎。同埋一支都可以用幾耐的。

Angie好用推薦：已經買過好多款呢個牌子嘅防曬，每一支都好好用，呢支都唔例外👍🏻化妝前用嚟打底都唔會起白色屑屑

bibubibu好用推薦：呢支防曬嘅防曬度適合日常使用 質地少少癡手 但喺面上都算容易推開 等一陣會成膜 塊面會白咗少少 感覺唔會焗住塊面 但有黏住嘅感覺 最大問題係會同其他產品起擦膠碎 用咗幾次都有呢個情況 如果妝前使用唔推介

Imelda 好用推薦：質地水潤易推不黏膩，防曬同時護膚，用普通潔面乳洗面就可以，唔駛特別卸妝，用過好多其他品牌，最後都係揀返佢

Noel好用推薦：夏日將至，又係時間搬出比較強的防曬用品，加到 skincare routine❗個人對 Sofina 的 iP 系列及 Jenne 系列都甚為喜愛，對乾肌非常友善😘 手上這枝 Sofina UV Resister 係 rich cream 版本，質感是濃稠一點的乳液狀，並帶有同一系列土台美容液香味，很好聞又不刺激👍 因為防曬系數高 SPF50＋ PA＋＋＋＋，無論日常翻工翻學，或者戶外運動，我都喜歡用它，感覺萬無一失😍 乾肌的我會同時用它作為妝前產品，因為這枝的保濕感覺強，而又清爽不油膩，高防曬同時又膚感 light，很讚👍加上它不泛白，不會留白汗，沒有擦膠碎，使用感絕佳❗ 如果有 budget 可以試試 iP系列，如果學生或小資女想試試 Sofina 防曬產品，也可考慮 Jenne 白色瓶防曬，價格稍為便宜。

Vivian好用推薦：已經第N次回購 SPF50+ 防曬效果一流，既可防曬又可做隔離霜 番工同戶外活動都用佢

Emma W好用推薦：其質地比較水潤薄，使用後不會感到厚重或乾，能夠提供自然的光澤感，係妝前打底的好幫手，能使肌膚看起來更健康、明亮。遮瑕效果不錯，可以遮蓋小瑕疵。但要補妝，若炎熱潮濕天氣，就要適當定妝。 適合肌膚：任何 成效度：4/5 保濕度：3/5 貼合度：3.5/5 質地：lotion 狀 光澤度：4/5

維他他好用推薦：我用的是2號色 Bb cream是個好東西 一支已具備多種功效 呢支bb cream texture比較厚 好似粉底液咁 一上面已經修飾容顏色 提亮左，光滑左，瑕疵少左 重點係佢都幾防油，用大半日都係鼻頭有少少出油 另外要卸妝，亦用普通卸妝油就可清洗乾淨 懶人恩物！

LenaC好用推薦：ALLIE UV防曬 玫瑰水凝乳 燦爛光澤薔肌 除咗防曬之外 仲有護膚同粧前飾底效果 防曬+護膚+隔離 3效合1防曬霜 一枝搞定 💕防曬度為極高既SPF50 高效隔離UVA 阻擋陽光紫外線 仲添加左美容液護膚等成分 有助保濕唔會太乾起晒紋 亦無添加Paraben防腐劑 將皮膚負擔減至最低🌝 質地係帶粉紅色嘅乳液狀質感水潤 好容易推開 塗抹時聞到淡淡既優雅玫瑰香擠小小份量都好足夠 打圈按至薄薄一層 相比起其他防曬度同樣高既防曬乳液 佢絕對係零厚重感 一啲都唔黐立抹開後肌膚平滑光亮 滋潤均勻 略有粉紅既色調亦輕鬆打造出健康紅潤好氣色而且佢嘅無油GEL配方 有助持久清爽控油 適合夏天使用使用 防曬 護膚 修飾 一枝KO 推！

Blueblueblue好用推薦：日本旅行時係藥妝店買嘅。 ALLIE 防曬水凝乳帶有少少粉紅色光感粒子，可輕微修飾暗沉，不黏膩。

Noel好用推薦：其實行街時總見到這個品牌的開架防曬，但都沒有入手... 最近 My Bestie 真的向我推介了 SunCut 金色防曬，所以就即管試試！感覺很驚喜，再看看價格及容量，根本係 “爆 CP 好物”❗ UV Prefect Essence 防曬乳有點水感啫喱的質地，淡淡黃色，味道不難聞👌 KOSE Cosmeport 出品，防曬系數 SPF50 PA ++++，對產品很有信心。塗到面上很水很好推，因為啫喱狀，所以延展性極佳，又沒有泛白問題👍 雖然它是防水配方，但是很 light，沒有焗促感，其他膚質的靚靚也可以試試啊～ 這枝防曬乳又大罐又便宜，高效又不黏笠，塗面塗手腳都適合❗

Fanc好用推薦：搽完面霜再搽佢，係普通日常防曬，就算坐office都要做好防曬，價錢抵用夠大枝，好似有3-4隻色tone揀，揀左呢隻，係有提亮膚色，我直接當埋bb cream咁用，唔會再搽粉底液，不過都要睇下面霜質地同佢夾唔夾，如果唔係都有機會起擦膠碎，整體上都ok,唔算太黏笠，用完呢枝都想睇下有冇其他色會更適合自己膚色，呢隻色用完效果真係偏青，冇乜血色咁🤔

raissa好用推薦：用之前一定要搖勻，唔係會油水分離。防曬能力都ok，揸左之後出去戶外都唔點覺得曬黑左。但我鼻同額頭嘅位都容易出油，間唔中用完之後都會出少少粒粒，所以我都未去到日日都會用。但用完係唔會覺得痴立立，幾舒服。

mavis好用推薦：見佢寫到明防水 有一次去水上樂園嘅時候就用佢 唔知係咪俾啲水沖走晒玩完覺得自己好黑

Nyaaa好用推薦：用完試用後入手了貨size👌🏻，質地薄身易推，透明冇色，少少笠但等吸收後就冇事，用後唔會起暗粒。香味係Decorte一貫嘅高級感香味，而且貨裝2百幾蚊有50ml，性價比都蠻高

Linabella 好用推薦：係專門店購買，以防曬來講質地都算幾輕薄，而且防曬係數適中，一支都可以用好耐。

www好用推薦：前一段時間去左泰國，因為驚曬黑曬傷特別簡左個防曬系數就既防曬噴霧。結果沒有令我失望全程只用了他也沒有曬黑，重點我們還有去沙灘，用他非常防曬，防水，補防曬起來也非常方便。味道也沒有很重的防曬味，重點是十分容易清洗，用沐浴露已經可以卸除得非常乾淨。會再回購，推薦！！！

Cici Wong好用推薦：夏天比較鍾意用防曬噴霧，因為無防曬霜咁黏笠。呢隻聲稱適合户外活動，4小時防水防汗，所以買來去迪士尼用。噴上身感覺有一層保護膜，不過唔會焗，亦無泛白敏感情況，面部身體都能夠用，我半日就補噴一次，無曬傷或曬黑。沖涼就能洗走，不過要用d力捽。

Vivian好用推薦：質地舒服順滑，滋潤度足夠，不會過於黏笠，防曬度數高，唯色調偏粉紫有點不適合黃皮，塗上顯得面頸明顯兩截色調，下次可再嘗試膚色版本

takemyokane好用推薦：最近很喜歡用的一款妝前防曬打底，由於是有色防曬，膚況不錯的日子直接塗它就能出門，有遮瑕效果，質地又夠貼面，和粉底液有差不多的效果，很適合香港夏天使用。之後上其他化妝品也能完美融合。沒有控油效果，但可能習慣之後上同牌的蜜粉，泛油都不會太嚴重之餘反而顯得有光澤感。 看看上市日期原來已經推出了一年多，有點可惜在香港的討論度那麼低 🥹 性價比又高，真的不買來試試看嗎？

Hazel好用推薦：前排皮膚敏感所以買黎試吓，雖然有啲乾亦都有泛白情況，但冇令我泛紅或者敏感，而且防曬系數高，尼個夏天都會繼續用佢°

connielo好用推薦：已經用完條屍都唔見埋 但真心好用所以分享 質地清爽 不油膩 沒有顏色 不過我覺得用完面色都會有輕微提亮因為膏體係白色嘅(想有明顯少少既提亮膚色效果可以選擇橙色嗰款) 本人用好多防曬之後都要加碎粉壓油光 不過呢隻防曬唔洗 好似係皮膚上面有層膜咁 推薦✔️

Jane好用推薦：超級適合夏天用既防曬，混油混乾冬天用保濕度都可以，大乾皮冬天要考慮用其他/加強妝前保濕，不泛白，好水好易推開，無香精味，新舊版都用過，重點係平！會一直回購！

Fng好用推薦：防曬度夠高，不泛白，容易推勻， 保濕又透明 ，缺點不防水不防汗，其他一切都好。

龍好用推薦：首先感謝@cosme抽中我作為試驗者之一， CANMAKE係一個我自己私心好鍾意既產品來。佢除左價格相當親民，仲有產品都相當地好用(ﾉ>ω<)ﾉ。 今次就試佢呢款月光提亮粉底，有01同02色。本人偏黃底所以用02自然色。講左包裝先啦，好可愛❤️！然後入面有鏡同一個水滴形既粉撲要來上妝。 用後感，其實用佢提供既撲上妝都算還可以，可以叫平均，最重要係自己落手唔好太重，拎得太多。輕輕咁全臉拍，拍左2-3分鐘就可以。佢既遮瑕還算可以，可能因為我唔算太深色，所以用落覺得遮到。然後提亮部分真係一畫上鼻梁到就立提左，呢個相當方便，唔需要話再買過個提亮筆。然後有柔化毛穴既作用，相當OK。 不過最大既缺點我覺得係佢到左大約4個鐘就有少少開始卡粉既問題出現，然後整體來講如果鼻個邊既紋唔深其實呢款用來出街4～5小時係可以。但再長就唔太建議，如果要長既就可能要補一補會好D。 最後，以佢個價錢來講，中學妹妹買來用絕對係相當抵用，但前題係個膚色要岩。我本身既膚色比較困難，所以我自己就唔會再買。

takemyokane好用推薦：多謝 @Cosme 送出試用❤️這次使用的是 G01 號 Light Beige 色，第一眼覺得月亮圖案的包裝很可愛！雖然 Canmake 是平價開架品牌，但內層也有分成兩層把粉撲分隔開，附有鏡子，粉撲又是可愛的水滴形設計，細節絕不馬虎。因為是SPF50，不用再另外塗防曬。   根據官方用法，先由左掃至右，再以拍打形式逐少拍上臉部，然後只用右邊較深色部份拍在黑眼圈及其他瑕疵位置。基本上毛孔部份都能遮蓋，但泛紅位置就需要其他產品輔助。而且之後一定要上蜜粉定妝，否則它一直就是濕濕的狀態，比較容易弄花。注意必須輕輕拍打上妝，才會比較透薄貼服，否則戴口罩時會相對地容易掉妝。它未必是完美，所以個人不會在約會或與朋友外出時使用，但一般上班日子想快速上妝是不錯的選擇。 可愛的設計水滴形粉撲前後比較

維他他好用推薦：買ipsa 送的試用品，隻防曬最警喜係唔笠喎，有SPF 50都唔笠，好叻的了！佢冇香味，但我聞到有少少酒精味！？同埋佢冇提亮效果，作為防曬黎講，唔笠已經好唔錯！ 防曬質地好柔滑，比較液體狀，好易推開，亦唔會泛白

mandy好用推薦：IPSA Protector Daytime Shield EX  全效修護防曬精華日霜  SPF50 PA++++ $330/ 30ml 功效: 防曬+抗污染+抗氧化 全效修護防曬精華日霜質地柔滑水感輕盈， 可輕易在面上推開，使用感跟精華接近， 用後不油不笠不乾燥不泛白，油性肌也適合使用。 防曬保護充足，出席戶外活動也可應付。 一般開架品牌及某些大牌的防曬就只有防曬成分， 但全效修護防曬精華日霜含有不少優質護膚成分， 不論防曬、保濕、抗氧化都兼顧。 此外，如果只用全效修護防曬精華日霜，不化底妝， 那就不用卸妝，而且也可作妝前底霜使用，非常方便。 中高價位，品質及使用感不錯，可說是物有所值。 含保濕成分: 矽靈, 丁二醇, 甘油, 黃芩根萃取, 乙基玻尿酸鈉 及 聚季銨鹽-51 防曬成分: 氧化鋅, 桂皮酸鹽, 2，4-雙((4-(2-乙基-己氧基)2-羥基)-苯基)6-(4-甲氧基苯基)-1,3,5-三嗪 抗衰老成分: 甘油 及 黃芩根萃取 肌膚修復成分: 甘油 鎮靜消炎成分: 甘草酸鉀 及 黃芩根萃取 抗氧化成分: 甘草酸鉀, 硫代牛磺酸, 黃